Kuhura nomuramu

Muchivanhu vanhu vanovatana nevaramu vavo vakawanda chose iri nyaya yoruchiva nokujairirana. Pano toda kumbotaura nenyaya yomuramu ava munhu mukuru kwete chimwana, nokuti chimwana ukavata nacho uchiti muramu unofanira kusungiswa ugoenda kujeri nokuti uri munhu akaipa chose. Nyaya iri pano ndeyemurume anovata nomuramu pasina ganyabvu kureva kuti muramu azvisarudzirawo kuvata nababamukuru. Koitazve mukadzi anovata nomuramu pasina ganyabvu kureva kuti babamunini vazvisarudzirawo kuvata namaiguru saka vese vari kuda zvivari kuita.

Chokutanga ngatibvumirane kuti kuvata nomuramu chihure chakangofanana nokuhura nerimwewo hure remuraini asi kungoti pakadai mese muri kukanganisira hama yenyu imwe chete zvese nemhuri dzenyu mbiri dzese.

Ngatitange nenyaya yevanhu vaviri vakomana/vasikana vari mukoma nemununguna. Vanhu ava vanhu vanokura vane makwikwi pazvinhu zvakawanda asi mukoma ndiye anowanza ava murairidzi pamununguna wake. Uyawo mununguna achigarotoredzera kumukoma. Zvino nyaya yechiramu iyi inowezeredza nyaya yokutoredzerera kumukoma zvokuti kana usina kunatsozvibata ukahwisisa kuti BOUNDARY iri papi unokwanisa kuerekana wahura namaiguru/babamukuru.

Muchikura unotarisa zvinoita vana mukoma wotevedzera izvozvo. Zvino mukoma akazodanana nomukomana/musikana wake, kazhinji iwe unotumwa kundosvitsa mashoko kumukomana/musikana
uya, pamwe wotoziva ma SECRETS ari pakati pavo kubva pakutanga. Pavanoroorana nokuchata iwe unenge uripo uchitopiwa zvokuita panyaya yese kureva kuti uri pakati penyaya yese. Zvinofungigwa kuti unenge uchihwisisa BOUNDARY yako kuti unogumira papi. Vamwe vanototanga kuvata namaiguru/babamukuru muchato usati watomboitwa. Tinohwa nyaya dzakawanda dzinoti mukomana akarabwa nokuti ange avata nevasikana vaviri vanoberekwa mumba iwe chete. Tohwazvi vanonyora vachibvunza kuti voita sei nokuti mununguna akamutorera mukomana.

Mukoma nomurume wake pavanoita mwana, kana uri musikana unokwanisa kutumwa kuti enda undobatsira sisi kusvika vadzokera pautano. Panguva iyi mukoma haakwanisi kuvata nomurume wake kwenguva refu (mwedzi nehafu) ipapo babamukuru vari kukuona uriwe mukadzi mumba, nokuti ndiwe unobika, ndiwe unowacha, ndiwe unosuka nokukorobha, ndiwe unoisira babamukuru mhura yokugeza. Ndiwe unoaina hembhe dzavo. Zvese zvinohi mabasa emukadzi mumba ndiwe unoita. Mukoma ari pa LEAVE panyaya yokuva mai vemba. Iwe ndiwe mai nokuti ndiwe uri kuita zvese zvemumba.

Kana magara muri vanhu vanotamba CHIRAMU, babamukuru vaya vonotokwanisa kugarokubata magaro kana mazamu sisi varipo. Ipapo iwe unofanira kutukirira babamukuru kuti vasaita musikahwa, pamwe wotoratidzawo kutsamwa nezvavari kuita. Kana uri munhuwo anogarokwira zemo pane nguva yaunombokwirawo zemo uri wega. Pakuzvibatabata nguva yokunovata, unokwanisa kuisa mufungwa pikicha yemurume wauri kuona paunozvibvisa zemo. Pakutevedzera sisi sezvawakakura uchiita, uchatevedzera sisi nokuona babamukuru vari murume akakodzera kuvata naye sezvinoita sisi. Ndipo unotanga kuona babamukuru vari EXAMPLE yemurume akanaka kuvata naye. Ukaita nguva refu uripo panokwanisa kuita nyaya. Unokwanisa kuti paya paunorota uchiiswa, worota babamukuru. Paunovaona mangwanani, hazviiti kuti fungwa iyoyo isapinda mufungwa dzako.

Hino kukazoti mukoma haapo pane kwaaenda, babamukuru vaya kana vane ruchiva, mese mava noruchiva. Pakukubata magaro nemazamu pavambenge vachiita vanokwanisa kuwedzera wotoona umwe musi sisi vasipo ukabatwa makaro hausuduruki, hautiki babamukuru, hautaridzi kutsamwa. unongorega vachikubata. Nyaya yotokura, Babamukuru munhu awajairira saka hauoni somunhu mukuru. Uku ivo havana kuvata nasisi kwenguva. Munokwanisa kuita mukana wekutaudzana nenyaya yokuisana.

Vanhukadzi zvokuudzwa runako zvinhu zvinotiitisa manyawi uye kutibvisa chimiro. Ukaterera babamukuru vaya vane EXPERIENCE yokukumbira pamberi vokutaudza norunako gwako neshure yako yakanaka zvokuti murume wese zvake anokuona anomira chombo, wobva wafunga kuti sisi vakagona kusarudza. Pasina nguva wava kutovata nomurume wemukoma. Vasikana vakawanda vanodaro. Vasikana vakawandisa vanoiswa pamuedzo naana babamukuru chero vasingazosviki pakuisana nababamukuru. Vasikana vakawanda vanobviswa humhandara nababamukuru.

Varume vedu vakawanda vanomukira kumabasa. Kana murunyaya wako achigara nemi, toti ari kutsvakawo basa, kureva kuti ava munhu akura. Anokwanisa kusara pamba mukoma wake aenda kubasa. Kana magara muchiita Chiramu nomurunyana wako, munongoramba muchiita. Kazhinji maiguru vanonzi ndimai kusvika mukoma afa. Saka ivo maiguru ndivo vanopa GREEN LIGHT kumurunyana kuti avambuke kubva pakuti MAI-GURU kusvika pakuti mukadzi. Maiguru ndivo vanowedzera chiramu pakati pavo nomurunyana iye otevedzerawo nyaya.

Murunyana uya akazoti paanozvibvisa zemo opota achifunga maiguru, anobva afunga kuti mukoma akagona kusarudza mukadzi akanaka. Zvoreva kuti atova munyaya. Kukura kwaakaita achikwikwidzana nomukoma zvoreva kuti ava kukwikwidzana naye pana maiguru. Ngatihwisise kuti mhomho yevanhukadzi vanoita zemo mangwanani. Murume akamuka akaenda kubasa mukadzi akasara mumba kana asingashandi, akasara ane zemo. Murunyana anochivika arimo mumba maiguru vanotomuchiva nechekare hazvinetsi kuhwisisa kuti kana vachida kuiswa vanotanga sei nyaya. Unohwa vakadzi vakawanda vachinyora tsamba vachireurura kuti vakaisana nomurunyana saka havachazivi kuti mimba ndeyomurume here kana yomurunyana. Unohwa munhu achiti

"Zvakangoerekana zvaitika. Hatina kuzviPLANA. "  Idzi inhema hadzo. Hakuna munhu anoisana noumwe munhu pasina azviplana. Maiguru vanenge vagara nguva vachichiva murunyana. Chinenge chisipo mukana wekuisana chete. Mukana ukazongovapo murunaya akashaya matyira, vaviri votoisana mukoma ari kubasa.

Hino kana wangotanga kuisana nomuramukadzi/muramurume, hwisisa kuti chihure BREEDS Chihure saka motombowedzera kuisana kwenyu. Pamwe munobatwa pamwe hamubatwi saka matori pagwendo. Hwisisazve kuti pavaviri vari kuisana apa babamukuru/maiguru ndivo vane EXPERIENCE yokuisana kureva kuti chero muramu uyu akazowana mukomana/musikana wake waanoisana naye, hazvinaki sezvaanoita nababamukuru/maiguru.

Pano ndinowana tsamba dzakawanda dzichivhunza kuti seiko mukomana wangu/musikana waku asinganaki sezvinoita maiguru/babamukuru vandakambovata navo makore mana apfuura? Kureva kuti maiguru/babamkuru vakaita IMPRESSION pamuramu uyu iri ngari yeEXPERIENCE panyaya dzokuisana. Kuisana nomunhu wausingafaniri kuisana naye kunowedzera kunaka nokuti zvakafanana nechinhu chinotyisa zvinokupa ADRENALIN inokuwedzera kunaka. Babamukuru vanoisana nomuramu zvinonaka kupfuura maisirane avanoita na Sisi. Maiguruvo kuisana kwavo nomurunyaya zvakawedzera chose kupfuura nomkoma wake. Hwisisa kuti vano vese vanohura vanohwa kuda kudzokera kuhure nokuda kwekuti zvinonaka kuisana nomunhu wausingafaniri. Efoort yokuda kuti zvinake inenge yakawanda.

Vakawanda chose vane zvikomba nemahure vanopupura kuti chikoma chinonaka chose kupfuura baba vemusha. Asi mukadzi wechikomba chiya haatombooni chivhimunakira. Anotozoti vabatwa woshamisika kuti Mai ava vaionei pamurume wangu. Zvinoitiswa nokuti kana une munhu mutsva unoisa EFFORT pakumnakira. Asizve dai taihwisisa kuti tinofanira kuisa EFFORT kumba chihure chaiita chishoma mumaraini.  Chitubu/Chombo ndizvo zvimwezvo zvakangofanana. Uri kupedza nguva nehure iro pane kuti dai wapa murume wako asati aenda kuasa kwacho.


Pakati pevanhu vaunoziva pane vakawanda vakambovata nababamukuru/maiguru. Vakawanda vavo ndiye anenge ari murume/mukadzi anomubvisa umhandara/ujaya. Zvoreva kuti anozvirangarira kwenguva refu.

Pano tiri kutarisa nyaya iyi maitikire ayo uye kuti inozopera sei. Taona kuti magarire edu ndiwo anokonzera kuitika kwenyaya iyi. Tinokonzera kuti vana vemhuri mbiri idzi vajairirane uye vaonane sevanhu vakakodzera kuva nerudo, asi tichiziva kuti havakwanisi kudanana norudo gwehama nokuti vakazoita ukama vakura. Saka zvinokwanisika kuti vatange kuhura.

Kupera kwazvo kunonetsa. Muramu anofanira kuzorega kuvata nababamukuru/maiguru, kana ahwisisa kuti zvakaipa, kana abatwa akanyadziswa, kana aita mimba ikaonekwa pamusha pakaita nyaya. Asi zviri nani kungogara arega kuzviita. Mukutaura kwedu nokupanana mazano okudzikisira chihure, ngatihwisise kuti zemo rinokwanisa chose kuwanda kupfuura fungwa. Pane nguva yaunobatwa nezemo zvokuti kufunga unotadza. Ndizvo tichikurudzira vanhu kuti kana une murume/mukadzi garai mese kwete kuti uyu kwake uyu kwake.

Asi ukaongorora vanamaiguru vakawanda vanovata nababamunini, kazhinji inyaya yokuti murume haasi kugutsa mukadzi, murume haagari pamba. Kashoma kungochiva murunyana asi zvinoitika hazvo kuti maiguru vanongochiva murunyana wavo nokuona ari munhu ane runako. Vanamaiguru kazhinji vanoita zve POLITICS mumusha. Vakangovata nomurunyana kwenguva diki, vanoregera, murunyana uyu ava pedo namaiguru zvokuti pakaita nyaya mumba anosapota maiguru. Maiguru pakadai vanokwanisa kutotsvakira murunyana musikana, pamwe hama yavo chaiyo kuti INFLUENCE yemhuri yavo iwedzere. Zvoreva kuti mrunyana ari kushandiswa zve POLITICS.

Kana zvikazoitika kuti maiguru vanotadza kuita mwana, uchaona kuti vanoitiswa mimba nomurunyana uya wavakagara vakurudzira kuvajairira. Iyewo haakwanisi kuramba nokuti akatombosvikako nechekare.

Kuvarumewo kune vakawandisa vakamitisa varamu vavo. Isu kumhuri yekwedu pane hazvanzi yangu yokwa babamkuru ane vakadzi vatatu, vese vari vana vemunhu umwe chete, kureva kuti aingomitisa varamu. Asi kune varamu munyika yedu vakavatwa navo vakasaita mimba zvikasambozikamwa kuti vavatwa navo, nokuda kwekuti ivo vaitonakigwawo nazvo vongonyarara pazviri. Kukwikwidzana nasisi pamurume. Pamwe muramu uya anotozowanikwawo nomurume wake asi sisi vakagwara akauya kuzovachengeta anongopota achiisana nababamukuru vaya.

Churamu ndicho hacho asi pachiri panokwanisa kubuda nyaya dzakawanda.  Vana saimba vanorera vana vevanunguna mudzimba zhinji chose. Kuhura nemuramu kunoonekwa sokuti chinhu chiri nani pane kuhura nomutogwa. Asi chihure chihure chete hapana siyano. Kana uchikwanisa kuhura nehama zvoreva kuti unokwanisa kuhura nomutogwa saka chihure unacho muupenyu hwako.

Murume anoona musikana anoita mabasa mumba somukadzi akakodzera kuvata naye anokwanisa kuvata nomuramu kana mushandi webasa. Siyano hapana. Mukadziwo akaita tsika yokuvata nomurunyana, haana matyira okuvata nomushandi. Ruchiva chete gwekuti ukaona murume akagwinya muviri wotanga kufunga kuti akavata newe unohwa pane moyo. Ruchiva.


UDZAI VAMWE!!!!!
kus**rwa nabamunini
Kus**ra  mainini
Kuhura nomuramu
kuhura nehama

Kutsividza chihure mumba

Kutsividza chihure mumba zvinoitwa nevanhu vakawanda kana vabata varume/vakadzi vavo vachihura asi vasingadi kuvaramba, vobva vonohurawo kuti vaenzane pagoshaya anomhura umwe. Uyezve kuti uya umwe ahwisise kuti kuhurigwa kunogwadza sei. 

Kutsividza kunowanzoitwa nevakadzi kupfuura varume asi variko chose varume vanozviitira vakadzi vavo. Ndinowana tsamba dzakati wandei panyaya iyi vanhu vachibvunza kuti zvinobatsira here kutsividza kuti murume/mukadzi agwadziwe sezvaita munyori pakuziva kuti ahurigwa. 

Iwe imbofunga kuhura kwako ugozvibvunza kuti kana umwe wako akakuhurirawo zvokutsividza ungazvigamuchira sei? Kana usina kumbohura asi wakahurigwa, funga kuti kuhura kweumwe wako kungakurerukira here kana ukamuhurirawo? Kana mese musingahurirani, hamupo panyaya iyi asi kungodawo henyu kupindira pamusingakwani. 

Kune vanonyora vachibvunza asi munyori azoitisa ndide kuongorora pano neuyu anyora achiita sokuti ari kutsutsumwa kuti mukadzi waari kuhura naye haanei naye iye asi ari kungoda kushungurudza murume wake. Haino nyaya yake.

"Tete, ndakadanana nomukadzi wemunhu anoshanda pa Company iri close nepandinoshanda. Tinokwira bhazi rimwe chete kuenda nokudzoka kubasa as tinogara kure. Iye anokwirira munzira manu. Ndinomubatira seat, uye ndofanobhadhara iye ozogara ondipa mari yangu.  Mukutaudzana ndakaona sokuti anondida ndokumunyenga kusvika tadanana. Ndaiziva kuti ane murume asi mukadzi akabatana zvinofadza kuona. Ini handina mukadzi kana umwe musikana uye mukadzi uyu mukuru kwandiri negore. 

Last week Ndakarara naye ne Monday, first time, ndokupamhidza Tuesday.  Ne Thursday ndakamubvunza kuti ko murume wake ari papi, akati anoda murume wake stereki. Mukutaura zvakabuda kuti ari kuvata neni like some kind of revenge kumurume wake ane two girlfriends one yacho iri former friend yemukadzi. Problem is inini wacho I am hooked kumukadzi uyu.  Handichazivi zvokuita. Ndoudza murume wake here kana kuti ndoita sei?"

Iyi i SUMMARY yenyaya asi ndoona sokuti mahwisisa musoro. Ngatisiye kusahwisisa kwemunyori toine kuti mukadzi uyu mafungire ake ari papi uye kuti tinobvumirana nazvo here?

Chii chinokonzera kushaya hope?

Kune vanhu vakwanda vane chigwere chokushaya hope zvokuti pamwe anongovata nguva pfupi obva atomuka asisina hope.  Ndati chigwere asi hachisi chigwere chaicho pachirungu chigwere i DISEASE isi apa toti CONDITION nokuti hapana INFECTION. Chaitisa kuti nyaya iyi itaugwe pano ndechokuti zvinoita sokuti chiratidzo chedzimwe nyaya dzingangozoitika kana munhu agara nguva asingavati zvakanaka.  Saka ndicharamba ndichiwedzera panyaya iyi.

Asi kana uri munhu asinavati zvakanaka, enda unobvunza kuchipatara kuti woita sei. Usarega vachikupa mapiritsi ehope nokuti ukatanga kumamwa hazvizoiti kuti uwane hope usina kuamwa.

Zvikonzero :

1. Chigwere che Depression
2. Kufunganya panyaya dziri muupenyu hwako
3. Kuva nezemo usina munhu wekupedza naye- Kushura rudo
4. Chigwere che PROTATE
5. Chigwere cheNhetemwa kana kuti Parkinson
6. Chigwere che Alzheimer
7. Chegwere che STROKE
8. Kufamba nendege zvikuru uchiva kumavirazuva uchienda kumabubazuva.
9. Kuhotsira
10. Kuhwa uchida kurutsa uye mudumbu musina kugadzikana
11. Chigwere che Asima
12. Musana unogwadza.
13. Kungogara wakadaro kubva kare uri mwanana
14. Kana une mimba unokwanisa kushaya hope.

Vanhukadzi pakushaya hope vari mberi kwevanhurume. Zvinofungigwa kuti ingari yokuti vanhukadzi vemukore uno vava vanhu vanoti uku vanoriritira mhuri uku vanoshanda kumabasa. Zvoreva kuti nguva yokuzorora havachina. Vanababa vanoendawo kumabasa asi kana adzoka kuma anosvikogara pasi ozorora mukadzi achiita mabasa omumba.

Tinoonazve kuti mai vemba ndivo vanofuna zvichadyiwa nemhuri, ndivo vanoona kuti BUDGET yemuma yakamira sei. Ndivo vanoona nezveutano hwevana. Kana vachimukawo vachienda kubasa, vanofanira kusiya varonga kuti vana vanoenda sei kuzvikoro. Vanababa havanei nazvo mudzima dzakawanda. 

Koitazve vakadzi vemukore uno vanoda kuzviona sevarume asi uku vachingodazve kuzvara vana. Vakadzi vane vana asi vasina varume mumba vari kuwanda. Matambudziko avo matsva asati ahwisiswa ari kuwandawo saizvozvo. Anenga ariye mai, ariye baba, ariye mushandi wepama ari ega. Uku haana wekutaurira nhamo dzake dzepamoyo.

Tinoonazve kuti vanhu vekufonera uchida kutaura navo vava kuita vashoma muupenyu hwemunhukadzi. Shamwari dzako kana usina murume dzinoita shoma nokuda kwekutya kutoregwa varume. Kana ukada kufonera vafundhisi vemudzichechi, havanonoki kuuya kumba kwako asi ukasachenjera vakawanda vanoda kumbovata newe. Ukafonera varume vasina vakadzi, anouya oda kuikigwa kumba kwako iwe nguva yacho hauna. Vana vako haana hanya navo futi.

MaREPORT ese ari kubuda ari kuti vanhukadzi vari kushaya hope vakawanda chose kupfuura vanhurue vari kushaya hope. Saka kana uri munhukadzi asinanatsi kuvata hope, gadziridza nyaya yako inake nokuti zvichakuvinga zvakawanda.

Chii chingaitika kana usingavati zvakanaka?

1. Kushandisa fungwa zvakanaka masikati kunokunetsa 
2. Unogara wakaneta mumuviri
3. Unokwanisa kutadza kuita zvimwe zvimabasa zvidiki
4. Kugara uchihwa musoro kana huro
5. Muviri unokasira kubata zvigwere
6. Kusahwisisa zvinotaugwa nevamwe
7. Kungomuka pakati peusiku uchishaya zvokuita.
8. Kufunganya panyaya yokuvata.

Saka todii ? 

Saka todii?

Kana une murume/mukadzi mumba, ukaziva kuti umwe wako haasi kuvata zvakanaka, mubatsire kuti avate. Chokutanga kumupa mukana wekuzorora. Chinjai nguva yokunovata, Moenda kumubhedha wenyu. Ita nyaya naye dzinorerusa muviri, dzinosetsa, dzinoita ahwe sokuti une rudo naye. Kana uchiziva chiri kumudya moyo wana mukana wekuti abatsirike.  Mumba nyaya dzinowanzonetsa ndeidzi:

1. Mari ishoma
2. Rudo mumba hamuna
3. Mumba mure ugwere
4. Kuvengwa nehama
5. Nyaya dzekudzidza iwe wava nemhuri
6. Kushaya mabasa
7. Kuhurirana
8. Kusungwa nemapurisa
9. Kushaya pekugara nemhuri
10. Rufu mumhuri

Dzese zvadzo inyaya dzinogadzirika asi kungoti iwe uchiona kutambura kweumwe wako chii chaunoda kumuitira kuti awedzere kusununguka moyo. Kugumbatirana kunobatsira vakawanda uye DEPRESSION inoita shoma kuvanhu vane munhu wekugumbatirana naye.

Kana uri wega mubereki mumba kana kuti uri munhu asina vana asi uri wega, joina ma CLUB ekuti usangane nevamwe vezera rako uchiita nyaya navo. Enda kuCHECHI ine vanhu vezera rako.

Wana zvokudya zvinovaka muviri uye chinja nguva dzaunodya. Wedzera kumwa mvura. Womosiyana nezvinhu zvine shuga zvakaita sema SOFT DRINKS, zvihwitsi, vana CHOCOLATE. Zvese izvi zvinokanganisa muviri, zvikuru kana fungwa dzine zvakadziwandira.

Wana chimwe chokuita chinokuvaraidza, sokuti kunyora mabhuku, kutora mapikicha ezvinhu zvinokufadza uchitaridza vamwe. Kufambafamba neshoka.

Kana ari umwe munhu ari kukunetsa fungwa, wana mukana wekugadzirisa nyaya dzenyu. Kana uriwe wakakanganisa inotumira shoko kuti sori. Shoko rimwero uchaona kuti rinochinja zvakawanda kumunhu aritumigwa kana ane njere.  Kana ari umwe munhu akakutadzira asingadi kukuti sori, iwe tanga nokumuti sori. Hapana chimwe chinodiwa. Kungomuti soti chete, iye achahwisisa kuti chauri kuti sori chii.

Kana pane nyaya inoda DECISION ita DECISION yacho upedze nyaya 

Kana woenda kunovata, tanga waisa mvura inopisa muchidhishi, wonyika shoka dzako imomo mvura ichipisa kupfuura muviri wako asi zvokusakukuvadza. Werega dzakadaro kwekanguva 15 minutes. Wobvapo wonovata.

Kudya zvokudya zvemanheru kasira kudya kuti paite nguva refu kubva paunodya kusvika paunonovata.

Kuvatana kunowedzera hope zvese kuvnhukadzi nevanhurume.

Siyana nemabasa asina basa anokwanisa kuzoitwa pa Weekend. 

Wedzerai vanowedzera.