Tuesday 25 October 2016

Nyaya yokugarira vana muchato chaiwo pasisina.

Kune vanhu vakawanda chose vanokoshesa vana vavo zvokuti unoona mai vevana vachiita sokuti vari kugamuchira zviito zvemurume zvakaipa chose chose iri ngari yokuti vanokoshesa nyaya yokurera vana vavo.  Tichada kutaura zvishoma nenyaya iyi pano

Chokutanga ndechokuti tibvumirane kuti kana tichiti muchato wapera tiri kureva chimwe chezvizvi chaitika.

  1. Murume haachakudi uye akuudza kuti haachakudi
  2. Murume ari kukuhurira 
  3. Mhuri yomurume haichakudi uye murume ari kubvumirana nazvo
  4. Iwe hauchadi murume.
Zvadaro unoona mukadzi anohwisisa nyaya yake kuti shuwa pano rudo hapachina, anogara achizviudza kuti ari kugarira vana vake pamurume asinamudi. Chii chinonzi kugarira vana? 



Chechipiri ndechokuhwisisa kuti hakuna munrume anogarira vana vake. Varume vanu vanoona sokuti vana namai vavo zvakangofanana. Kana asisadi mai vevana zvoreva kuti vana haachinawo hanya navo. Vongofunga nyaya yekubhadhara mari yechikoro neyokutenga mayunifomu. Zvokuti vanoreriwa sei zvosarira mai vavo. Haumbooni munhurue achinetseka nenyaya yokuti vana vake nomukadzi waachisadi vavata nguvai uye vadyei kana kuti vadzidziswei. Kutomirira kuona chakaipa chinoitwa nomwana kuti agokwanisa kutuka mai vemwana kuti havagoni kuchengeta vana. Zvokuti iye haasi kutombochengeta kana kamwe chete haazvioni. Ndiwo maitire evarume vakawanda.

Mukadzi anogarira vana vake pamurume asingamudi munhu asina STATUS yemukadzi wemumba. Haana Status yomukadzi wekubika mapoto. Haana Status yeGIRLFRIEND. Haana kana STATUS yehure remurume wake. Haana remekedzo yokuhi mai vemusha. Saka anohi ani pamusha waagere?  Tichitarisa tinoona kuti maitire ake zuva nezuva akangofanana neemukadzi wemumba. Vanomutarisa vasingabvunzi kuti zvinofamba sei hapana chanoona chakasiyana nezvaachiita achiri kudiwa nomurume.


  1. Anobika murue achidya
  2. Anowachira murume
  3. Anoainira murume hembhe dzokupfeka
  4. Anowaridzira murume mubhedha wekuvata
  5. Pakunovata murume, chero abva kuhure rake, akada kuvata naye, anovata naye asi asingamudi kana kuva nehanya naye.
  6. Mukadzi anopiwa mari yokumagirosa asi haakwanisi kumburena kuti haikwani kana kutenga zvaanoda iye, kana kutumira vabereki vake imwe yacho.  Mukadzi uyu haana STATUS pamusha uyu. 


Ndizvo tichibvunza kuti anozvifambisa sei? Vakawanda vedu havahwisisi kuti nyaya yokugarira vana inofamba sei. Vana ndevenyu mese saka kana muchato waparara unokwanisa kubvapo wosiya vana woenda kwaunokwanisa kurarama wega, murume osara achichengeta vana vake ega.

Kune vakadzi vanoona sokuti hazviiti kuti hure remurume riuye rizochengeta vana vake iye ari mupenyu.

Vanhu vakarambana zvine mwero vanoendesana kuCOURT vondobvumirana kuti voita sei. Kana vane musha vanohi govanai musha wenyu uyu hafu uyu hafu, mai vopiwa vana kana vari munhu akakodzera, baba vohi potai muchibatsira kuchengeta vana nezvimari pamwedzi pamwedzi. Nyaya yomira yakadaro kusvika vana vakura.

Isu pano tiri kubvunza nyaya yomunhu anoziva kuti haadiwi asi anozviudza kuti ari kugarira vana vake pamusha. Anoudza here murume kuti abva pakuva mukadzi wemurume uyu ava pakungova HOUSE GIRL wevana. Anoudza murume here kuti ngaachiita hake zvaanoda kuita nevamwe vakadzi nokuti muchato wavo hapachina. Anoti chii pakunovata? Anobvumidza murume kuuya kumba nehure here achivata naro iye aripo akamiririra vana vake?

Panyaya dzakawanda  dzinozvokugarira vana izvi, tinoona kuti chokwadi mukadzi achiri kungoiswa nomurume wake chero musi wada murume kuisa. Hakuna chinhu chinotaridza kuti uri mukadzi wemunhu kupfuura nyaya yokuti chero murume paadira anokuisa uchimubvisira bhurugwa wega pasina mubvunzo, achiti akati fongora, akati vhura makumo, akati simudzira chiuno, hauiti nyaya nazvo unongotevedzera zvaari kuda izvozvo. Mukadzi wemunhu akagarira kuva mukadzi wemunhu ndizvo zvaanoita pamusha wake.

Iwe kana uchiti musha uyu hauchisiri wako, Murume haasi kukudzinga, zvawabika anodya, bhurugwa ukabvisa anokuisa. Chasiyana chii? Toona sokuti hapana chasiyana pakuri uri mukadzi wake kana kuti wakangogarira vana vako. Changosiyana ndechokuti hauchakwanisi kubvunza kana ukaziva kuti ange ane hure rake.  Unongopiwa zvigwere zvaabva nazvo kuhure. Saka apa wada kuchinjana upenyu nehure. Iwe ndiwe wava HOUSE Girl with sexual benefits.  Hure rake rave mukadzi wemumba.

Chiri kuitisa kuti murume asashingirira kukudzinga pamusha ndechokuti anoziva kuti hauna kungogarira vana vako. Nyaya yokuudza vanhu kuti wakangogarira vana iyi inyaya yokuti wapera mazano panyaya iri kukukonzera kufunganya, asi unoziva kuti murume wako anokuda uye iwe unomuda asi kungoti muri kukonana pane chimwe chinhu. Mese hamusi kuda kugadzirisa chinhu ichocho.

Sokuona kwevaoni. mukadzi akadai mukadzi wepamba apa. Zvese zvekugarira vana ndezvokuti awane mataurire ekukoniwa kwake kugadzirisa nyaya dzake.

Sokuti murume oti anoda kuroora mukadzi wechipiri. Mukadzi oti haazvidi asi kubvapo haadi futi. Zvinotoreva kuti murume ari kuvata ne SMORO HAUSI iya asi vahosi vari kuita sokuti hazvisi kuitika. Panozosvika pakuti chimuhure chiya choita mimba, kureva kuti icho hachina basa nokuzoita mukadzi wechipiri, vahosi ndivo vari kutsika madziro. Mimba yavapo muhure osvika pamusha. Murume nokusapiwa mvumo anoti kana usingadi kuti uyu auyewo chienda hako kwenyu.  Nyaya yakadai ndiyo inowanzoti mukadzi oti ava kugarira vana asi chokwadi chiri chokuti anodawo murume.


Kana uri umwe wevanamai vakadai tiudzewo nyaya yako timboiterera.

  1. Zvinofamba sei mumba menyu?
  2. Wakangogarira vana chete, uchiri mukadzi wemurume uyu here kana kuti kwete?
  3. Iwe nyakugarira vana unowanei pazviri?
  4. Zvinobatsira vana here kana kuti zvinokanganisa vana?
  5. Ko sei kusina murume anogarira vana vake kana muchato wapera?
  6. Ko kana vana vazokura vakabva pamusha unozvifambisa sei? 


Zvinoita here kugarira vana chete pamurume asisina hanya newe? Unomuudza kuti kudii murume wako?

TIUDZEIWO VAKAGARIRA VANA 

Saturday 22 October 2016

Munhu hwisisa upenyu hwavamwe vanhu.

Pano toda kumbotaura nenyaya yokusahwisisa utano hwevamwe. Inyaya dikidiki hayo asi inoda kutaugwa nokuhwisiswa.  

Kuti vanhu tigare tine utano hwakanaka hwemuviri nefungwa, tese tinofanira kunge tiri vanhu vane hwisiso youpenyu uye kusaitirana majerasi pazviri. Iwe wega zvionere kuti unokudza upenyu hwavamwe vanhu vari mu SOCIAL CIRCLE yako vakaita sehama, shamwari, vavakidzani, vaunoshanda navo, vaunosangana navo pamabhazi, etc. 

Munhu ane murume/mukadzi anoshanda kure.
Kana munhu ane murume/mukadzi anoshanda kure achingouya kumba pa WEEKEND, zvoreva kuti paanouya kumba ndiyo nguva yake yokusangana nemhuri yake. Iwe ukazviziva izvozvo chionawo kuti wavapa nguva yokusangana nokufara pamhuri dzavo. Chirega kupindira pazviri nokuva netsa panyaya dzisingawedzeri mufaro wavo. Iwe enda kumba kwako unofara nemhuri yako. Kana usina mufaro kumba kwako hazvirevi kuri unofanira kushaisa vamwe mufaro.  

Murume nomukadzi vanoshanda
Murume nomukadzi vanoshanda vese zvinoreva kuti pakati pevhiki vanoshaya nguva yokunatsogara vese vasingafungi zvekubasa. Pakati pevhiki vanokwanisa kungoonana kwekanguva kadiki maneru uye mangwanani.  Ikako kanuva kadiki kakavakwanira asi kuvanhu vakaroorana inguva shoma iyoyo.  Zvinoreva kuti isu vokuzhe tinofanira kuvabatsira kuva nenguva iyoyo pauviri hwavo nevana vavo.

Vanhu vasingashandi
Vanhu vasingashandi vane nguva yakawanda chose asi pakuwanda kwenguva apa vanokwanisa kupokana nokuti murume ndinzvengamutsvairo mumba. Mukadziwo anokwanisa kuva munhu anofoya. Chero muchidanana henyu sei, kugarisana mumba pasina chamuri kuita hakuvaki musha. Isu vokuzhe kuona kwedu apa ngakubatsire mhuri iyi kuti umwe wavo akwanise kuwana chokuita chinovaka musha wavo.  

Vanhu vachangoroorana
Vanhu vatsva pamuchato vanhu vanofanira kukurudzigwa kuita nguva vari vese vachidzidzira rudo gwavo uye kugarisana. Musva mutsva chinhu chinonetsa kuvaka. Hino isu vokuzhe ngatione kuti tinoratidza rukudzo mukuvaka kwavo. Zvokuti isu takatadza kuvaka dzimba dzedu saka toda kutadzisa vamwe kuvaka dzavo, kukananisa kufunga. 

Vanhu vanogara mumba yako vachibvisa mari
Kuva nevanhu vanogara mumba mako vachikubhadhara rhendi hazvirevi kuti vafanana nevana vako. Vanhuwo varikutoda kuwana musha. Havakwanisi kutenga musha wavo saka vauya kuzorhenda pako.  Hwisisa kuti vanhu vanofanirawo kupiwa rukudzo kuita sokuti vari pamusha wavo. Munokwanisa kushamwaridzana navo asi ushamwari hwevanhu ngahubatsire kuvaka vanhu kwete kuputsa.

Vanhu vanoshanda usiku.
Kana tine hama, shamwari , vavakidzani , etc vanoshanda usiku, ngatihwisise kuti zviito zvedu kwavari zvinobatsira upenyu hwavo. Kune vanhu vasinei zvachose nevamwe vanhu zvokuti chero vanozviona vanopedzisira vaona kuti pane dambudziko apa.  Ngatihwisisezve kuti kupokana navavakidzani chinhu chinoitika kakawanda chose nengari yokusahwisisana, asi vavakidzani ndivo vanhu vanoti ukaita dambudziko vanokasira kukubatsira.  Iwewo batsira paunogona napo.

Vanhu vane vana vadiki
Kurera vana ibasa guru chose zvokuti kune vanhu vasingarikwanisi.  Kana une hama dzine vana vadiki hwisisa kuti upenyu hwavo hwakamira sei.  Vana vanoendeswa kunovata nokukasira kwasviba kuitira kuti vakwanise kumukira kuchikoro kana kuti vawane nguva refu yokuvata.  Zvadaro vabereki vanombosara vakasvinura asi vanenge vakaneta  zvokuda kumbozorora. Isu vokuzhe ngatichiregawo kuwedzera kuneta kwavo nokuvapa zvimwe zvokuita zvisina basa. Ngatirege kuvanonotsa kuvata pazvinhu zvisingavaki upenyu hwavo.

Mukadzi/murume wemunhu
Kuti munhu anzi murume/mukadzi wemunhu zvoreva kuti iye ari kutozama kukura uye kupiwa rukudzo. Isu vokuzhe ngatichitevedzerawo izvozvo nokuremekedza chinhanho chaava munhu uyu.  Kuhi mukadzi/murume wemunhu hazvirevi kuti ava kutogona kuva munu ari pachinzwimbo chakadaro. Ari kutodzidzawo kuzviita. Ndosaka muchiona kuti munhu anokwanisa kuhura asi ega ozochemedzwa nokuhura kwake, achichemerazve munhu waahura naye kunge abatwa achihura. Kuchema uku kushungurudzwa nefungwa yokuti , mukadzi/murume wangu ndomuda chose uye ndiri kuzama kumuratidza rudo neremekedzo asi ndongoerekana ndahura.  Zvinobva pakuti isu vokuzhe hatiremekedzi upenyu hwemunhu uyu. Kana munhu ahi mukadzi/murme wemunhu, ngatichisiyana naye panyaya dzinopedzisira dzahurisa.

Saka tingaratidza Seiko kuti tinohwisisa?
Zvimwe zvezvinoratidza kuti uri munhu anofungawo upenyu hwavamwe zvinhu zvisingambonetsi kuita. Ngatiudzane zvimwe zvacho kuti tese tizive.

1 Usavhakashira munhu ane murume/mukadzi anoshanda kure paWEEKEND, nokuti ndiyo nguva yavo yokusangana pamhuri yavo. Rega vaite zvavanoda, kunonoka/kukasira  kuvata and kunonoka kumuka. Kana uchida kuvavhakashira vhakasha pakati pevhiki. Kana zvisingaiti vatumre zvaunoda pa WHATSAPP mutaure ipapo.

2 Usafonera vamwe kwasviba usingafungi kuti pamwe vavata kana kuti pane zveuviri hwavo zvavari kuita. Sokuti vanhu vachangoroorana vanofarira kuwana nguva yokudzidza zvoupenyu. Vasiye vakadaro. Kana ukafona foni ikarira katatu isina wadavira, chirega kuti irambe ichirira. Tumira MESSAGE.

3 Usafonera munhu kana upi zvake kana 9 yachaya mu UK kana 7.30 yachaya muZimbabwe. Inguva yokuti vana vaendeswa kunovata. Zvino hazviiti kuti uku munhu ari kuzama kuti vana vavate uku foni iri kurira. Kana munhu wauri kufonera ane vana vadiki, tumira MESSAGE iye azvifungire kuti opindura here kana kuti ozopindura mangwana.

4 Usavhakashira vanhu vakaita sevatataura ava pa WEEKEND kana kuti manheru kana makuseniseni. Handizvo. Hazvina kunaka kuti wosvika kumba kwevanhu wowanika vanhu vatopfeka hembhe dzokuvata nadzo kana kuti wowanika magetsi emuhedrhumu mavo atotungidzwa. Zvoreva kuti uri munhu asingahwisisi.

5 Usavhakashira munhu asingazivi kuti uri kuuya uye asina kubvumirana nazvo. Hakuna chinhu chinobhowa sokungosvikigwa pamba pako nomunhu wausingafungiri kuti achauya, hazvinei kuti ihama yako here kana kuti shamwari. Munokwanisa kuti maendesa vana kunovata, magara kuti muchitanga nyaya dzenyu imi vabereki, rimwe benziwo rogugudza pamukova. Unohwa kusembugwa Kana wovhura mukova kuona hama yako yaunoziva kuti hapana chakaipa chaitisa kuti auye nguva iyi. Munhu fona usati wanovhakasha ubvunze kuti zvinoita here kuti uvhakashe. Kana vati zvinoita, wovaudza kuti ndozvikako nguva yokuti.

Unoona umwe munhu achikwira bhazi kubva kwamutare kusvika Bulawayo, ozofona ava pa RANK kwahi uyai muzonditora ndasvika. Vamwe vanoenda kana Joni chaiko, pasina anoziva kuti ari kuuya. Remekedza vamwe vanhu noupenyu hwavo. Magarire avo anongogozhawo seako saka usafunga kuti varipo kushungurudzwa newe. 

6 Usatanga kutaura nyaya dzisiridzo nomukadzi/murume wemunhu. Kana iye akakutsverukira iwe dzora nyaya idzokere kwakanaka. Usanemerana nomurume/mukadzi wemunhu. Siyana naye akure mumuchato wake. Zvinoitwa nevamwe varume zvokuda kutaridza kuti vane mari nokunyenga vakadzi vevanhu izvo handizvo. Hazvina kusiyana nezviito zvembwa.  Remekedza michato yevamwe vanhu.  Usaita nyaya dzekuvatana nomunhu ane mukadzi/murume wake pafoni yako. WHATSAPP haina kuitigwa kuti iwe uwedzere kuhura. Ita unhu kwete kuzviita imbwa. 

7 Usavhakashira munhu anoshanda usiku nguva isiriyo. Hwisisa kuti nguva yako neyake zvakatosiyana. Munhu uyu ane dambudziko rokuti anovata masikati. Iwe unovata usiku. Usafonera munhu uyu masikati kana kumuvhakashira masikati. Usagugudza pama pake. Musiye avate womutumira MESSAGE yokuti kana ava nenguva akuudze mugotaura. Vanhu vanoshanda usiku vakaita semanesi, madhokotera, vanodhiraiva magonyeti, vanokorobha mumahotera ne zvikoro nemabhizimisi, vanocheneta nzvimbo vakaita seve SECURITY,  vanocheneta chembere, nevamwe vakadaro. Hwisisa upenyu hwake munhu akadai.

8 Kana kukaita mabasa kubasa kwenyu, kasira kuudza vaunoziva vasingashandi kuti vakwanisewo kutsvaka basa. Hazvirevi kuti wavatsvakira basa. Kana asingadi hake kuzvitsvakira rega asada asi iwe muudze kuti kwaita basa rokuti nerokuti azvifungire kuti anorida here kana kuti kwete. Zvinokubatsirawo iwe nokuti vanhu vokuziva kana vakatambura vanouya vachikumbira zvinhu kwauri. hino kana vakatangawo kushanda zvinokuitira nyore iwe. 

9 Usajaira kufonera umwe munhu kana upi zvake paWeekend mangwanani 10 isina kuchaya. Vanhu vakawanda vakaroorana vane tsika yokunonoka kumuka paWEEKEND kuti vawane nguva yakanaka nevarume/vakadzi vavo. Zvino iwe nokusahwisisa izvi uye nokusada mukadzi/murume wako, woda zvokukanganisa upenyu hwavamwe. Hazvina kunaka. Mirira wozofona zuva rakwira.


10 Iwewo kana uri umwe wavanhu vatataura nezvavo ava vanofanigwa kubatsigwa, hwisisa kuti sei tichiti ngavabatsigwe. Kana murume/mukadzi wako achishanda kure, iwe chirega kukurudzira vanhu kukuvhakashira nguva yamuri mese. Kana foni ikarira muri mese usadavira foni. Pamwe dzima foni kuti isarira, shamwari dzako dzihwisise kuti kana mukadzi/murume wako aripo, moita zvemhuri. Zvefoni mombosiya. Usajaidza vanhu kukupa nguva dzavo dzokuita zvavanoda iwe une mhuri.  Ita musi wamunoti musi uyu ndewemhuri yenyu pasina zvokuita nevamwe vanhu, hazvinei kuti ndevekuChechi kwenyu here, kana kuti ihama kana shamwari. Ngavahwisise kuti nguva yemhuri yako ndeyenyu.

Usajaidzazve vanhu kuti akangosvika asina kukuudza kuti ari kuuya, iwe wotosiya zvinhu zvawange uchida kuita womomubikira kana kumutaudza. Bodo. Iye ndiye anofanira kujoinira zvawanga uchida kuita, basa rako rokasira kupera.  Kana wange uchida kuwana nguva yokutamba nomurume/mukadzi wako, wowana mukana wekuti muvhakashi aende kwaanoenda muite zvamuri kuda kuita.

Usajaidza vanhu kukutonga nefoni dzavo. Kune vanhu vanokuudza kuti uvafonere. Wadaro munhu agokunyomba nokukutuka pafoni yawamufonera iwe, kureva kuti uri kubhadhara kuti utukwe.  Usajaidza vanhu zvinhu zvakadai. Udza munhu kuti nguva yaafona haisiriyo. Uchazotaura naye mangwana. Foni dzakagadzirigwa kuwedzera mufaro muupenyu hwedu, kwete kutishungurudza.

Rongai nguva dzokuonana zvakakwana pamuchato wenyu. PaWEEKEND inguva yokuti muonane masikati kana usiku. Rongai zvokuita musarega vane nyaya dzavo vachikukanganisai.

Kana uchida upenyu hwakareruka, kana kwasviba, toti kuma7.30 mu Zimbabwe, 9 pm ku Europe, dzima foni yako uite nguva yakanyarara nemhuri yako. Kuzhe uko kune vanhu vasinei noutano hwako vanongokufonera pafoni yako pasina nyaya iripo ingahi munhu afonera umwe usiku. Kana uchinovata, siya foni iri pa Charge yakadzimwa, uvae hope dzakakwana kwete kupota uchimutswa navanhu nezvinhu zvisina maturo. Unoona munhu ari kuZimbabwe achikufonera na 6 am kukubvunza kuti vana vamuka sei. Bodo, kana uri kuZimbabwe uchifonera munhu ari ku UK fona kana 10 am yapfuura. KuUSA mirira 1400 hrs ipfuure.

Chinonetsa ndechekuti vanhu vakawanda vane foni vanotya kudzisiya pese pese nokuti mukadzi/murume wake angangoitarisa kuti inei. Iri ngari yokuti inenge ine ma MESSAGE asina kukodzerana nomunhu ane murume/mukadzi. Saka kuzoda kungoti kwatikwati nefoni yako kwava kutokutadzisa kuva nenguva yakanaka kumba kwako zvoreva kuti wava kusapota nyaya dzechihure dziya dziri pafoni kupfuura nyaya dzemumba. Dzima maMESSAGE asina kukodzera aya utange upenyu hwemunhu ane murume/mukadzi. Kana une chinokupa EXCITEMENT pama MESSAGE epafoni, chiite nomukadzi/murume wako zvipere zvakadaro. Murume/mukadzi wako iyeyu anotogonawo Zvekurhojana sezvinongoita uyo wauri kutaura nayewo pamukadzi/murume wake. Murume/Mukadzi wako anongodawo kutaura nyaya dzekuisana sezvinongoita iyo wauri kutaura naye saka tanga nyaya idzi naye uone EXCITEMENT yaunoita nazvo kutopfuura yechihure iyo.

Usajairazve kungoti munhu wese wawasangana naye womupa nhambha yako yefoni. Ndivo vanhu vanozokushungurudza ivavo. Ipa nhambha kuvanhu vakakodzera vanokubatsira kuvaka upenyu hwako. Ngatihwisise kuti kune vanhu vasingatohwisisi kuti magarire evamwe akanaka akamira sei, zvokuti ukasavadzidzisa kuti unoda nguva iyi neiyo kuti ive yako, vanokushungurudza.

Vanhu ngatipe rukudzi kumhuri dzedu dzatakazvisarudzira idzi. Kana une murume/mukadzi mumba hwisisa kuti
1 Murume wako munhu anofarira kugara achikurhoja kakawanda chose. Haaneti nazvo. Haakangamwi. Hazvimusemburi. Chako kumurongera chete kuti aite. Usanete kupa murume zvinhu. Hapana imwe nyaya yawakabvira kumusha kwenyu. Kuiswa kunodzivirira zvigwere, kunodzivirira MENTAL ILLNESS. Kunofadza moyo.

2 Mukadzi wako munhu anofunga kuti chimwe chezvinhu zvinotaridza rudo, kuiswa kakawanda. Usatya kugaroisa mukadzi wako. Ndizvo zvaakatovinga. Hauiti mhoni nokuisana. Unotonakigwa nazvo uye hope dzinowanda.

Saka wanai nguva yakakodzera nokuroorana kwenyu, kwete kupembedza nyika pa WEEKEND imi muchimboparadzana vhiki yese. Kana matowana nguva iyi chitaridzai kuti mange musipo vhiki yese, mopedzerana shungu.

Hama dzapedo
Kana uri hama yomunhu, remekedza ukama hwako ubatsire hama yako kukura. Kana une mwana nomuroora, ukaona mwana wako achimbosara achiita nyaya nevasina vakadzi, mukadzi wake aenda kunovata, dana mwana wako umutsiure muri vaviri. Wotsanangura kuti kana mukadzi aenda kunovata iwe chikasira kutevera nokuti ndivo mai vemhuri yako. Kana une mwana ane murume, ukaona sokuti haasi kuchengeta murume zvinokugutsa, tora mwana wako umutsiure urondedzere zvawaona zvisina kururama. Womukumbira kuti umubatsire kuronga PROGRAM yemumba inoshanda. Mwanasikana anoita zvaakabva araigwa namai kana tete zvinoitwa mumuchato wake, zvese nokuti murume anochengetwa sei. Iwe mubereki ndiwe unofoirisa mwanakomana kana mwanasikana, nokusagona kuraira nokutsiura.

Unoona vamwe mai voti sika nomuroora wavo kwahi uri kunditorera mwana wangu. Hezvo. ko moda kuvaka musha nomwana wenyu here mhai? Mwana atokura ava murue wemunhu. Chimubatsirai kuwedzera mufaro nomukadzi wake. Idai muroora wenyu mwana wenyu azive kuti akasarudza zvakanaka. Muroorawo azive kuti akauya kuhuri yakakodzera.

Ngatibatsirane kuvaka misha.

Udzai Vamwe!!!!!

Sunday 9 October 2016

Mukadzi anorova murume

Munyika dzese kune varume vakawanda chose vanoti nyaya ikaipa mumba mukadzi anomurova pamwe zvokutopedzisira aenda kuchipatara kundorapwa. Vanhu takajaira nyaya yomukadzi anorobwa nomurume. Yamerume anorobwa nomukadzi hatina kuijaira asi kuwanda kwenyaya dzakadai kunoda kufanana.

Asi pano toda kuongorora chimiro chemukadzi anorova murume. Zvevarume vanorova vakadzi takambokurukura nazvo kare tikati siyanai navo nokuti kana zvangotanga hazviperi. Ko vakadzi vakadiiwo ndiyo nyaya pano.


Kuti mukadzi akwanise kurova murume chinhu chinonetsa kutanga. Kumunhukadzi murume wake munhu akakosha chose aanopa chiremera zvoreva kuti hazviiti kuzosimudza ruoko achimurova.  Vakadzi vakawanda vadiki pazera kuvarume vavo asi varume vanhu vasingakasiri kukura sevanhukadzi zvokuti chero murume ari mukuru, kwemakore maviri kana matatu, pakukura kwefungwa dzokuvaka musha (MATURITY) vakangoinzana kana kuti mukadi ndiye mukuru. Murume kana asina mukadzi anohi rombe rinova vara rakaipa kuti munhu ahi irombe. Mukadzi kana asina murume iye abva zera anohi Tsikombi, vara risina chakaipa paari.  Zvinoreva kuti kazhinji kuti murume atange kuhwisisa nyaya yokuvaka musha anoda kunge ava nomukadzi muupenyu hwake.


Vakadzi vanodzidziswa kuremekedza varume vavo nguva dzese, uye kutora murume kuti ndiye mukuru wemusha pamusha. Murume, parudzi gwedu, ndiye samusha wemusha. Vana vanotora zita remhuri yemurume nomutupo wemurume.


Mukadzi kana ane mimba anoita fungwa yokuzvarira murume vana. Unohwa kazhinji vanhu vachitukana mukadzi achibvunza murume wake kuti “handina kukuzvarira vana here?” kureva kuti mukadzi anoona sokuti basa rake kumurume kumuzvarira vana.  Asi vana ndevakewo iye mukadzi. Ndiye akarutsa mangwanani nokuda kwemimba. Ndiye akaita mimba akatakura mwana mwedzi mipfumbamwe. Ndiye akagwadziwa nemimba akagwadziwa nokuzvara mwana. Asi ega anozvitaurira kuti akazviitira murume wake.

Kana tichitarisazve nyaya yokuti ane simba muupenyu ndeupi murume nomukadzi wake, tinoona kuti vakadzi vakawanda vanoti murume akahura vomuregerera, vachinatsoziva kuti achatohurazve, asi varume vakawanda mukadzi akahura vanoona zvakavaremera kumuregerera. 

Kana muri pane vanhu, murume wako achitaura, iwe mukadzi wake unotsigira murume wako kuti aonekwe ari pakakwirira.  Kana muri vaviri muchitaura nyaya dzomusha, kashoma kupopota pasina chinhu chikuru chaitika.

Kana muchivatana zvinoonekwa kuti mukadzi ndiye anopa murume zvinhu. Vakadzi vakawandisa Mupasi rese vanovata manhede, vovhura makumbo murume opinda pakati pemakumbo ovate nomukadzi wake. Izvi zvinoreva kuti mukadzi ndiye anopa murume. Mukadzi ndiye anofanozvigadzirira kuiswa nomurume. Murume ndiye mukuru pane zvakawanda mumusha.
Kureva kuti mukadzi wemumba nzwimbo yake inzwimbo yakatosiyana neyemurume wake.  Kuti mukadzi  asimudzi ruoko arove murume, pane chaitika muupenyu hwavo change chisina kufanira  kuitika pakati pavo.


Kana tiri muUK, tinoona kuti tikatora vanhu vese vanoita inohi DOMESTIC ABUSE, tinoona kuti Varume vanorova vakadzi vavo 60%. Vakadzi vanorova varume vavo 40%. Kureva kuti dambudziko iri idambudziko guri.  Kuvanhu vedu hatizivi kuti iguru zvakadii asi ririko. Kungoti vamwe varume vanosvoda kutaura kuti vakarohwa nomukadzi kumba. Kutaura kunofumura mese murume nomukadzi.  Vanhu vanoterera nyaya yokurohwa kwemurume nomukadzi wake vanowanzoseka, ask kana murume iyeye akarova mukadzi vanokasira kuudza mukadzi kuti ngaanoudza mapurisa murume asungwe. Vanhu vemuraini kazhinji havahwisisi kuti kurohwa kwemunikadzi kwakanofanana nokurohwa kwemunhurume.

Asi chii chinoitisa kuti mukadzi arove murume, zvisiri zvokuti mukadzi ari kuzvidzivirira kurohwa nomurume. (SELF DEFENCE) ? Chii?  Kuti tihwisise zvikonzero zvekurohwa kwevarume ngatitarise zvikonzero zvinoitisa vanhu hasha. Apa tinoona kuti kazhinji vanhu vane hasha vanhu vasingakwanisi kunatsotsanangura zvavari kuda kutaura. Vese vakadzi nevarume hasha dzinobva pakusagona kutaura zvaunoda kutaura saka ukataura ukashaya mhinduro yaunoda, iri ngari yokuti wawataurira haahwisis zvawataura, Pane kutsanangura, munhu anotanga kurova.

Vanhukadzi vanorova varume havana kunyanyosiyana nevanhurume vanorov vakadzi. Chikuru ndechokti mukadzi anokasira kuhwisisa kuti murume waanaye haadzoreri. Obva aita tsika yokurova murume. Murumewo kazhinji haatauri kuti ari kugarorohwa nomukadzi kureva kuti mukadzi anokasira kuziva kuti akarova murume hapana chinoitika.

Asi pavanhu vakabvunzwa kuti sei uchirova murume, mhinduro dzakapiwa ndeidzi nedzimwe.

Ndoda andihwisise
Haadi kushanda
Akandihurira

Haatereri kana ndichitaura
Ndakamuti gadzira chokuti akasakasira kugadzira.
Ndiye akatana kundirova (21%) 

Saka 79% yevakadzi vanorova varume vanorova murume asina kumurova.



Taurai tihwe.
Uri mukadzi akamborova murume here/ uri murume anogarorobva nomukadzi here? Tiudzeiwo mafambire azvo.

Monday 3 October 2016

Kubvuma kurhojewa musi wekutanga kudanana

Toda kumboongorora kuti zvinorevei kuti musi wawasangana nomukomana ndiwo musi waunobvuma kurhojana naye. Zvinokubatsira here kana kuti zvinokuchipisa?

_______________________________________
Mabvunzire ataita mubvunzo uyu ndeekuratidza kuti munhu watiri kubvunzira musikana. Vakomana vanowanzorhojewa nevamwe varume hatingatauri nezvavo pano. Saka nyaya chaiyo iri pazviito zvemusikana tichida kuhwisisa kuti zvingarevei kana akaonekwa achibvuma kurhojewa musi iwoyo waasangana nanyakurhoja wake.  Pano hatisi kutaura nyaya yokubatwa chibharo asi kukumbigwa zviri pachena iwe wobvisa wega bhurugwa wovhurira mukomana worhojewa musi wamasangana kana kuti pakusangana kwenyu kekutanga.

Ngatitange nokutarisa nyaya dzingakonzera munhu kusvika pakadai. totanga ne vasikana vemazuvano vanofamba nzendo refu.

1 Kufamba mese PUBLIC TRANSPORT:
Sokuti wakwira bhazi uchibva Jubheki uchienda kuZimbabwe. Wosangana nomukomana akanaka chose muhazi mogara mese motanga kuita nyaya. Iwe mukomana hauna, iyewo musikana haana, Mukutarisana mese munoona musi vanhu vakakodzera kudanana. Nyaya nokuwanda kwadzo munokwanisa kuburukira pamwe chete asi iwe uchine mufambo, kuzhe kwasviba. Uku wazivana nomukomana 18 hours. matombovata makatsamhirana mubhazi. Waona chose kuti mukomana anokuchiva muviri wako, uye angangova ari kutanga kuita rudo kwauri. Pamwe iwewo watombomubatabata muvete mubhazi, pamwe ambokutsamura pamakumo ukamurega aripo. Pamwe wamutsamira makumbo ukahwa chombo kumira mubhurugwa make ukafunga kuti ndiwe uri kufungwa.

Kana akakuudza zvine musoro zvokuti kwasviba, chivata wozoenda kwenyu mangwana, pakuvuma kuvata kummba kwake, zvinoreva here kuti unofanira kubvuma kuvata naye? Mhinduro chaiyo inoti bodo. Asi tichitarisa magarire emazuvano tinoona kuti anokwanisa kunge ane ROOM imwe chete pamba paanogara. Hazvirevi kuti vata naye nokuti wavata muROOM yake.  Asi kuti kujairirana kwamaita kubva kwese uko kwave kuda MANAGER anoziva kuti zvoitwa sei kuti mukomana uyu asafunga zvokukukwezvera rhoji. Nyaya haisi pamukomana saka ngatirege kuva nehanya nezvaanofunga asi kuti iwe musikana unofanira kudii pazviri.


2  Kupiwa LIFT mumota yemukomana:
Vasikana vakawandisa vanofamba nemota dzavakomana vavasingazivi kusvika pakutombobatwa nehope mumota iya. Mukomana otokumutsa kwahi tambomira pano, unoda kuenda kuchimbuzi here.

Unokwanisa kukwadzwa mota ku CAPE Town uchienda ku Bulawayo kana Harare. Inguva refu une munhu. Chero mukambokwidzawo vamwe uchaona kuti imi vaviri munojairirana uye munoudzana nyaya zhinji. Kana mazozvika kwamuri kuenda, nyaya zhinji ndedzokuti muridzi wemota anotanga asvika kwake. Anokwanisa kukupa zvokudya asati akuendesa kwenyu kana kunokukwidza bhazi rinoenda kwenyu. Panguva iyoyo yaunopinda mumba make anokwanisa kukukumbira kurhoja.

Pamwe matombotaudzana zvinoitisa zemo, pamwe matombopanana manhambha efoni dzenyu uye mataurirana kuti pamunodzokera muchada kusanganazve mofambidzane.  Nyaya dzavanhu dzinowanda

3 Kusanganiswa nesamwari. 
Toti une shamwari une mukomana waunotoziva. Mukomana uya woitawo shamwari isina musikana iwewo mukomana hauna. Mosangana muripo vana modakadzwa zuva rese. Ruvira mukomana uya mutsva ukoperekedza kwenyu. Kana uri mwana wechikori kana mushandi uchigara wega, zvinokwanisika kuti unomuti uya umbomwa tii ugodzokera hako.

Toti mataridzana rudo chose gwemusi wekutanga. Iwewo uri kuona kuti mukomana munhu akarurama pane zvawaona nhasi.  Kana akazogarisa apedza tii iye nokuti uri kumuwanzira nyaya, akakubatabata zvine rudo mukati zvaunongoona wega, zvinoita here kuti umubvisire bhurugwa akurhoje?

4 Vaimbozivana kare
Ko kana maimbozivana muri pwere mukangoerekana masangana mune nguva yokutaudzana, Wanei nyaya hadziperi, moyo bvuu kufara nokusangana kwawaita nomunhu uyu. Kutohwa kusununguka  chaizvo kunge wange unaye nguva yese yamanga musingatozivi kuti muri vapenyu here. Zvinoita here kuti chitima chamakamirira chikanonoka mukawedzera nyaya, kukazosviba mungarhojana here?
_____________________________
Masanganirane evanhu akasiyana siyana hatingamapedzi ese asi kungoti vanhu vanosangana vodanana zvisina hazvo kudzika asi wega unohwa kuti apa pangangoita rudo rukuru nomunhu wandasangana naye uyu. Uye paanokuudza kuti haana musikana uye ari kutotsvakawo musikana unokwanisa kuona kuti ari kutaura chokwadi.

Nyaya tatinoda kuzoongorora iyi ndeyokuti zvinoita here kuti murhojane musi iwoyo kana mangwa kana vhiki iyoyo kana inouya, tiri pakubvunzira kuti iwe uri kuda kuti mukomana uyu aite mukomana wako? Zvinoita here? Kurhojana naye kunowedzera here kana kuderedza kuti azoda kuita mukomana wako.

Ngatione pachivanhu zvinoitika pakati pevakdzi nevarume. Parudzi gwedu mukadzi anoonekwa somunhu anofanira kuzvidzivirira panyaya dzokuingoiswa iswa nevarume. Varumewo tingati vakomana vari kutsvaka musikana wekuroora, vanhu vane tsika dzakaipa zvokuti pamwe akafunga kuda kuziva kuti uri munhu anokwirika nyore here, anokwanisa kukukwezva kwezva kusvika aona paumire ozokusiya wakadaro oyu uri munhu kwaye nokuti waramba kuiswa. Zvoreva kuti iye kuisa ange asingatodi asi aida kuona paumire iwe.

Kana iye achikuTESITA kudai iwe ukafunga kuti zviri nani ndibvume kuti aondida, watozvikanganisira nyaya yako. Chero ange asingadi kuvata newe, kuti amboti bvisa bhurugwa agozoramba iwe watobvisa bhurugwa hazvichaiti. Vasikana vakawandisa vakavatwa navo nomukomana asingatodi kuvata navo. Kuva ipapo anotanga kufunga nezvekuti heee uri mhandara here, hee wakavata nevarume vangani hee uri nyore kukwira kureva kuti chero murume ada kuvata newe haanetseki.

Kusiyana kwevarume:
Kozoitazve murume anoti mava panyaya yokuvatana anoona kuti shuwa musikana uyu munhu andangosanganawo naye asi ndomuda. Anokwanisa kukubvunzurudza kuti unofungei, pamwe ombozama kuita jendirimani asi nokuti mavata muROOM imwe , zvonetsa kukurega uchivata hako hope. Iwewo kana uri munhu akatsvangamuka, hazviiti kuti ubatwe nehope iye asati atanga kuridza magwiriri akasimba. Unrnge uchitotya tozobatwa pakati peusiku.

Zvinokwanisika kuti murume akusiye wakadaro usiku hwese wozoti makuseni otanga kudembademba kuti muitire tsitsi dzokumubvisira bhurugwa. Kune vamwe vakazorhojewa ava mangwana vamosangana ne jendirimani aunoona wega kuti shuwa amokupa rukudzo usiku hwese.


Koitazve murume anototi dzawiri muchindigwana. Kungovhara mukova ototanga kutaura nezvokuti dai wavata pamubhedha naye kuti asagwadziwa mbabhu parupasa.

Koita umwe anokuudza kuti anokuda zvokuti wega unongoona kuti fungwa dzabva mumusoro dzave uko kukamusoro.

Siyano yevakadzi pachimiro:
Kuvanhukadzi, kana ukabvisira murume wawasangana naye musi iwoyo bhurugwa, hazviiti kuti akurhoje agopedza agozofunga kuti uri munhu akakodzera kuroora. Anotobva ipapo otora foni yake oenda pa WhatsApp otanga kutumisa shamwari dzake gwaro rokuti awana hure rakanaka zvokuti dhuu. Haaudzi mai vake and hazvanzi dzake kuti ava nomusikana waanoda kuroora. Kuti aroore musikana wakadai pane chimwe chinhu chikuru chinenga chazoitika. Chero musikana akabata mimba musi uyu, murume uyu anomira padare rasabhuku kuramba mimba iyoyo pasina DNA pamwana.

Awa ndiwo mafungire evarume mhomho yese. Asi vese varume ivavo mhomho yese iyi vakafunga chete bhurugwa remusikana uyu pane mukana wekumuisa,  vanotora nguva kudembademba kuti ribviswe vaise asi mumoyo mavo vachiziva kuti kungopedza kuisa nyaya yatopera. Kana avata kumba kwemurume akadai murume anotokumukira nepakati peusiku asi usafunga kuti mome youmai ichamuka ipapo.

Kune hando nhatu chete dzevanhukadzi dzinoonekwa pakadai. Uyo anoramba kuiswa zvachose, nouyo anobvuma kuiswa asiiwa akadaro, kozoitawo uyo anoramba asi wobatwa chibharo. Pano tati vechibharohavasi munyaya yedu nokuti ndevekumapurisa.

Pavaviri vedu ava uyo aramba zvachose ndiye anokwanisa kuzobvisigwa mombe youmai. Ifungwa dzavarume dzakasiyana nedzevakadzi pakufunga.

Kubvuma kuiswa hazvirevi kuti uri hure uye kuramba hazvirevi kuti hausi hure. Pae zvikonzero zvakawanda zvinokuita ubvume kana kuti urambe. Hakuna anokubvunza chikonzero chako kana wabvuma. Kana warama unokwanisa kubvunzwa asi nguva chaiyo yokutsanangura unenge usina. Kana murume amira chombo kazhinji haachina zheve dzokuterera zvaunotaura.

Zvinoita here?
Saka zvinoita here kuti tiwane vamwe vakasangana ndokurhojana musi umwe chete vakatozoroorana?

Sokuona kwangu ukamoramba kuiswa kwenguva refu, asi murume akazokwanisa kukuisa uchiita sokuramba asi uchitaridzawo kuti haasi kukubata chibharo. ozoti akuisa wanikwei uri mhandara. zvingakwanisika kuti afunge kuti kubvuma kwawaita kushaya Experience yokuramba. Pakadai kune varume vashoma vangakwabisa kukufungira kukuroora. Zvikuru kana ukabata mimba. Chinonetsa ndechokuti umhandara chinhu chinonetsa kutsanangurira murume. Kune varume vanofunga kuti kuva mhandara zvoreva kuti chombo hachipindi, kana kuti panofanira kubuda ropa.


________________________________________________
Tiri kuenderera mberi.

Fanai kumbotaurawo tihwe. Varumwewo tiudzei mafungire enyu pamusikana anobvuma musi wekutanga kusangana.