Kugeza tsvina mutsinga

Ndinonzwa zvichinzi mukadzi anogeza tsvina pakuenda kwaanoita kumwedzi, asi murume anoitawo tsvina mumuviri or musystem zvichibva pakuvatana nemukadzi saka tsvina iyoyo inogara mumuviri or mutsinga dzinoenda kuchombo zvekuti tsvina iyoyo hanzi it affects kunyatsomira kwechombo zvakanaka, uye kusamira kwenguva refu, nekunzwa kusafunga kunzwa kuda kukwira mukadzi.

Saka sekuno kuSA vazhinji vevarume vemuSA hanzi ndiko saka vachiita zviya zvekuzvishandisira syringe ine mushonga kumashure vosvinira mukati then aftee nguva yakati kuti vozohudha. Kana kungomwa mamwewo mapiritsi anohudhisa, hanzi tinenge tichito cleaner izvozvo vachiti uchinge wacleaner saizvozvo unotonzwa muviri wareruka, and fresh zvekuti nechombo chinenge chatanga kutogara chichida zvinhu kuneta-neta kuya kwapera pachinomira chinonyatsoti gwi kuva nesimba nehasha.

Zvichitonzi ukaona futi wakunzwa kakuneta zvekusachanzwa uchifarira kuda kukwirana nemukadzi kana kuti chombo chinongoti mirei chovata zvinenge zvichitokuudza kuti unofanira kucleaner but kuvanhukadzi hapana problem nekuti vagara vanoto cleaner nekuenda kwavo kumwedzi.

Saka hameno kuti ndiwo mashandire anoita miviri yedu here varume awa nhai mai Chibwe?

____________________________________________________

Nyaya iri pano inonetsa kuhwisisa kuti yakabvepi uye zvange zvaita sei kuti munhu afunge zvakadai. Kana kune nyaya yakadai zvoreva kuti inongoitika kuvanhu vashomanana vanobva kuZimbabwe. Chokwadi ndechokuti hazviitiki kumhomho yese yevanhu mupasi rese.

Munhukadzi:

Chokutanga ngatione kuti chii chinoitika pakuenda kumwedzi kwemunhukadzi. Kana munhukadzi akasvika makore gumi nematatu anotanga kuenda kumwedzi kamwe chete pamwedzi. Nyaya yokumwedzi inotanga kana musikana ava kutanga kukandira mazai. Mazai awa anokandira kamwe chete pamwedzi miviri. Mukadzi ane zvikandiro zviviri saka zvinochinjana chimwe nechimwe chichikandira zai rimwe chete pamwedzi miviri.  Zvoreva kuti mukadzi anokandira zai rimwe pamwedzi.

Chikonzero chokuti aandire zai ndechokuti panguva yokukandira apa akawana murume wkuvata naye anomupa urume, anokwanisa kubata mimba. Kana akakandira zai, Chibereko chinotanga kugadzirira kugadzira mwana saka madziro anokora chose kuti mwana anatse kugara. Kana asina kuvata nomurume, kunopera mazuva anoenda kumwedzi, madziro echibereko otanga kuderedza kukora kuya. Anochechenuka zvinova zvinobudisa ropa zvoita mazuva mana kuti zvipere.  Zvadaro, nyaya yotanga futi.

Saka apa tiri kuti hapana tsvina unobuda mumukadzi inobva mutsinga. Ropa rokumwedzi rinobva muchibereko chete chete.  Chinofamba mutsinga ma HORMONES anoita kuti musikana akandire zai uye aende kumwedzi. MaHORMONES haasi tsvina uye haakwanisiki kusukwa kubviswa mumuviri wemunhu. Akatoshaikwa muviri unotadza kuziva kuti woshanda sei.

Munhurume:

Muhurume haakandiri zai saka haaendi kumwedzi, uye hapana chinobuda paari mwedzi umwe noumwe. Hapana tsvina inobva mumukadzi uye hapana tsvina inokwanisika kubatwa nomurume achiti zvabva pakuvata nomukadzi.

Pakuvatana kwemukadzi nomurume, vanotanga nokurezvana kusvika mukadzi anatsa kunyorova mukati make. Minyatso temazamu ake inomira, ganda remuviri wake rinomirira kubatwabatwa, Bhinzi yake yomira kuti twii, uye ichidawo kukwizirigwa. Murumewo anomira chombo, minyatso, uye ganda rake rinowedzera kuda kubatwabatwa. Zvadaro, murume anopinza chombo mumukadzi koita nguva vachikweshana vakadaro, vachipurudzirana, nokukisana, nokurezvana, nokukurudzirana kuita basa. Uku mukadzi anotangawo kuchemerera kuti murume aite manyawi, awadzere kukweshana.

Murume pakupinza chombo, mapindire acho anopatsanura madziro emukati memukadzi madziro aya ochibata chombo zvokuti vese vanohwa kuti chii chiri kuitika. Mukadzi anohwa kuti ane chombo mukati make, murumewo anohwa kuti ari mukati memukadzi. Mukadzi anoramba achiwedzera kunyorova kuti vese vasaita mhoni pakukweshana.

Kwapera nguva inoita maminitsi mashanu kana kupfuura, (kuvarume vanonaka)  chombo chomurume chobva charutsira urume mukati memukadzi. Kana vapedza kuisana, madziro emukati memukadzi anodzokera panzvimbo yawo. Urume hwasiiwa nemurume mukati hwakawanda zvichibva nokuti ange amwa mvura yakawanda sei. Vaya vanoterera nyaya dzeutano vanomwa mvura yakawanda zuva rimwe nerime, vanobudisawo urume hwakawanda uye hwakakora. Murume paanobvisa chombo kubva mumukadzi, mukadzi anoita kanguva achivhinza urume. Hapana chakaipa pakuvhinza.  Murumewo anoita kanguva achivhinzawo urume. Ndosaka muchiona kuti pakuisana munotaridza madomhwe eurume pamubhedha. Ingari yokuti mese munovhinza.

Kana mukapedza kuisana, Mukadzi kana ane simba rokuita, anopukuta chombo chomurume obva azvipukutawo. Asi kupukuta hakudziviri kuvhinza. Kana maisana zvinogutsa, hapana anoita simba rokupukuta. Munongovhinza makadaro mese. Pamwe munotoita hope chaidzo asi kazhinji mukadzi anomutswa nokuerera kweurume achivhinza. Murume anozomuka kwapera nguva kana MaAWA mana, panozomirazve chombo kuti vakwanise kuisana futi. Hwisisa kuti mukadzi paanovhinza anosara humwe urume mukati hwakawanda chose. Ingari yokuti mukati make mune zvimakoronga zvinobata urume. Ukuzve muviri wemunhukadzi unoziva kuti murume akasiya urume muviri unokonzera kuti urume hueredze huchikwira kumusoro kunowanikwa zai.

Kana mukadzi ange akakakandira zai, zai rinosangana nourume muchibereko, chibereko chobva chatanga kugadzira mwana. Kana ange asina kukandira zai, hapana mwana wekugara.

Saka pese apa hapana tsvina yatasangana nayo. Zvese zviitiko zvinongoitika semazuva ese. Hapanazve chatingati chingakonzera chombo chomurume kutadza kumira dzimwe nguva. Chinomisa chombo iropa nemafambire aro kubva kumoyo. Kana chombo chisingamiri zvakakwana, zvoreva kuti muridzi ane dambudziko risinei nenyaya yokuti akavata nomukadzi nezuro.

Kana murume akatadza kumira chombo, anofanira kukasira kunoona varapi kuti aongorogwe kuti chikonzero chii. Asizve zvinozikamwa kuti chimwe chikonzero chikuru pakumira kwechombo kufunganya panyaya dzokuvatana. Murume akatanga kufunga kuti pane chakaipa pakuvata nomukadzi wake, anokwanisa kutadza kumira chombo. Koitazve varume vakawanda vanotya kupinza chombo mumukadzi. Kutya uku kunokonzera kusanatsomira kwechombo. Pane zvimwe zvikonzero zvinoitisa nyaya iyi.

Ngatihwisisane kuti hapana tsvina inopinda mutsinga dzomunhukadzi kana munhurume zvichibva pakuisana. Hapanazve mushonga unodiwa panya dzokuisana. Ukaona uchishandisa mushonga kna upi zvawo, zvoreva kuti hauna kunatsohwisisa nyaya yako uye dambudziko raunaro. Hapana mushonga unodiwa pakuvatana nomurume/mukadzi. Chinomgodiwa kuwirirana kuti muri kuda kuisana, murezvana kusvika mese mava nezemo. Moisana, monakigwa nazvo, movata hope dzakanaka.

Kana murume/mukadzi wako achihura zviri nani mushandise makondhomu pakuisana kana uchiri kubvuma kuvata naye.

Kana munhu wauri kuda kuvata naye ari hurekadzi kana hurerume, shandisai makondhomu.

Hapana mushonga unodiwa pakumisa chombo. Kna chisinganatsi kumira, dambudziko rako harisi pachombo.

Udzai Vamwe!!!!