Kusanakigwa nomurume/mukadzi

Unokwanisa uzvagwa usinganaki asi kazhinji kusanakira umwe wako mazvokuda ako iwe. Vakadzi vakawanda vasinganakigwi navarume vavo vanotaura kuti varume vavo vanonakigwa chose. Ukuwo varume vasinganakigwi navakadzi vavo vanotaura kuti vakadzi vavo vanonakigwa. 

Saka toti hausi kuna umwe wako okuudza kuti ndiyo nyaya iripo. Unoita sei nazvo. Chokutanga inogumbuka kuti akuudzirei nyaya inosvota saiyoyo asi ukazozvifungisisa unoona kuti zviri nani akuudze kuti uigadziridze iwe. Pane kuti dai angonyarara iye asinganakigwi nazvo. Unozoona kuti munhu anokuda anokuudza kuti haunaki.

Varume:

Murume kuudzwa kuti maititire ako haanaki haadi chose nokuti anotonge anchizvirova dundundu achifunga kuti anonaka. Kuzoodzwa kuti haanaki zvinomuwedzera kusanaka kwacho kwekanguva kuzvika azvigamuchira kuti zveshuwa haasi kunakira umwe wake. Chikuru chinoitisa kuti varume vasanaka ndechokuti varume havataurirani nyaya dzokuisana pachavo neshamwari dzavo. Havadi kubvunza mazano ukugona basa. Zvinoonekwa sokuti ukabvunza zvoratidza kuti hausiri kugona. Saka umwe noumwe murume anongoti zii ega achifunga kuti ndiye ari kutogona kupfuura vamwe izvo bodo mukadzi wake ari pakaoma nazvo.

Pane nyaya yakaitika yokuti mukadzi nomurume vange varoorana kwekanguva asi murume achingoda izvozvo zvimwezvo zvomusi wekutanga. Mukadzi ongoti murume akapedza ovate iye ozosara ozvipedzisa ega murume ava pangonono. Kuzoti umwe musi murume pepu mukadzi ari pakati pekushinyira ega nemaoko ake, murume ndokuterera kusvika mukadzi apedza, ndokuchimuvhundisira. Kwahi ndiudze kuti wange uchiitei ini ndiripo. Mukadzi nokutya ndokuzoudza murume kuti haasi kunakigwa nemaitire emurume saka anoita ega kana murume avata.

Murume akadya rasha kubvunza mukadzi kuti unoziva sei zvinonaka kana ndisiri kukunakira ini. Kubata mukadzi kurova kwahi akakuudza zvinonaka izvozvo ndiani. Mukadzi mukuchema kuya ndokuti kumurume aende andobvunza shamwari yavo inohi Wendero. Murume ndokutowedzera kumurova kwahi wakavata naWendero.

Kuzoti yotongwa nyaya wanike bodo mukadzi waWandero ndiye akva vachitaura nyaya vachishopa, ndokuudza shamwari yake kuti Wendero anomutadzisa kuvata achingoda zvinhu usiku hwese uye kana iota anotora nguva yakarebesa achiita zvinova zvinonetesa mukadzi wake. Saka uyu shamwari kuzoudza murume kuti “Enda undobvunza Wendero.” Kwaiva kuti nokuti ndiye ane maitire aanoda iye .

Vatongi vakazoti vahwisisa nyaya ndokutsanangurira murume kuti mukadzi haana kuhura naWendero asi kuti mukadzi waWendero ndiye akaudza mukadzi kuti Wendero and maitire ake angafadzawo mukadzi wako kana ukanobvunza Wendero kuti anozviita sei.

Varume havadi kutaurirana nokupana mazano, zvikuru kana vari shamwari. Dai vaigarotaurirana nokupanana mazano sezvavanoita panyaya dzebhora, dai vakadzi vakawanda vane mufaro mudzimba.

Vakadzi:

Kuudzwa kuti haunaki nomurume wako zvinogwadza moyo uye kutyisa nokuti hauhwisisi kuti murume anokuda here kana kwete. Asi chookwadi ndechokuti dai asingakudi dai asina kukuudza. Kukuudza kuti ufunge zvokuita. Zvokuita zvacho dai waizviziva dai wakatozviita kare. Saka kana waudzwa enda unobvunza umwe mukadzi wechikuru kuti zvinhu zvinoitwa sei ubve wapiwa mazano. Zvadaro dzokera kumba kwako undozama mazano aya.

Kuti waudzwa wopedza nguva uchichema hazvibatsiri chinhu.

Maudzire ako:

Kana waona kuti umwe wako haanaki manakire aunoda iwe, usamirira kuti mupopotedzane nenyaya yacho kuti umuudze.

Usamuudza uchishandisa mashoko anogumbura.

Usamuudza maudzire anoita ashushikane.

Tanga waudza umwe wako nezverudo uye kuti zvaunoda kumuudza ndezvokuti upenyu hwenyu huite nani. Kana ahwisisa wochimuudza kuti hausi kunakigwa pakuvatana kwenyu asi unofunga kuti pane zvinokwanisika kuitwa kuti unakigwe. Womubvunzawo kuti iye ari kunakigwa here. Kana ati anonakigwa panoda kuti uwedzere nyaya dzokumuita azive kuti unomuda chose asi pakuvatana uri kusaririra pane zvaari kuita iye. Wohimutsanangurira zvaunofunga kuti zvingawedzera kunakigwa kwenyu.

Zviri nani kumuudza kwawakahwa zvinhu izvi nokuti ukasadaro anozofunga kuti pane wawakavata naye akakuratidza zvauri kutaura izvi. Kana wange wazviverenga mubhuku muratidze bhuku racho avengewo ega.

Zvadaro chionaiwo mese kuti mapinda paPROGRAM itsva yokuzama, uye mowedzera kutaurirana kuti munohwa sei pazviri nguva imwe neimwe. Kana zvisingakunakirii, zamia zvimwe. Zvinhu zvakanaka pamuchato zvinobva pakutaurirana. Chero kunakigwa noumwe wako kunobva pakuhwisisana naye pakutaurirana. Kungomirira kusangana pakunovata handizvo zvinoita muchato. 

Kushaya hanya nemukadzi/murume wako

Kune vanhu vakaroorana vatomboudzana kuti vanodanana asi napo napo umwe wozoona kuti umwe wake haana kana hanya naye. Timbotarisa nyaya iyi tichiona kuti kusava nehanya kunoonekwa sei uye kunokonzera chii kuti chiitike. Zvine basa here kuva nehanya noumwe wako?

Ko iwe unohwa sei kana murume/mukadzi wako achitaridza kusava nehanya newe?

Chii chauri kuita kutaridza umwe wako kuti une hanya naye mazuvano?

Pamwe akakura asingazivi kugarisana nevanhurume/vanhukadzi. Tarisa mhuri yake uone kuti mune vanhui. 

Tipeiwo ma EXPERIENCE ENYU.

Mabato vanhu vasina hanya newe.

Munhu asina hanya zvachose:

Munhu asina hanya newe anoonekwa nemaitire ake. Kufunga kwake kunongova pane zvaanoda iye zvisinei nezvinodiwa noumwe wake. Kazhinji haatombozivi kuti umwe wake anofarira zvinhu zvakaita sei. Haatauri noumwe wake panyaya dzine musoro. Kana ada kutaura anongotaura kubvunza zvaanoda kuziva iye kuti akwanise kuita zvaanoda. Haaiti nyaya dzenhando newe. Kana pane zvaaona musi iwoyo zvamunakidza kana kumutyisa, haakuudzi. Unotodzihwa paanofonera shawari yake achiiudza achiseka kana kukatyamara.

Kana nguva yokuti adzoke kubva kubasa yave kusvika iwe pane kufara kuti monosangana kumba, unohwa kuremegwa nazvo. Kana akanonoka kusvika kumba haafoni kukuudza kwaari kana kuti anosvika nguvai. Unongotya wega kuti pamwe aita accident kana kuti pane zvimwe zvaitika asi iye haanei nokufunga kwako.

Kana ari murume anongosvika iota zvaanoita. Overenga nyuzipepa rake akanyarara. Pamwe haakurhafuri kana kukutuka asi wega unongoona kuti zvokutaura newe haadi. Kana ukamubvunza kuti aswera sei, anongotaura zvokuti usabvunza umwe mubvunzo futi.

Kana ari mukadzi wega unongoona kuti ATTITUDE yake haisi yomufaro newe. Anoita zvese zvinodiwa kuita aite samai vemba asi anongozviita pasina kuti zvinhu zvinomufadza. Chero ukadzy zvaabika chero ukarega, haanei nazvo. Anongokutarisa sokuti hapana zvauri.

Pakunovata munhu akadai anongoitawo zvomutemo, kuti nokuti ndiri mukadzi/murume wako saka ndofanira kuvata newe asi iwe wega unongoona kuti ndezveDUTY izvi. Hapana kuda kufadza kana kuratidzawo kufadzwa. Ukabvnza kuti zvange zvichinaka here anongoti ehe, zvatopera. Movata henyu. Hapana chwadzidza pazviri. Iyewo hapana chaadzidza. Iwewo kana pane zvaunoda kumbozama unotya kukumbira. Mapedza kuvatana chero ukamutenda kuti aita basa, haanei nazvo. Hauzivi kuti anofungei nguva nenguva.

Kana une munhu akadai, hazvigoni kuti ugare wakarerukigwa noupenyu. Security inpiwa vamwe vanhu nokuchata hauna uye hauiwani.

Munhu ane hanya asi asingazivi kuti zvinotaridzwa sei

Kune vanhu vanoita sokuti haana hanya newe asi mumoyo make munhu ane rudo zvokuti. Vanhu vakadai vanoitiswa kudai nemakurire avo. Munhu uya haana kuita DEVELOPMENT yokunatsohwisisa kutamba navamwe saka kana anewe, anokwanisa kufunga asi zvokita zvinomunetsa. Uyu munhu anoti ukaita kumuratidza kuti hauchamudi kana kuti pane zvaakanganisa ukasakasira kumutsanagurira, anokwanisa kuita zvinhu zvisina kufanira kuitwa. Munhu akadai anoda munhu ane moyo murefu kuti agare naye.

Kuongorora

Kana une munhu aunofunga kuti haana hanya newe, imbozama kuongorora kuti munhu upi pamabato maviri awa. Zvnokwanisika kuti munhu ari pakati nepakati futi nokuti ukatsamwisana nomunhu webato rechipiri zvinokwanisika kuti panguva iyoyo asava nehanya newe asi hazvirevi kuti haakudi.

Kusava nehanya nomunhu zvinobvepi

Kunesu vakadzi zvinowanzobva pakuti wada munhu nomoyo wako wese iye okuitira chimwe chinhu chakaipa chokuti unoona sokuti haakudi. Munokwanisa kugadziridza nyaya dzenyu asi zvoitikazve, mogadzirisazve zvichingodaro kusvika paunozofunga kuti wakakanganisa kusariudza, wobva watanga kusava nehanya nomurume.

Pamwe unofunga kuti murume wako anobhowa asi hauna kwekuenda saka wongomuita sokuti haasi munhu. Mukadzi akadai anokwanisa kutanga kuhura zvisiri zvemari kana kupiwa zvinhu asi kungoda EXCITEMENT. Kuno kuEUROPE ndivo vakawanda vabohurira nyaya iyi.

Pamwe ane chigwere che Post Natal Depression. Kana ukaona asisava nehanya panguva inobva pakuzvara kusvika makore maviri, imbofungira nyaya iyi.

Pamwe mhuri yake inogarokutsoropodza kana vanaye saka anoziva kuti vanofunga zvakaipa pauri obva akutarisa achizviona zvinhu zvacho.

Munhukadzi munhu anozvagwa ane chido chokushandira murume wake nemhuri yake saka ukaona oita seasingazvidi, pane chakaipa muupenyu hwake. Instinct yevanhukadzi ndeye Service kumurume nemhuri.

Kuvarume.
Varume kazhinji zvinobva pakuti makaroorana sei. Kana wakatanga nokuita mimba mukazoroorana nokuda kwemimba yacho asi mange magara musingatauri yokuroorana, unokwanisa kuonekwa semunhu asina maturo. Inyaya yokuti mimba inoonekwa sechinhu chinoitwa nomukadzi paadira kuiita kwete kuti paapiwa urume naiye murume wacho. Zvinohi kana wada kuvhura makumbo chitanga wagadzira nyaya yemapiritsi kana makondhomu. Kwete kungoti murume paadira iwe wovhura. Mimba mazuvano inongoitwa kana wada kubata murume chibharo chemimba. Ndipo achizokushaira hanya.

Potizve vasikana vanoti akavata nomukomana wake ofunga kuti zviri nani kuroogwa naiyeye, ipapo iyw mukomana anenge asati azvigadzirira kuroora. Zvadaro musikana abnonyebera mukomana kuti ane mimba kuti awane mukana wekuwanikwa. Anozoti ava pamushati aonekwa kuti mimba ange asina.

Kana murme akawana hure rokugarhorhoja anokwanisa kushaira mukadzi wemumba hanya. nokuti iwe haachamudi. Pamwe anomuda asi anoda kumuratidza kuti zvaakamuitira zvakaipa.

Mabasa
Pamwe iwe une basa rinopa mari kupfuura rake. Varume vedu vechiZimba zvinovadya moyo izvi. Anoona sokuti imhosva yako kuti wakawana basa iri. Adaro anoona sokuti ukapiwa Promotion unofanira kuramba kusvika iye ava kutambira mari yakapfuura yako.

Varume kazhinji haunetseki kuziva chakaipa pakati penyu nokuti havagoni kuvanza zvinhu. Isu ndisu tine nyaya dzinonetsa kuhwisiswa nevarume vedu.

HISTORY dzenyu
Koitazve nyaya yokuti wava mumba murume ozoziva kuti waichimbovata nevamwe varume vakawanda kare, iwe ipapo wanga usina kumuudza musati maroorana. Anoona sokuti uri munhu asina kuvimbika. Chinhu chakanaka kubudirana pachena muchiri kunyengana kumurondedzera HISTORY yako. Kana achikuda wokuda achiziva zvauri. Kana asingazvifariri oenda hake okusiya wakadaro. Kuzoti wava mumba ochiziva kuti wakambobika mapoto nanhingi kana kuenda pahorodhei nanhingihandizvo. Ndipo unoona murume oita sokushaya hanya newe. Anenge ari pa nguva yokuchema somunhu afigwa. Ipapo chinenge chafa ruvimbo pauri. Munhu waange achivimba naye amuratidza kuti haasi munhu akavimbika.

Varume havawanzi kunyeba panyaya idzi vanongonyeba pakuwanda kwevasikana vavakavata navo asi vanowanzokuudza kuti akambovata noumwe.

Saka zvoitwa sei kana umwe wako akushaira hanya? 
Murume asina hanya
Mukuona nokuterera mitauro yevakadzi vandinosangana navo vhiki imwe neimwe vachipiwa nguva yokutaura pamusoro pevarume vavo, ndinoona sokuti kune zvinhu zviviri zvinokunzeresa vanhukadzi kuhura kupfuura zvimwe zvese. Kunoti murume anoita seasina hanya nomukadzi wake kuti murume anokasirira mukadzi wake.

Kana tichibvunza mubvunzo wekuti zvoitwa sei, tiri kuubvunzira paviri pokuti iwe mukadzi ungadii kuti murume aite hanya newe, uye kuti iye murume akafunga kuti unofunga kuti haana hanya newe angaitei pazviri?

Kana uriwe mukadzi ane murume akadai, chokutanga zvibvunze chikonzero. Kana wawana chikonzero zama kugadzirisa nyaya yako usati wada zvechihure. Hisisazve kuti pamunenge muri panyaya iyi vamwe vanokuona vanoona usina mufaro pachiso, saka vamwe varume vanokuona vanotsvaka kukusetsa nokukufadza. Zvadaro unokwanisa kuhwa uchikwezviwa kumunhu anokunakidza nokuti unenge une CONDITION inohi ATTENTION DEFICIT, kureva kuti uya anofanira kukufadza haasi kukufadza. Zvinokwanisika kuti zvese zviri kuitika kumba kwako ukawana munhu ane zheve dzokuterera unomuudza zvinhu zviri SECRET zvokwenyu.

Zvadaro uchashamwaridzana nomurume uyu wopedzisira wava pa COMFORT sex naye. Ipapo zvokuhura unenge usingambozvifungi uye hautooni kuti wave kuhura. Uyavo murume, pamwe ane mukadzi wake uye haadi zvokuonekwa newe kureva kuti haakudi asi anoda kukuisa chete. Iwe unomuona seshamwari yako inoterera zvaunotaura. Nyaya yako ipapo yatokura zvokukwanisa kurambwa nouya asina hanya newe.

Chokutanga wana umwe munhukadzi wekuudza zviri kukudya moyo. Uchaona kuti vanhukadzi vakawanda vanoterera uye vanokupa mazano. Varume vakangoziva kuti kumba kwako kwaita dambudziko votoda krigadzirisa nechombo. Udza munhukadzi zvikuru munhu agara ari shamwari yako. Usakasira kuda kuudza munhu asiri shamwari yako nokuti anokwanisa kunoudza vamwe vanhu.

Chimwezve kasira kukumbira ruregerero kumurume wako. Kana aramba akadaro, kana zvichikwanisika imboparadzana naye. Womuudza kuti unoda kumbonovhakasha kuhama. Paunodzoka muvigirewo zvinhu zvakanaka azive kuti wange uchimufunga.  Zvikasashanda muudze kuti wave kukumbira hama izombotonga nyaya yenyu. Hama iyi munhu mukuru wekumhuri yake iye murume. Uchahwa pakutongwa kwenyaya murume oda kuhi ndiye asina mhosva saka achataura zvese zvakaipa pauri. Adaro iwe zvigamuchire ugotaura kuti wanga usingazvioni nemaziso iwawo saka uchazama kuzvigadzirisa asi murume ngaachikubatsirawo nokutaridza rudo kana achiri kukuda. Achabvunzwa ipapo gozvitaurira ega kuti anokuda here kana kwete.

Ndakamboenda kune vamwe verudzi gwedu veChiZimba. Murume akabvunzwa kuti achiri kuda mukadzi wake here, aange arova vhiki mbiri dzapfuura mukadzi akamudanira mapurisa akasungwa akanovata muchitokisi pakismisi. Umwe wevatongi akabvunza kuti uchiri kuda mukadzi here? Zvikahi "Mubvunzei kuti, zvaabika handidyi here, ndiro handimubatsiri kusuka here, pane musi waanoti handina kumukwira here, mari anoitambura here mumba muno." kureva kuti kuona kwake zviitwa izvi zvinotaridza zvega kuti anomuda asi isu taida kuti ataure kuti anoda mukadzi wake.

Kana nyaya yatongwa, kutonga kuitira kuti mutange kutaudzana nokugarisana zvakarurama. Chitaura zviri kukudya moyo murume aterere azvihwisise nokuti wapiwa PLATFORM. chirega kusiya zvimwe. taura zvese.

Chiporomisa zvauchaita pane zvaataura. Ramba uchingodzokorodza kuti iwe murume wako unomuda chose uye zvese zvange zvichiitika zvakudya moyo nokuti inoona murume wako ari kure newe. Kumbirazve kuti kana watadza ngaakasire kukudza. Tenda murume wako nokugara dare kwaaita newe kuti nyaya ipere.

Muchingopedza kutongwa, vatongi vaenda masara mega, tendazve murume wako kuti akupa mukana wekugadzirisa. Hazvinei kuti iwe ndiwe wakanganisigwa here kana kuti ndiwe wakanganisa. zvininipise kumurume wako azive kuti zvese zvinoitika mumba iwe unoziva kuti iye ndiye saimba. Zvadaro pakunovata chitaridza kuti ndiwe mukadzi. Tension yese yange iri mumuviri nokugumbuka ngaichibuda nomuchiuno. Nzira yokufungwa dzomurume inopinda mumuviri wake nomuchombo chake.

Mukadzi asina hanya.
Kana mukadzi ariye asina hanya newe ukazama kutaura naye ukaona kuti hapana zviri kuita, muudze kuti wava kuda kutsvaka munhu wekutonga nyaya. Vakadzi tikangopiwa PLATFORM yokutaura zvinotigumbura zvese kubva zvakaitika muna 1830 zvinobudapo.  Iwe terera chete uchimirira kusvika apopota akapedza akafemereka akachema akataridza kushaya mufaro.

Mirira kubvunzwa nomutongi kuti wahwisisa chagumbura mukadzi wako here. Ndipo paunozobvuma kuti wahwisisa. Chitaurawo kuti kuterera mukadzi wako achitaura kwakutaridza kuti zviito zvako shuwa zvakaipa uye hausi murume akakodzera pamukadzi akanaka kudai. Pedza nguva uchizvituka uchikudziridza mukadzi wako kuti munhu kwaye uye unomuda chose. Varume hwisisai kuti isu kudiwa uye kuudzwa rudo chinhu chikuru chose. Kuhwa murume wako achitaura pane vanhu kuti anokuda zvinoitisa manyawi. Murume ramba uchingotaurira vedare kuti iwe mukadzi unomuda, asi kuita sokuti haana hanya newe chinhu chakakugozhera. Dai aregera kufamba zhira iyi.

Iyewo akabvunzwa mufungo yake ambohwa uchitaura yorudo iyo unohwa odavira zvisina kupopota. Chiziva kuti nyaya yagadzirika.

Pakunovata usangotanga kumuisa usina kukumbira. Kumbira umirire akupe muviri wake. Adaro chiitawo nguva uchimubatabata, Makisi ombowanda, woratidzawo kuti muviri wake unomuda chose. mombotamba seshamwari dzange dzichigara kure nakure. Usati wapinza chombo kumbirazve womirira akuudze kuti enda mberi nenyaya. Chirega zveganyabvu. itwa zvinyoronyoro kuti iye aite ganyabvu nechiuno. Chiziva kuti wagamuchigwa. Nyaya yapera asi kubvapo, pota uchimutenda kuti munhu anogadzrisa nyaya, ndizvo agokasira kugadzirisa dzinozouya.

Pakauya vanovhakasha ita nokutaura zvinodadisa mukadzi wako pane vanhu.

Mese
Mukasaitirana hanya, zivai kuti muchato wenyu hakuna kwauri kuenda. Muchato chinhu chiri DELICATE chinokwanisa kupedzwa neshoko rimwe chete. Unokwanisa kungoudza mukadzi wako kuti muroyi kana kuti hure. Shoko rimwe chete rigomugumbura kusvika pakuzoputsa muchato wenyu.

Kana watsamwira umwe wako chiregawo kuita mazuva mviri wakangoita somunhu ari paSTRIKE. Kana zvichigoneka popota upedze shungu, zvadaro akabvuma kuipa kwake mubvunze kuti achaita IMPROVEMENT yake sei uye riini akuudze. Zvadaro chimuudza kuti zvapera womupa kisi mochitanga kuita sevanhu vakaroorana.

Zvokushairana hanya imi muchigara mumba imwe chete zvinokwanisa kupedzisira umwe ahura achizokupa chigwere iwe nokutsamwa kwako. Zvozodii?

Zvinhu zvinotaridza kuti une hanya noumwe wako:

1 Kushurikigwa kana asipo

2 Kumufonera uchimuudza zvinhu zvisina basa, sokuti waona chimbwanana chakanaka kana kuti wasangana neshamwari yekare. Kungohwa kuda kutaura noumwe wako.

3 Kuita nyaya dzisingaperi naye sezvamaiita pakunyengana

4 Kuti ukapiwa chinonaka woda kundodimburirana naye

5 Ukafadzwa nechimwe chinhu woda kundoudza umwe wako

6 Kana pane chaunoda kusarudza wotanga wabvunza umwe wako kuti chakanaka ndechipi

7 Kana Bazi rikanonoka unokasira kufonera kumba kumuudza kuti bhazi ranonoka kuti asafunganya kuti zvaita sei.

8 Kugara uchida kuvata naye nokuisana naye nguva dzese.

9 Kuti kana zvaakanganisa unomuudza asi womuregerera pamwe unopopota hako asi murudo.

10 Kugara uchimuudza kuti unomuda

11 Kurezvana naye nokumupa ziso rinomuudza kuti pane zvauri kumufungira.

12 Kumudaidza nezita rawakamupa iwe rorudo raunongoshandisa iwe chete.

13 Kusamumhura pane vanhu

14 Kuratidza vanhu kuti havakwanisi kukupatsanisai fungwa.

15 Kumubatsira kudzidza

16 Kubvuma mufungwa mako kuti iye anokuda zvokuti chero akadzidza akawana basa riri pamusoro chero akasadzidza akasawana basa unongomuda chate uye iye anongokudawo chete. Kana akuudza kuti anokuda iwe haumupikisi.

17 Kusamunyeya nehama dzako

18 Kubatsirana mabasa anoda kuitwa kuti mugozorora mese

19 Kuti mugere mumba menyu mogarawo pasofa rimwe chete kwete kuti uyu uko uyu uko sevarumudzani.

20 Kugarobvunza nokuziva nokuyeuka zvinhu zvinomufadza, zvaanofarira, zvinomunakira. 

Udzai vamwe!!!!

Kuvata nehama yausingazivi

Mazuvano, vanhu vakawanda havachazivi hama dzavo dzese nokuda kwezvokonzero zvakawanda zvinoti:

1 Kushaika kwevanhu vakawanda mumhuri nokuda kwerufu gwakawedzera mumakore ma

kumi maviri akapera.

2 Kuwedzera kufambafamba kwevanhu vamwe vachinosvika kunzvimbo dzavasingazivi munhu ikoko.

3 Kubuda munyika yedu vanhu vachienda kumbonogara kune dzimwe nyika. Vadaro vobvazve vonogara kuneimwezve nyika, ikoko vachisangana navanhu vavasingazivi.

4 Kushaya munhu anohi uyu ndiye mukuru wemhuri zvichireva kuti hapana anoziva ukama hwemhuri pane dzimwe mhuri.

Zvadaro unokwanisa kusangana nomukomana/musikana akanaka zvokuti modanana. Zvinohi vanhu veukama vane ATTRACTION yeropa yakawedzera saka unobva waita rudo gusingaiti. Ipapo motadza kubvunzana mutupo kana dzinza. Pakudanana kwenyu zvakawanda zvinokwanisa kuitika. Munokisana, mobvisana hembhe moisana, mobikisana mapoto, nezvimwe zvakawanda zvisingafanigwi kuitwa nehama. Kunozotiwo panyaya dzokofonerana nevanhuvari kune dzimwe nyika, monokwanisa kuzoona kuti mune nhambha dzefoni dzomunhu umwe wamunoziva mese, kuzoronda nyaya yenyu munoona kuti pakati penyu mune ukama.

Zvinokwanisikazve kuti munoenda kuPARTY mosangana nomunhu wamunoziva mese mohwisisa kuti mune ukama. Kune mhuri iri kuno yakakokwa kumuchato wehama yavo. Vasvikako wanei munhu waari kuchata naye ihama yavozve yavanga vasingatozivi kuti ari kuno. Ipapo paitoti kana dai vari kumusha vaikokwa kumuchato wemukoma na kana wemusikana. Asi kusazivana kwevanhu kwanga kwaita kuti vaviri ava vasangane, vadanane, nokuronga yokuroorana, ipapo musikana ange atova nemimba. Hapana ange abvunzurudza umwe kuti hama dzako dziri papi chaipo. Kungoona runako ndokuputswa fungwa dzimwe.

Kozotiwo kuChikaranga kwedu haukwanisi kuwana munhu waunoshaya ukama naye asi pano tiri kutaura ukama hwepedo zvokuti unotoona kuti dai muri kumusha dai mega musina kutombonyengana.

Saka kana zvadai modii. Kana wasangana nehama, musingazivani mukadanana mukavata mese zvokutodanana henyu zvisi zvechihure, panoitwa sei musi wamunoziva kuti muri hama chaidzo. Tichitarisa paChikaranga tinoona kuti pane ukama hunokwanisa kuchekwa kana zvinhu zvaipa nomutowo uyu. Pozoita ukama hunonetsa kucheka. Kare kwaiva nemombe yaifa ichihi ndeye Chekaukama kureva kuti vakuru vaiudzana kuti tinoziva hedu kuti tiri hama, asi hazvichaiti kurambidza vana kuroorana saka ngatichingonyebera kuti tange tisiri hama asi tabatanidzwa navana.

Chekaukama yaibvumidzwa kana:

Musikana ari muzukuru mwana wemuzukuru mwana watete vababa vemukomana. Kureva kuti sekuru vemukomana nambuya vemusikana ndivo hazvanzi. Zvikuru kana musikana ari mwanasikana wemwanasikana watete ava. Chainyanyobvumidzwa ndechokuti kana paita mazera mana kubva pakazvagwa hama idzo asi padzakazvagwa vana vadzo vasina kuera mutupo umwe chete. Uyu mufananidzo wandapa wainge uri wemazera matatu saka dare raigagwa iri nyaya yokuti vabereki vomusikana vazukuru vava kuitiswa vana tezvara norudo gwevana.

Mazera matatu ainetsa kugadzirisa zvokuti pamwe vaiti ukama ngahurambe hwakaita zvahwange huri asi tongochinja IMMEDIATE FAMILY yevaroorani ava.  Saka muzukuru uya ava muroora aikwanisa kungoti akaona baba vomurume oramba achivati sekuru, pamwe kana ada oti baba.

Imwe nyaya yaibvumidzwa ndeyokuti kana mukomana anyengana namainini mununguna wamai vake asiri mwana wavabereki vamai vake, toti ndewekwababamukuru kana babamunini. Zvaikwanisa kubvumidzwa kuti varoorane mwana namainini vake.

Zvisingabvumidzwi ndezvokuti vanhu vane mutupo umwe chete varoorane. Maitoudzwa kuti zvamaita hazviiti chitokangamwai kuti mazviita motosiyana modaidzana noukama hwenyu kuti hazvanzi kana kuti tete nomwana wehazvanzi.

Mazuvano pamwe munozoziva matova nomwana. Kuti muchizvikangamwa kana kusiyana, hazviiti. Kana kudanana nehama chiri chinhu chikuru chausingadi kuita, unofanira kuti ukanyengana nomukomana/musikana, kasira kubvunza kwaanobva uye mutupo wake. Asi chero ukadaro, unokwanisa kunge wasangana nomunhu akakurira mudhorobha asingazivi zvinhu zvemhuri yake, Kozotizve vanhu vakakura vachiti vakambogara nemhuri iyi, vobva vonogara neiyo, iri ngari yokuti vanga vasiiwa vari nherera. Vanhu vakadai vanokwanisa kusanyatsorondedzegwa ukama hwavo nehama dzavo. Saka unokwanisa hako kubvunza asi kana nyakubvunzwa asingazivi munoita nguva muchidanana mozoziva masangana nomunhu anozviziva. Ipapo zvese zvisingafaniri hama kuita matoita.

Pachirudzi chedu hama hadzidanani, kana kuvatana kana kuroorana kuzhe kwekuti varamu. Tangoti timboitanga nyaya iyi nokuti yaitika kakawanda. 

Kune vamwe vanotodanana vachiziva kuti ukama hwavo huri pedo. Kutobva munyika vachinogara kure kuitira kuti vadanane pasina anovabvunza. Havasivo vakadaro vatiri kutaura pano. Pano tiri kutaura nezvevanhu vanosangana vodanana vasingazivi kuti ihama. Zviri kuitika zvakawedzera uye kune vanotyiswa nokuziva kuti vari kuvata nehama. Ndosaka nyaya yasvika pano. 

Munhu bvunza mutupo wewawada, wamai vake newake. mohwisisana. Kuziva kuti wakavata nehazvanzi yako yokwababamunini/babamukuru, muchiira mutipo umwe chete chinhu chinotyisa vanhu vane njere. Asi tinohwa kuti pane vamwe hazvanzi vakatobva muZimbabwe kundogara kuSouth Africa kuti varambe vachivatana asi vachitoziva kuti ihama dzapedo. Uhu umbwa zvokuti hapana zvokuzviita. Inyaya inotongwa nemhuri dzavo. Pamutemo hazvanzi haivatwi nayo. Hazvinei kuti ihanzanzi rudzii kana mubvandiripo wamai kana baba kana wemurume wamai, mukadzi wababa ihazvanzi yako haivatwi nayo.

Asi ngatihwisise kuti panyika pano pane vanhu vari CORRUPT vasina hanya nemitemo yeupenyu kana kuti yakabvepi. Vanotoona sokuti zvinovakonesa mufaro.

Udzai vamwe!!!

Vabereki pamusha wemwana

Pane nyaya dzakawanda dzevabereki dzinovaka kana kuputsa musha wemwana. Ngatisafunga kuti mubereki wese anofarira mwana wake kuva nomuchato wakasimba. Kune vamwe vasingazvifariri, vanoita zvinhu zvinoputsa musha wemwana wavo vachiziva kuti ndizvo zvavari kuita. Ngatitangire pakubvumirana kuti iwe kana waroorana noumwe munhu, chinangwa chenyu chiri pakuvaka musha wenyu nokuzoita vana venyu vamunoda kurera mese pamwe chete. Muchava vanhu vanomufaro chose kana machembera vana venyu vese vari vapenyu uye vabva pamusha penyu vachienda kunovakawo misha yavo.

Asi kazhinji tinoona zvisirizvo. Tinoona zviito zvevabereki zvichikanganisa upenyu hwevana vavo. Ndiyo nyaya yatinoda pano kumbotaura nezvimwe zvezvinoputsa misha yevana zvinoitwa nevabereki.

Kuhura kwamai vemukadzi

Kana uri mukadzi akawanikwa pamurume anokuda chose chose, mai vako ndokuzikamwa kuti munhu anoita zvechihure, zvinonetsa kuti murume wako asafunga kuti iwewo unokwanisa kuva unohura kana kuti uchazoda kuhurawo imwe nguva. Kufunga kwakadai kunobva pakuziva kuti munhu wese anoita zvaakakura achiona munhuri yake. Kana vabereki vaiva vanhu vanohura zvinonetsa kuti iwe ugoreriwa navo ugosafunga kuti kuhura chinhu chakanaka. Saka apa murume achikuongorora anotambudzika moyo nenyaya yokuti mai vako vanohura.

Kumwe kuhurawo kunoonekwa kuti maitire acho anoda sabhuku chaiye. Sezvatakamboona mu BIRMINGHAM umu mai vemukadzi vavhakasha kubva kuZimbabwe, ndokuita mwedzi mitatu vachigara nemwana wavo nomurume wake vachirera mwana wemwana. Kuzoti vajaira kugarapo ndokufunga zvevarume, vopota vachiti mwana nomurume vari kumabasa ivo vosara vachipinza murume mumba ivo murume wavo ari kuZimbabwe. PaWeekend vondovata kumba kwechikomba chiya.

Iyi haisi nyaya inokwanisa kungohi ndeya mai ava chete inokoka hama dzese dzinokwanisa kuudzwa yoonekwa kuti mwana wavo muchato wake wava nemabhikozi akawanda nokuti murume haachina shuwa kuti mukadzi wake anozvitora sei. Mai vemukadzi vanohura hachisi chinhu chokuiginowa zviri nyore chero uchida mukadzi wacho.

Mai vemurume vanohura

Kana ukakura uchiziva kuti mai vako vanohura, uchiona zviito zvavo zvokuhura, ukazoroorawo mukadzi wako, mufungwa mako vakadzi vese vanohura, saka zvinonetsa kuvimba mukadzi wako. Unobva wangoitawo zvaichiita baba vako pavaziva zvikomba zvamai vako. Hasha, kupopota, kufungira, etc. Unoona munhu achingoda kugarotarisa foni yemukadzi wake kuti aone kuti hapana zvikomba zvambomufonera here. Foni ikarira mukadzi akadavira, zheve dzemurume dzomira kuti ahwe kuti ndiyani ari kutaura nomukadzi wake. Pavanopedza kutaura unohwa obvunza kuti “Ndiani akufonera?” Anoda kuziva kuti munhu afona haasi chikomba.

Adaro otarisazve EMAIL yomukadzi pachivande, kuti azive zviri kuitwa nomukadzi wake zvese.

Kare kuita vamwene vanohura zvaisvodesa asi mazuvano unotoona muroora navamwene vese vakapfeka zvikabudura zvinoshinya, magaro akasungwa zvinoridzisa varume muridzo.  Asi muroora anozoti ava mumba make nomurume wake ofungigwa zvakawanda.

Kuhura kwababa vemurume/mukadzi

Vanababa kubva kare vaingohura asi tichitarisa tinoona kuti vanakomana vakawanda vanokopera zviito zvamadzibaba avo kureva kuti mwana ana baba vaanoziva kuti vanohura achadawo kuhura. Mwanasikana ana baba vanohura achava munhu anoti murume wake akahura anozvigamuchira sokugamuchira kwaiita mai vake pakuhura kwababa vake. Pamafungire ake, varume vanhu vanohura.

Pane Zvimwe.

Mafungire awa ndiwo amwe chetezve panyaya dzakaita sevabereki vanoba, vanogaropopotedzana, vanogarorovana mumba, vanonyanyoda mari kupfuura vana vavo. Ukakurira mumhuri yakadai, ukasazviongorora zvakanaka unongotevedzerawo izvozvo wakura.

Kutonga nyaya dzemumba yemwana.

Mwana wako kana aroora/aroogwa hazvirevi kuti ava munhu akachenjera pazvinhu zvese. Iwe pawanga uri zera rake, wanga uchitodzidzawo pazvinhu zvemumba. Pane zvakawanda zvaasingazivi zvaanoda kuraigwa pazviri. Mazuvano vanhu vechidiki vajaira kuti akada chinhu anochiwana. Zvino kana ava mumba akati anoda kuitigwa ichi kana icho, uya waanoudza asingazivivo kuti chinoitwa sei, panopopotedzanwa, iwe mubereki woerekana mwana asvika pamba pako asiya murume/mukadzi kwahi handichamudi. Kuti ubate pene musoro wenyaya zvoramba.

Unohwa mai voudza shamwari yavo mwana uya atiza murume aripo kuti “Taifunga kuti murume kwaye izvo ibenzi remunhu. Haana zvaanoziva. Dai Eresina asina kutiza mumba dai akatofa izvozvi. Ngaachitogara zvake pano. Zvokuwanikwa zvaramba.” Iyawo shamwari iri kuudzwa yotogara pasi kuti tii ibikwa nyaya dziwande. Vese vakangamwa kuti ivo vaimbotukanawo nevarume vavo. Hapana anofunga kuti acharera zvivana zviviri izvi zvauiwa nazvo ndiani.

Vanhu dzidzai kudzikamisa hana dzehama dzenyu dzakaroorana kuti vanhu vayanane pane kukuchidzira kupopotedzana kuya. Kutiza murume/mukadzi uchinopotera kuvabereki vako hazvirevi kuti wada kurambana naye. Zvinoreva kuti pane chimwe chausina SKILL yokuchibata nayo saka watiza. Mubereki ngaabvunzurudze ahwe pane nyaya agokupa SKILL yacho yokugadziridza nyaya hana yakadzikama. Kana ukadzikera ukanogadzirisa unenge wawedzera kukura. Pazvinozoitikazve, pane kutiza unotaura nomubereki pafoni wopiwa SUPPORT yauri kuda.

Kana mwana nomurume wake vapokana, iwe mubereki hwisisa kuti vana hava EXPERIENCE yokugara vese saka vanoda kudzidziswa magarire uye kuti musha unovakwa sei. Kuvaka musha haisi nyore saka ukatovabatsira pachinhu chimwe chete watogona. 

Vabereki panyaya dzerhoji
Koti kana mwana ane nyaya dzokuvatana dziri kumunetsa zvikuru vabereki vanongoudza mwana zvikuru manasikana kuti ngaaende anovata nomurume. Havabvunzi DETAIL yokuti chii chiri kunetsa pakuvatana kwavo kana kuti zvakatanga riini. Havakasirizve kutaura kuti vana ngavaende kuchipatara vanoonekwa. Kuvanhu vakuru vanongova neruzivo gwekuti murume nomukadzi vanopinzana chombo vosiirana urume nyaya yatopera.

Kuzoda kutaura kuti bodo murume anondibata chibharo kana kuti anondikasirira hapana anozvihwisisa saka mhosva haitongwi zvine musoro wenyaya. Vana nevabereki vavo parudzi gwedu havataurirani nyaya dzerhoji vachihwisisana. Kare zvainzi enda kwatete unodzidziswa, mukomanawo ohi enda kwababamunini undodzidziswa. Mazuvano, nenyaya dzokuti vanhu vemhuru vanogara vakatarangana uye vanhu vakawanda vakafa, unokwanisa kungosara une vabereki chete.

Mubereki anoremegwa nokutaurira mwana wake nyaya yeRhoji. Kuti mai vaudze mwana wavo kuti asangoda zvokuvata manhede chete asi ambofongorawo nokuti zvinonaka zvakasiyana, vanoona sokuti mwana anozofunga kuti ndiwo maitire avo nababa. Saka nyaya yese inozotaugwa nechibhende zvokuti mwana hapana chaanohwisisa.

Ndakambova panyaya yeimwe hama yedu yanga yave nenguva isina mimba. Paakanotogwa ndokuuyiwa naye kumusha, tete vakangomubvunza mubvunzo umwe chete. "Uri kuvata nomurume zvakanaka here?"  Iye ndokungoti "Hongu." Zvikabva zvatopera. Hameno kuti chavakahwisisana ipapo chii. Ndakatozoti ndava naye musikana ndokumubvunzurudza kuti chaange achiti HUNGU chii, uye anoziva sei kuti ari kuvata nomurume zvakanaka. Ndipo pakazobuda mashoko akawanda.

Kana wada kubvunza nyaya idzi kumwana wako akawanikwa, asi uchisvoda kubvunza, nyora mibvunzo yako pasi ugoita yokuverenga, kana kunopa tete vobvunza mwana. Ukuwo kana uchida ruzivo kubva kumubereki nyora mibvunzo yako ugovatumira vagonyora mhinduro vagodzosa. Pakubvunza mai vanogona chirungu vhenganisa chirungiu nechiKaranga kuti zvisanyanya kusvodesa.

Vabereki nevaroora/vakuwasha
Pane nyaya dzinotukanisa vanhu pamusha dzinobva kuvabereki vemukadzi kana vemurume. Zvikuru kana mai vemurume vagara vatovenga muroora wavo. Unohwa mashoko obuda kuti:
Haagoni kubika
Haaisiri murume mvura yokugeza
Haagoni kuaina
Mai vake vanohi vanoroya
Iye moroora akurisa
Imvana
Takahwa kuti anohura
Akapiwa mari na Tomasi.
Madhirezi ake mapfupi.


Zvaunoudzwa zvakawanda. Umwe wandinoziva aingonzwa vamwene vachiudza shamwari dzavo kuti mwana wavo akaroora mukadzi akashata zvokuti, iye ipapo ari pazhe achisuka ndiro, vamwene neshamwari yvo voridza chikwee mumba. Havasi kuziva kuti ari kuhwa zvavanotaura.

Vvamwene vanokwanisa kuisa ruvengo pakati pake nomwana wavo. Vabereki, zvikuru mai vemurume, vanhu vane simba rokupokanisa. Ini ndogara ndichiudza varoora vatsva kuti kana wasvikako ona kuti washamwaridzana namai vemurume wako nokuti ndivo vano key yomoyo wemwana wavo. Mwana anoda kugaroudzwa kuti akagona pakusarudza mukadzi. Kana mai vake vakatanga kumuudza kuti mukadzi wake ane matambudziko okuti neekuti, anoona sokuti mukadzi waanaye haasiri iye aanofanira kuva naye.

Mwana, zvikuru mukomana, anofanira kusapotwa pasarudzo yake yomukadzi. Kana uri mubereki, une nyaya nomuroora, muudze muri vaviri kuti chii chaunoda kumutsiura. Muroorawo kana vamwene vakutsiura, REACTION yako unovataridza kuti uri munhu akaita sei. Ukataridza kutenda nedzidziso yavo, vanokuudzawo zvimwe zvakawanda somwana wavo. Ukavapindura zvine hasha kana kuti zvinotaridza kuti havana kudzidza sewe, watozvipinza pakaoma. Hwisisa kuti mwana wavo anoda mai vake kukupfuura uye iwe uri mutogwa pamusha apa. Akutsiura ndiye hama yako.

Kana uri mwanasikana vabereki vasingafariri murume wako, unokwanisa kungogara kure navo nokuti unoenda kumurume wako.

Wedzerai vanowedzera.

Udzai vamwe!!!!!!

Mukadzi/murume asina zvaanonzwa pakuvatana

Kune vanhu vanoti pkuvatana chero ukaita sei naye hapana chaanohwa chakasiya nokungobatwa gumbo kana kumhoresana. Ari mukadzi anenge ane chombo chomurume mukati asi zviya zvatinoti kunakigwa anenge asina zvachose. Unohwa kuti chombo chapinda uye chiri mukati asi haahwi kunakigwa sezvinoita vamwe

Koitawo murume anomira chombo sevamwe varume, opinzawo mumukadzi wake osvika pakutobudisa urume asi haanakigwi sezvinoita vamwe varume.

Iri idambudziko guru kune vanozviita nokuti vanoziva kuti hapana chavanohwa asi hapana chavanokwanisa kuita kuti zvinake. Ticharamba tichitsvaka nyaya dzakabatana neiyi asi ndainyora pano kuti kana wakaroorana nomunhu akadai usamupa mhoswa pazviri nokuti hapana chaanokwanisa kuita chero ukapedza nguva yakadii muchivatana hazviwedzeri kunaka anongoneta chete.

Ndichawedzera nyaya iyi. Asi kana pane anazvo atiudzewo kuti pane zvaangajekesera here. Mu Europe neUSA kune vanhu vakawanda vari panyaya iyi.

Mafambire azvo anoti munhu anoita zemo sezvinongoitawo vamwe. Adaro anoda zvikuru pikinza kana kupinzwa chombo asi kana chombo chava mukati hapana chainohwa. Anohwa chombo chichipinda nokubuda asi kunakigwa kuya kwkurhojewa hapana. Anongozomirirawo murume kuti apedza pasina chake panyaya. Ipapo nokusanakigwa zemo riya raatanga naro rinenge rapera kare murume asina kupedza.

Murume anoitawo izvi anomira chombo savamwe asi ava mukati memukadzi chero akaita sei hapana chaanohwa. Chero pakubudisa urume haana zvaanohwa.

Vamwe vaimbofunga kuti zvinoitiswa nokukura kwechombo kana kuva LOOSE kwe chitubu asi zvakaonekwa kuti mukadzi anokwanisa kuva nedambudziko iri uku ane murume ane chombo chikuru chose ukuwo mukadzi anotokomburena kuti chombo chinonetsa kupinda anokwaisa kusanakira murume. Saka zvofungigwa kuti iye nyakusanaka ndiye ane dambudziko.

Zera romunhu:
Zvinokwanisika kuti munhu aimbonakigwa chose abve angomira kunakugwa pasina chinoonekwa kana kuhwisiswa chinoratidza kuti zvinhu zvachinja. Dambudziko iri rinokwaisika kutanga chero paradira uye rinowanikwa kuvanhu vari pasi pemakore 20 kuzvika kuvanhu vava vakuru.  Saka harisi dambudziko rezera.

Rudo: 
Zvinowanokwa kuti kune vanhu vanodanana nomoyo wese asi umwe asinganakigwi nokuvatana kwavo. Iye wacho asinganakigwi achitotaurira varapi kuti murume/mukadzi wake anomuda zvokuti haahwisisi kuti sei asinganakigwi.

Rudzi: 
Haisi nyaya yorudzi nokuti zviri kunyika dzese uye kwese kuvakadzi nokuvarume. Chinongozosiyana ndechokuti vanhu vanobva kunyika dzmwe vanokasira kunoonekwa nevarapi nokuti hazvisvodesi kuva nedambudziko. Kozoita nyika dzinevanhu vanoona sokuti kuita ambudziko panyaya dzekuzasi zvinosvodesa zvokuti kunonyoresa kwamurapi hazvikwanisiki. Ndipo muchiona kuti zvinoita sokuti vanazvo vashoma mune dzimwe nyika. Asi chero varapi vasingazvizivi kazhinji vanatete vanenge vachizviziva kuti mwana kana muroora ane dambudziko iri. Kuvarume zvinonetsa nokuti vashoma vanoda kutiura kuti mukadzi wake chero akamurhoj sei hapana chaaihwa.

Mushonga:
Kwedu tinokasira kufunga kuti munhu akaroiwa asi chokwadi ndechokuti hazvisi zvemushonga nokuti muroyi umwe chetewo haangaendi kunyika dzese dzinazvo achingoroya vanhu vaasingazivi. Sak apa tinoona kuti idambudziko revanhu venyika dzese kwete kuti zvinobva kuvaroi. Asi kana kune muroyi anofunga kuti anozvikwanisa ngaatiudze tihwe. Ini ndinowanzoti ndikahwa vanhu vachiti chokuti nechokuti chinoitiswa nomushonga ndofonera Jozefi anogara mu Kwekwe ari mubato reZinatha. Anoti ukamubvunza mubvunzo anonobvunza vamwe vake asati akudavira. Asi kazhinji anodzoka okuudza kuti sokuziva kwake hakuna mushonga wakadaro.
#
Kushaya ruzivo gweRhoji.
Kuno ku UK ukabvunzurudza vanhu vane dambudziko iri vamwe vavo vanotoda kunyatsohwisisa kuti kuvatana kunoitwa nemaitire akadii akasiyana siyana. Vanhu vanoruzivo kupfuura vamwe vari kunakgwa nazvo. Vanotokuudza kuti ndakazama izvi neizvi asi hapana chandiri kuhwa.

 Saka Zvinobva pai? 
Tichitarisa zvese izvi zvatafunga kuti handizvo zvinokonzera kusahwa chinhu kana muchiisana nomurume/mukadzi tinosara tine mubvunzo wekuti saka zvinobva pai. Vanhu rudzi gwemhuka dzinoda kuziva rhizeni yezviitiko zviri muupenyu hwavo uye kuti kana zvichigadziriswa zvingagadziriswa sei.

Ndiyo nyaya yandiri kutsvaka kuti inobva pai. Pari zvino ndataura nevakawanda vane dambudziko iri asi ndinohwa vachingopiwa mazano okuti ngavanoona murapi asi pasina anonyatsotaura kuti chikonzero chii uye murapi anokwanisa kuitei nazvo. Handisati ndasangana nomurapi anonyatsotaura pazvimire kana munhu aimbova nazvo akarapwa akapora.

Saka nyaya iyi iri kuenderera mberi kusvika ndaibata paimire. Pari zvino ndinokumbirawo kuti kana une dambudziko iri, uri munhu akaroorana noumwe munhu, sezvo tahwisisa kuti kana unaro unoitawo zemo sevamwe asi nyaya inozosiyana pakuisa/kuiswa, dai uchifunga sei waizama kungogaroisana numurume/mukadzi wako kuti iye agute chero iwe usingakwanisi kuguta. Zvadaro tiri kuzama kuwana zvikonzero, tozoisa pano kuti upenyu hwenyu nevana hukwanise kuenderera mberi takamirira.

Mafungire evarapi:
Zviri kunzi izvo nyaya yokusahwa chinhu iri pavakadzi kupfuura pavarume. Kune vakadzi vakawanda vanongozvidzidzisa kuchemerera asi pasina chavari kuhwa iri nyaya yokuda kufadza murume kuti afunga kuti agona basa. Asi zvinoreva kuti watanga kudaro wotogara uchidaro.


Nyaya yokuti munhukadzi hapana chaanohwa inonzi ine zvokuita nemafungire emukadzi panyaya yokuiswa nomurume wake. Kunohi kana mukadzi akambobatwa chibharo, zvikuru ari mwana mudiki, anokwanisa kuita MENTA BLOCK panyaya yokuiswa zvokuti chero akavata nomurume ane unyanzvi hwerhoji zvakadii hapana chaanohwa.

Kotiwo vamwe vanongokura vane fungwa yokuti zvinotyisa kana kusemesa kupinzwa chombo nomurume. Munhu anenge achingova nemafungire ari NEGATIVE panyaya yacho. Kubvuma kuiswa kungoda kuva munhu ari NORMAL pakuonekwa asi mu SUBCONSCIOUS make anenge asingadi kuiswa.

Kotizve vamwe kana mukati make musina ma NERVE ENDS akakwana anenge achida kuiswa kwenguva yakarebesa asati anyatsa kuhwa pane moyo. Vakadai vanowanzova vanhu vasina kujaira kuzvibatbata kuzasi zvokuti kana iye muridzi haazivi panonaka nepasinganaki. Anongozotiwo awanikwa opinzwa chombo ohwa pasina zviripo otoshaya kuti ko chinonaka ipapo chiiko. Zvinohi vakadai akada kuwedzera kunakigwa kwake ngaatange nokuzviongorora ega kusvika awana panoti akakwizirira anohwa kunaka. Zvinohi kune vakawanda vanozoona kuti bhinzi inonaka kukwizirira kana kusvetwa nomurume zvokuti anokwanisa kuita ORGASM asi kupinzwa chombo kunongofadza murume kwete iye.

Kune vanoti dzimwe nguva anonakigwa nokupinzwa chombo asi kozoita nguva yaasina chaanohwa. Sokuti azvara mwana kana kuti aita mimba yaange asingadi kuita fungwa yovhara mukana wekunakigwa ichiti nokuti zvandikonzera chinhu chandisingadi. Munhu akadai anokwanisazve kuzonakigwa yave imwe nguva.


Zvinohi vakawanda vanoti hapana chavanohwa, kana akaita zvokufongorera murume, opinzwa kubva kumashure achiita zvikunobaiwa kumadziro ezasi kwakananga kubhinzi, kazhinji zvinobatsira kutangazve kuhwa kunaka asi zvinotora nguva kudzidza kuti maitire enyu aanohwa ndeapi.


Kurerusa muviri chinhu chikuru pakudzidza kunakigwa. Zvinohi bvisa fungwa dzese dzinokunetsa wongosiya fungwa yokuda kuiswa chete. Chero ukatsinzina maziso ukatanga kufunga nezvechombo nemaitire acho uye kuti unoda kudii nacho.

Kufungira murume kuti ari kuhura kana kuti haachakudi kna kuti ane zvigwere, zvinokwanisa kukonzera kusahwa chinhu paanokupinza chombo nokukukoira.

Ngatisakangamwa kuti vanhu vese ava vanoita zemo, uye kuiswa vanokuda chose asi kungoti kana zvatanga muviri unoita REBELION wotadza kuhwa kunakigwa nechombo chomurume. Hazvinei nesaizi yechombo.

Varumewo kana pasina chaanohwa ari mukati memukadzi wake chokutanga kudzidza kuita wega namaoko. wadaro ukahwa zvichinaka chidzidzisa mukadzi kuita namaoko ake sezvaanokuita kana ari kumwedzi zviya iwe une zemo. Madaro chiwanai maitire anobvumidza mukadzi kukoira murume neRYTHM yakada kufanana nezvaanoita kana achiita nemaoko.

Zvinotora nguva asi mukadzidza kutaurirana chokwadi uye kuda kufadzana zvokuti munorerusa miviri yenyu munokwanisa kupedza nyaya yokusahwa chinhi iyi.  Vanazvo vanoti zvinobhowa zvokuti, nokuti zemo unenge unaro.

Saka varapi vanotanga nokutarisa kuti
1 hapana chakaipa pazvinhu zvomuviri wako here
2 Hapana zviri kukudya moyo here
3 Hapana HISTORY yako iri kukunetsa fungwa here pamwe chero wakangamwa kuti wakamboitwa chinhu, fungwa inenge inazvo iwe usingazivi
4 Mishonga yauri kumwa yakadii?
5 Unofungei nomunhu wauri kuvata naye.
6 Kugara nomunhu asina kukuroora iwe wakakurira mumhuri isingabvumidzi mapoto. Apa fungwa yako inenge ichiti uri kuita zvakaipa.
7 Kana uchitya mimba, iri nyaya yokuti wakambonetseka neimwe mimba kana kuti haudi kuitira uyu murume mimba
8 kusada chombo chouyu murume nokuti fungwa yako ine nyaya nacho, (chidiki, chirefu, chipfupi, chakakoresa, chakakurisa etc)

Ongorora mafungire ako pamuri nomurume/mukadzi uyu.

Ngatisakangamwazve kuti kuisana kwese kunotangira mufungwa. Zemo rinobva mufungwa roita mumuviri woiswa, wonakigwa, ropera. Kana fungwa dzine zvimwe zvisina kugadziriswa chimwe chezvizvi hachishandi zvakanaka.


Usarega nyaya yakadai ichigara newe nguva yakareba, Enda kwamurapi umuudze zviri kuitika. 


Zvakadai kana pane akamborapwa akapora ngaatiudzewo nokuti vakawanda vari pakaoma nazvo.

UDZAI Vamwe!!!!

Kuvatana Paushamwari Hwenyu

Mazuvano kune vanhu vaka tanga kuita tsika dzimwe dzange dzisiko kare. Imwe yetsika idzi ndeyokushamwaridzana navanhu vakawanda vasina vakadzi/varume. Iri ngari yokuti musi wawahwa kuti muviri wako uri kuda rhoji unofonera imwe yeshamwari idzi youya kumba kwako kana kuti iwe woenda kumba kwayo monorhojana, mapedza modzokera kudzimba dzenyu pasina kuti munodanana asi kungoti muri kubatsirana paushamwari hwenyu. Pauviri hwenyu munobvumirana kuti kana umwe akafona zvisinei kuti inguvai, unomuka woenda kumba kwake monorhojana.

Ushamwari hwenyu hunobva pakuhwisisa kuti muri kungoda kuisana chete hapana zvokudanana kana kupanana maSTRESS nokubvunzana mibvunzo inobvunzwa nevanodanana:

Wange uripi nguva yese iyi?
Number iri pafoni pako ndeyani?
Musikana/mukomana wawange unaye muTown ndiyani?
Sei usina kunditengera chinhu paBIRTHDAY rangu?
Ko ndikaita mimba tinoita sei?
Unondida zvakadii?
Tinoroorana riini?

Zvinonzi mubvunzo chete weshamwari dzerhoji idzi ndewekuti "unokwanisa here kuuya kana kuti ini ndiuyeko tizorhojana? Ndine zemo" Uya umwe woti ndinokwanisa kana kuti handikwanisi. Kana ati haakwanisi, uya nyakufona ofonera imwe futi shamwari yerhoji kusvika awana munhu anokwanisa, vosangana vorhojana vodzokera kudzimba dzavo kana kuvata kwavarhojerana ikoko.

Shamwari dzakadai dzinohi pachirungu " FRIEANDS WITH BENEFITS kana kuti SEX BUDDY" Zvakatangira pakuti vanhu vaiona kuti akadanana nomunhu waasinganatsi kuhwisisa anoona upenyu hwake hwochinja kubva paanga achiita zvaanoda kusvika pakuhi ita ichi kana icho nomunhu waanofunga kuti anoda. Upenyu hwake hwopedzisira hwava hwekupopotedzana nokupokana nomunhu uya, Zvadaro vorambana asi vambovata vese oona sokuti ashandiswa. Adaro otsvaka umwe zve munhu wekudanana naye oshandiswazve zvichingodaro kusvika avata nevasikana/vakomana vakawanda pamwe abata zvigwere zvakawanda.

Kuvatana pasina AGREEMENT dzorudo zvinohi iwe munhu wega wega unofanira kuziva kuti munhu waunofonera ane dzimwe shamwari dzaanofonerawo kana iwe une umwe munhu kana kuti usina zemo musi iwoyo. Saka pakadai unozvionera wega kuti wadzivirira zvigwere. Hauendi kumba kwemunhu usina kondhomu. Iyewo haakufoneri asina makondhomu ake.  Saka mese munogara muchiziva kuti kana nhingi akafona kana kutumira TXT, ari kuda kuiswa/kuisa.

Hapana chibhende.
Hapana kusahwisisana.
Hapana nyaya dzorudo.
Hapana majerasi
Hapana zvokunyimana muchiti matukana
Hapana kutsamwirana
Hapana COMMITMENT
Hapana zvokutengerana zvinhu
Hapana zvokuvhakashira hama kana kuzikamwa nadzo.

Kana umwe wenyu akazoudza umwe kuti ava kuda mukomana/musikana wekuroorana naye, munongosiyana zvopera zvakadaro hapana nyaya. Unongobvisa number yake pafoni yako matoparadzana. Hapana kuchemerana kana kugumbukirana.

Tichiongorora nyaya iyi tinoona kuti inoratidza zvakawanda pamusoro pevanhu vanozviita. Isu pachirudzi chedu kwange kusina nyaya dzakadai kare nokuti tsika dzedu dzaipa RESPONSIBILITY kumunhukadzi kuti humhandara hwake chinhu chikuru chokuti kana ukachitambisa, waizosvodeswa ugosvodesa vabereki, ugosvodesa hama navanhu vese vomuraini. Hino mazuvano Chero murume anokuroora unotohwa achikuudza kuti mazuvano kana murume achida mhandara ngaaende kunomirira pahosipitari oroora rusvava. Zvinoreva kuti vanhu vakawanda vari kurorhojana nguva refu nevanhu vakawanda, vasati vafunga zvokuroora kana kuroogwa. Tsika dziya dzakare kwasara vashoma vanodzitevera. Asi hazvirevi kuti mhandara nemajaya hakuna asi kungoti kwava nevamwe vasinei nazvo.

Imwezve nyaya ndeyokuti kuhura hakuchaonekwi sechinhu chakaipa. Kune vamwe chinotova chinhu chokuzvirova dundundu kuti ndini shasha yokuhura. Ndosaka vasingashandisi mavara anotuka akaita sokuti KUHURA. Vanopa mazita matsva kumunhu ainzi HURE kare  ava kuhi
FRIEND WITH BENEFIT
SEX BUDDY
OPEN RELATIONSHIP
NO STRINGS ATTACHED SEX

Ndakahwa umwe ichitaura kubasa kwahi "Patakarambana ndakamukumbira kuti ngatiite ONE FOR THE ROAD ndokubva taita ndokuparadzana hedu. Ikozvino tangove shamwari dzisina zvimwe."

Party dzerhoji chete
Kune vanokoka vanhu kumitambo (Party) yokudya nokurhojana chete. Unotoenda uchitoziva kuti ndaveko ndichatoti ndirhojewe nevarume vakati wandei ukuwo varume umwe noumwe anorhoja vakadzi vakawanda zvichibva nekukwanisa kwake. Unoenda nemakondhomu ako muHandbag. Wasvikako munodya zvabikwa kana zvatengwa, moridza MUSIC vanorhojana vachirhojana vamwe pachena vamwe muzvikona zvakavanda. Kunozoti party yapera, mopfeka nhumbi dzenyu moenda kudzimba dzenyu. Unohwa zvohi "Takanakigwa zvokuti neParty yanhingi."

Swapping
Kotizve vamwe murume nomukadzi vanoshamwaridzana noumwewo murume nomukadzi, vopota vachivhakashirana vachichinjana kuvata nomurume nomukadzi weumwe paushamwari hwavo. Unoona murume wako achipinda musipeya neshamwari yako wotohwa vachichemererana imomo iwewo wasara nomurume weshamwari yako muchichemererana muBEDROOM yako. Mapedza moita nyaya moonekana voenda, Vhiki inouya muri kwavo muchiita zvimwezvo.

SHARING
Kotizve nyaya yokuti Husband sharing yatove nemakore iriko zvikuru muUSA. Murume anoti kamwe chete kana kaviri pavhiki anovata kumba kwemunhu waunoziva waunoita nyaya naye waunoziva STATUS yake yezvigwere wawakabatsira murume kunyenga. Toti une shamwari yako isina murume yava nenguva ichitsvaka, iwe womuhwira tsitsi, ukuwo murume wako anoda zvechihure asi iwe haudi kuti ahure nevanhu vausingazivi, womuti chipedzera shungu pashamwari yako yaunoziva kuti ndezve TEMPORARY kusvika awanawo murume wake. Unotoudzwa kuti madeko zvakafamba sei. Shamwari yako inotouya motaurirana zvamunoita zvinonaka nomurume wenyu.

Izvi hazvina kusiyana nezvinoitwa navakadzi vechipositori kumusha.Kuhura kwevarume vavo kwakangofanana asi kungoti havahwisisi kuti kuhura.

OPEN Relationship:
Kotizve vamwe vanoita zvinonzi OPEN RELATIONSHIP asi vakaroorana kana kuti vachingodanana. Vanobvumirana kuti umwe noumwe akawana munhu waangada kuravira kamwe chete kana kakawanda anotanga auya kumba oudza umwe wake kuti pane munhu waanoda kuvata naye. Vanobva vabvumirana musi wekuti aendeko. Adzoka anorondedzera kuti zvainaka sei. Zvadaro uya warondedzegwawo akawana umwe munhu waanoda kuvata naye anotanga auya kumba kuzotaura zvaari kuda kuita ozonozviita.


Musafunga kuti kwedu hazviko izvi, Zviriko asi maitikire azvo ndiwo akasiyana.  MaSMALL HOUSE iSHARING yokuti mukadzi haapopoti kana achiziva kuti murume ari kweSMALL House asi kana murume akatanga kuvatana nomumwe mukadzi vese SMALL House namai vemba vanopopotera murume.

Kune vakawandazve muZimbabwe vanovata nevakadzi veshamwari dzavo idzo shamwariwo dzichivata nevakadzi vavo. Kusiyana ndekwekuti hazvitaugwi mumba kana paushamwari hwavo asi vese vanenge vachiziva kuti zviri kuitika.

Dogging:
Kune yavanoti DOGGING yokuti vanhu vakawanda vanosangana pane rimwe sango vovatanana nevakawanda vauya. Moita kana 4 hours muriko, mobva madzokera kudzimba dzenyu. Zvinoitwa manheru mumota kana musango mota masiya makapaka panokwanisika. Munotoenda mune makondhomu enyu muchiziva kuti munonokwirana nevamwe vamunosangana navo ikoko. Kana uchida zvokunanzvana woenda nemvura yako yokugeza pamberi.

Inohi DOGGING nokuti hazvina kusiyana nemafungire embwa. Mukadzi anodzokako akwigwa nevarume kana vashanu. Murumewo anokwira vakadzi vaakwanisa panguva iyoyo. Vatengesi vemishonga yokumisa chombo vanenge variko futi vachiitawo mari. Mu UK DOGGING inoitwa nevakawanda chose. Mumabasa umu unotohwa vanhu vachikokana kwahi hendei kwakati weekendi ino kune DOGGING SESSION.


Chii Chatinoona apa?
Munhu anokwanisa kuva ne FRIENDS WITH BENEFITS munhu ane nyaya dzakawanda. Iwe unobva kwawabva wosangana nomunhu ane shamwari dzake dzaanofonera achivata nadzo chero paadira iwe woshanda naye kana kusangana naye kuwewo hako monyengana usina chaunoziva pazviri, wozokwanisa kuroorana naye. Hakuna kwamunoenda nomuchato wenyu pakadai. Ipapo iwe unenge usingahwisisi kuti chawakanganisa chaicho chii.

Chinhu chikuru kuti kana uchisangana nomunhu mutsva ukaona kuti paita nyaya dzokudanana, ongorora munhu wako zvakadzama, kutanga waziva zviito zvake usati wadanana naye kana kuisa moyo wako paari. Mazuvano vanhu tinofamba munyika nenzvimbo dzakawanda kureva kuti hationekwi nevanotiziva pazviito zvedu. Usangoona kunaka kwemunhu pakutarisa wobva wafunga kuti wabata JACKPOT.

Vanhu vava kuita chihure vachishandisa mazita matsva pachiri zvokuti kana usina fungwa unoona sechinhu chisina maturo wozopepuka watova mumba nomunhu ange ajaira kuhura. Kuti uzomuudza kuti ava mai/baba vemba saka chihure bodo, zvokunetsa.

Hapana chakaipa kuita shamwari dzekuhura nadzo asi kungoti kana wazoda kuroora/kuroogwa woda kutsvaka munhu anga asingaiti zvakadai. Kuvhenganisa vanhu vechihure nevasiri vechihure zvinokonzera nyaya dzakawanda dzinoshaisa vaye vange vasingahuri mufaro muupenyu hwavo.  Toti murume anozvibata osvika makore 25 asina chaaita, ozonyengana nomusikana ange achiita zvechi FRIENDS with BENEFITS nevarume kuda 8 kana kupfuura, osaudzwa kuti ndipo pane nyaya kusvika aroora mukadzi ava nemimba, anotangira papi pakadaro? Upenyu hwake hwese anenge achingoti umwe murume waasingazivi akanyemwerera mukadzi wake ofunga kuti aimbova nemaBENEFITS kare. Musikanawo akazvichengeta kusvika makore 22 ozoroogwa nomurume ange ari muzviitwa izvi. anongoti chero parira foni yemurume ofunga kuti igero rake raaichimbopa maBENEFITS.

Hazvigoni kuvhenganisa vanhu vemaBENEFITS nevanhu vounhu. Chihure chinongoda kuti kana wachitanga wongogumira ikoko kuvanhu vanozviita chero ukazoda zvomuchato wochata nomunhu wawakasangana naye ikoko kumabasa akadaro.

Ndiko saka chiri chinhu chikuru kuti uchisarudza uhwisise kuti munhu wauri kusarudza munhu akaita sei. Tsvaka mutikitivha ambotevera munhu uyu aone kwaanoenda kana asinewe. Mazuvano hazvichadhuri. USD 50 chaiyo inokubhadharira munhu wekutevera munhu waunoda kudanana naye. Zvinokuchengetedza upenyu uye mufaro.

Ukangomhanyira kudanana nomunhu wausina kuongorora uchaita upenyu hunogozha, uye upfupi.

Shandisai makondomu kana muchiisana paushamwari hwenyu muchiziva kuti muri kuvatazve nevamwe vanhu. 


WEDZERAI VANOWEDZERA

UDZAI VAMWE!!!

Kuvata nomunhu wausina kunyengana naye.

Kuchengera murume/mukadzi

Tinogarohwa nyaya dzakawanda chose dzevarume/vakadzi vanochengera. Vamwe vanoshandisa mazano okuti mukadzi asatombobuda mumba iye asipo. Mukadzi haabvumigwi kuenda kusupermarket ega. Haabvumigwi kudhiraivha mota kana kufambafamba murume asipo.

Varume veChiArabhu vanotokusingasa kana ukabuda mumba usina hama yokukutarisa kuona kuti hauhuri. Vedu varume havazosviki uko asi varipo vanochengera kusvika pakutonyadzisa vanoona zviri kuitika. Unoona murume asingambotambiri mari yakasvinura achirambidza mukadzi kushanda kwahi rera mwana chete zuva rese. Ipapo mukadzi akatodzidza kupfuura murume uye basa rake rinopa mari.

Kunozoti mwana uya akura zvokuenda kuchikoro kureva kuti mai vanokwanisa kushanda, unoona somuno mu UK murume oti zvikoro hazvigoni kudzidzisa vana zvakanaka. Iwe chigara nomwana kumba uite HOME Schooling, uone marhizeni opiwapo kuti zviite sokuti munhu anei nomwana izvo bodo kungoda kuti azive kune mukadzi kana iye ari kubasa.  Murume akadai anofonera mukadzi wake kashanu kana gumi pazuva, Kwahi

Mwana ari sei?

Wadya chii makuseni?

Wadya chii masikati? Zvange zvichinaka here?

Uri kuona chii pa TV?

Usafunga kuti ari kubvunzira kuti umuudze zvauri kuna kuti afare nazvo. Nyaya ndeyokuti agotarisa nguva pa TV magazine kuti zvawareva ndizvo zviri kutaridzwa here, kuti azive kuti uri kumba. Munhu wakadai ukasamudavira foni paanofona anoita STRESS isingaiti otokumbira kuenda kumba. Paanosvika kumba anokupopotera kuti sei usina kudavira foni. Ndafunga kuti waenda kuchipatara nomwana. Kutoti bodo ndange ndiri mubhavhu mwana avata, kwahi bodo tora foni yako uende nayo kubhavhu. Ukasadaro unondidzingisa basa. Izvo ndiye anozvidzingisa basa nokuchengera mukadzi.

Kana muri mese kuzhe, anotarisa vanhu vese vanokutarisa ovaongorora kuti aone zvavari kuda. Hino chinonetsa ndechokuti mukadzi wese ane magaro kana mazamu makuru anotariswa nevarume. Iye murume wako iyeyu anotarisawo vamwe vakadzi, asi haadi kuti wake atariswe. Unohwa oda kunokutengera nhumbi dzokupfeka kwahi dzaunosarudza iwe dzinomusvodesa. Ukada kuita nharo anoti ndiani wauri kupfekera zvakadai zvinopfekwa nemahure. Chimubvunza kuti mahure aanoziva mangani uye anopfekei? Watova kumuitisa hasha.

Mumba mari unonyimwa kuti usagaroenda kure nepamba kana kumbokwirawo bhazi kana chitima kwahi unnoona zvikomba.
Kana mune mota hautombofi wakadzidza kuidhiraivha. Kana makaroorana watova ne LICENCE haubvimidzwi kudhiraivha mota kana kuti iye achienda kubasa wokusiira kii.
Shamwari haubvumidzwi kuita unongohi rera vana vako.
Anogarokuudza kuti murume ndiye mukuru pamba kuti usapindura kana achitaura. Unomirira kusvika akubvunza.
Chikoro haubvumidzwi kuwedzera kwahi unozofundha kundipfuura wobva wazviita murume mumba
Musoro haurukwi zvinoitwa vamwe kwahi unozviitira ani ini handizvidi.
Pakuisana unoudzwa zvokuita zvaanoda iye iwe zvako wonyarara kuzvitaura. 

Mukadzi wemurume akadai ari mumoto chaiwo nokuti haaonekwi somunhu akura zvokufanira kuva nomurume. Anooitwa sezvinoitwa mwana mudiki watinotya kuti anobiwa namabhinya. Kana uri munhu akakurira mumhuri yakasununguka, pakusarudza wekuroorana naye sarudza wakachenjera.

Varume vanochengera vanhu vaya vanoti ukapopotedzana naye nenyaya iyi anotoona sokuti ndiwe une dambudziko rokusaterera murume. Ukapikisana naye anokasira kukuitira hasha. Akaona kuti hasha hadzichashandi anoda kutaura nenyaya yokuzviuraya. Munhu asina kusununguka nokuroorana kwenyu nokuti haanyatsi kuhwisisa kuti sei uchimuda. Anozviona somunhu asina mature wekuti umwe musi uchamusiya wotsvaka munhu akakukodzera.

Zvinonetsa kuhwisa vanhu ava asi vagwere chaivo vanotofanira kundopiwa COUNSELLING yakasimba uye kuhwisisa zvakawanda zvakavakonzera kudai muupenyu hwavo. Ukavatarisa uchaona kuti pamwe munhu akakura achigarosiiwa namai vake pamwe asina baba kana kuti baba vaishanda kure asingavaoni nguva dzese. Pamwe akakurira mumhuri ine vanhu vashoma. Pamwe aiona mai vake vachimusiya vachiitogwa nevamwe vanhu iye achivada. Pamwe aiva nababa vaichengera mai vake iye achizviona. Zvakawanda zvinokwanisa kukonzera mwana kuti kana akura ochengera mukadzi.

Zvokuita kana wadanana nomunhu anochengera.

Kasira kumuudza kuti zvaari kuita handizvo uye anofanira kukurega uchimuda nemadire ako iwe wega sezvaanoitawo iye kukuda semadire ake. Kamna ari mnhu ane CHRONIC PROBLEM pazviri uchaona kuti munogaropopotedzana nenyaya iyi asi haamboregi zviito zvake.

Unoonazve kuti munhu asina kumboitawo musikana anozikamwa kwenguva  refu nokuda kwekuti haavimbi vanhu. Anogarokuudza zvinokuvhundusa kuti iwe usambomuramba chero zvodii. Unohwa achiti haagoni kurarama iwe usipo. Vhura zheve uterere mitauro yake.

Uchaonazve kuti anoda kukupatsanisa nehama neshamwari dzako kuti ungoita wake chete. Akakuona une shamwari yako anokasira kukuudza kuipa kwayo. Hama dzako akadzivhakashira anodzoka ane chakaipa padziri uye kuti havamufariri. Iwe unopedzisira wave kutofunga kuti  pane zvakaipa zviri kuitika izvo bodo ndiya ari kuda kuti usaenda kure naye.

Akakurova anokuudza kuti ukangoudza munhu zvaitika anozviuraya. Usafunga kuti ari kunyeba. Vanhu vakadai vanhu vanogwara saka zvinotonetsa kumutsanangurira nyaya dzeupenyu semaonere adzinoitwa nemhomho.

Ukakasira kuona kuti munhu anochengera, kana wakachenjera siyana naye. Haziiti kuti agadzirike, uye kana maroorana achawedzera kuchengera nokuti anenge ototya kuti ukamuramba hakuna munhu achazomudazve.

Nyaya iyi inyaya inoshusha vakawanda uye inoitika kuvakadzi nokuvarume zvese. Kana ukanyengana nomunhu akadai chokutanga tarisa ATTITUDE yake kushamwari dzako. Unoona achishanda kuti usiyane nadzo ONE by ONE. Vachengeri vanoziva kushandisa fungwa kuita zvanoda newe. Ndiwo magarire avakaita upenyu hwese. Usamutora nhando. Hapana zvaunokwanisa kuita zvingaita kuti afunge kuti hapana chakaipa chaunoita kana asipo.

Vanhu vanoseka vachengeri asi chokwadi ndechokuti zvinonetsa kusiyana nomunhu anochengera. Kana waona hama yako yadanana nomunhu akadai waunoona kana kuti waunoziva sapota hama yako panyaya iyi nokuti upenyu hwake hwatova pakaoma. Usamuseka, mubatsire, uye usati kana watukana nomuchengeri wake woda kumusiya nokuti pamwe ndizvo zviri kutohi zviitike. 

Munhu anochengera haahwisi zvinhu zvatinoona zvisinganetsi kuhwisisa.

Kuchengera pafoni:
Foni dzemuhombodo idzi dzakatiparira zvakawanda mudzimba umu. Vanhu vanochengera vanotambudzika chose pamoyo nenyaya yefoni. Kuziva kuti mukdzi/murume wake ane foni yaanokwanisa kukiya kuti umwe wake asakwanisa kuona zviripo inyaya inotonetsa chose. Vakawanda vanopedzisira varovana mumba nokuda kwefoni. Unoona munhu ange asingatombozivi nenyaya yokuchengera otanga kuchengera nokuti akaona mukadzi/murume wake achiita sokuviga foni.

Kana ari wako anotsvaka kuona zviri pafoni yako, nyebera kukangamwa foni yako umwe musi wozodzoka papera nguva inokwana kuti ange averenga zvese zviripo. Chimwe chinoitisa kuti vanhu vade kuona zviri pafoni youmwe kuona kuti iyehaasi kukuda kana kukufadza zvakakwana saka ofungira kuti ungangoda konowedzeresa kuzhe. Pane kungokubvunza kuti zvoitwa sei kuti tiwedzere mufaro mumba. Vanhu havadi RESPONSIBILITY yavo mumba asi kuda kukumisa kuti uwane mufaro kumwe. Iwewo garokurudzira murume/mukadzi kuhwisisa zvaunoda kuti awane chanzi chokuzviita. Haasi muporofita anongoziva ega kuti chiichinokufanda.

foni, Facebook, Twiter, WhatsApp, etc zviri kutorambisana nokurovesana vanhu izvozvi. Hwisisanai mumba menyu pauviri hwenyu. Imiwo varume/vakadzi gutsai varume/vakadzi venyu mumba. Isa EFFORT pamunhu wawakaita INVESTMENT youpenyu naye.

Zvinobatsirei kuchengera?
Chero uri munhu akachenjera sei, hazviiti kuti ukwanise kuchengera zvokuti mukadzi/murume wako anotadza kuhura kana achida kuhura. Chero ukasiya wamusungirira mumba sembwa, unowana ahura cheni iya iripo. Munhu anoda kuhura anowana mazano ekuhura chete chero zvodii. Kuchengera inongova DESPERATION yokuziva kuti
"Handisi kugutsa umwe wangu saka dai ndirini asingandigutsi ndaitohura zvinoreva kuti iye ari kutodawo kuhura." Hapoka apo munhu haachina zano rokuti usa hura saka okutarisa zvese zvaunoita kuti aone kuti hauhuri.

Uyawo afungigwa kuhura kazhinji anofunga kuti kana achitonzi anohura zviri nani apiwe mhoswa yaaita pane kupomegwa mhosva yaasina kuita.

Varume/Vakadzi
Musaudzwa nhema kuti varume vanochengera kupfuura vakadzi. Tinozviona kwese asi maitire acho akasiyana. Varume vanoita zvinoonekwa pachena uye zvinonyadzisa. Vakadzi vanoitira pachivande. Vakadzizve vakawanda nane mutoo uyu vanoshandisa kunyima murume zvinhu kana murume aita zvavasingadi kuti aite.

Ukaona mukadzi kwako achingoti napo napo oramba kuvata newe, inyaya yokuda kukupinza mugwara rokumubvumidza kukuita nhapwa yako achishandisa kuda kwaunomuita uye kuda kwaunoita kuvata naye.  Kasira kuzama kugadzirisa nyaya isati yaenda kure. 

Udzai vamwe!!!

Nyaya yeMhando dzevarume/vakadzi

Paita nyaya yokuti kune chatingati mhando dzezvitubu nezvombo here zvinofanira kuti zviwirirane kuti vanhu vaviri vasangana vakadanana vakwanise kugarisana pasina kushushana panyaya yokuvatana? Kune THEORY yokuti Murume nomukadzi vakaroorana vane zvinhu zviri muCATEGORY dzakasiyana havakwanisi kugarisana zvinomufaro. Ngatione siyano ingavapo

Murume ane chombo chikuru anokwanisa kuroora mukadzi ane chitubu chidiki
Murume ane chombo chidiki anokwanisa kuroora mukadzi ane chitubu chikuru

Vanotaura voti nyaya idzi dziri mbiri dzikakuwanai maroorana dzinokwanisa kukunetsai mumba nokuti zvinoita kuti umwe haaguti kana kuti umwe anogarochemedzwa nokugwadziwa. Tichida kutaura chokwadi chaicho Nyaya yakadai haina musoro zvachose.

Chokutanga ndechokuti Vakadzi siyano yavo iri pamamirire akaita pamberi pavo pakutariswa.
Umwe ane chitubu chine maromo makuru (Outer lips ) umwe ane chine madiki.
Umwe ane matinji makuru (inner lips) umwe ane madiki
Umwe ane matinji anoonekera akareba kupfuura maromo umwe ane mapfupi
Umwe anoti aita zemo onyatsonyorova umwe anononoka kunyorova.
Umwe ane bhinzi huru umwe ane diki.

Asi chaipo pachitubu panopinda chombo siyano yacho ishomanana pamhomho yese yevanhukadzi mupasi rese. Kuti usiyanepo hunge wakatoremara. Chitubu chese zvacho chinokwanisa kupindwa nechombo chese zvacho pasina dambudziko guru. Varume vasingaiti kuvata navo havaiti kumukadzi wese zvake.

Zvadaro tikatarisa SHAPE yepamberi pevakadzi vaviri tinoona yakasina mavakigwe avo, chero vachibva mumhuri imwe chete.

Varumewo tikavatarisa tinoona kuti
Umwe ane chombo chidiki chivete chokurisa chamuka
Umwe ane chikuru chivete asi chomuka chongoita saizi iyoyo futi
Umwe ane rino zidanda rinotyisa kuona
Umwe ane chombo chikuru notumabhora tudiki
Umwe ane mazibhora makuru nekachombo kadiki
Umwe ane zvese zvikuru kana zvese zvidiki.
Umwe ane chombo chipfupi chakakora
Umwe ane chombo chipfupi chitete
Umwe ane chombo chitete chirefu
Umwe ane chombo chakakora chakareba futi


Kusiyana kwevanhu uku. Musiki wevanhu akaona kuti vanhu vachasiyana siyana asi vanofanira kusangana pakuroorana vagonakigwa vese. Ndokutanga nokuudza vanhu kuti musaita Upombwe, kuti vasazokombeya varume/vakadzi. Zvadaro ndokugadzira munhukadzi ane chitubu chinotatamuka kuti chero saizi ipi zvayo yechombo murume anokwana mukati uye chinoshinya. Izvi zvakaitigwa kuti saizi yomurume kana mukadzi isava nebasa panyaya yokuvatana kunonakira mese.

Zvadaro tinoonazve kuti mavakigwe emuviri wemunhukadzi wakaitwa zvokuti anokwanisa kupinzwa chombo muchitubu nemberi kana nokumashure. Kune vakadzi vakasiyana mavakigwe avo.

Mukadzi mutete ane magaro madiki
Mukadzi mutete ane magaro makuru
mukadzi mukobvu ane magaro madiki
Mukobvu ane magaro makuru
Kozoitazve vamwe vakobvukobvu zvokuti kana kufamba anosvuuka pakati pezvidya nokuda kwekukwizirana
Mukadzi murefu mutete
mukadzi murefu mukobvu
Mukadzi mupfupi mutete
Mukadzi mupfupi mukobvu

Vanosiyanazve panyaya yemuromo wechitubu, mamirire akaita matinji nemaromo epamberi, uye bhinzi kukura kwayo nemagarire ayakaitapo. Kana woenda mukati mechitubu tafanana tese asi kana une mwero wekusimbisa masuru yechitubu unoshinya chombo kupfuura asina kusimbisa.

Chinhu chakafanana pavakadzi vese ndechokuti aka vata nomusana kana kofongora murume wake chero akadii hake pasaizi yechombo anokwanisa kumupinza chombo. Chimwezve ndechokuti mukadzi weSHAPE ipi zvayo akapinzwa chombo chesaizi ipi zvayo asina kunyorova anohwa kugwadza. Zvese izvi zvinobva pakugadzigwa kwechitubu chinotatamuka pakupinzwa chombo.

Unohwa vanhu muOFFICE vachitaura nhema kwahi
"Iwe haungandikwanisi"
"Uyu akakora zvokuti anoda chombo chikuru"
"Uyo murefu zvokuti chombo chake chikuru saka angakuuraya"
"Uyo mudikidiki zvokuti murume angamukuvadza"

Hakuna zvakadaro Murume akareba mamita maviri akaroora mukadzi akareba mita imwe chete, vanongovata vese pasina kana chinonetsa. Chero murume wacho ane chombo chakakura sei chamira hapana nyaya inotyisa ipapo. Chombo chesaizi ipi zvayo chinokwana muchitubu chipi zvacho pasina anokuvara kana kuchemedzwa nokugwadziwa. Chero wahwisisa kuti munhukadzi anofanira kutanga anyorova.

Ukahwa murume achibvunza kuti ko angaita sei nokuti akaroora mukadzi ane chitubu chakakurisa, ari kuzama kukuudza kuti munhu asina CONFIDENCE nesaizi yechombo chake. akarambana nomukadzi iyeye mukadzi anokwanisa kuwanikwa nomurume anofunga kuti chitubu chake chidiki. Ukazoona zvombo zvavo varume vaviri ava zvimire unoona zvakainzana. Nyaya dzekukura kwechitubu dzinobva pamafungire evarume kwete pasaizi yechitubu.

Kubatwa ganyabvu RAPE nemurume ane kachombo kadiki hazvina kusiyana nokubatwa ganyabvu nomurume ane chombo chikuru. vese vanokukuvadza.

Vanhu vane ugino panya dzezvombo nezvitubu vakawandisa zvokuti nyaya dzisingafaniri kutaugwa dzinotaugwa vatereri voona sokuti ndedzechokwadi. Kune vakadzi vane zvitubu zvisingapindiki nechombo asi zvinoitiswa nechigwere chefungwa chinoti kana mukadzi akangofunga kuti chombo choda kupinda anoita PANIC inosunga chitubu murume otadza kupinda. Vakadzi vakadai vanowanikwa munyika dzese asi zvikangoitika kwedu vanokasira kufunga kuti zvaitiswa nomushonga wemunhu aakambovata naye, ipapo eye asina waakambovata naye.

Taurai tihwe vane zvokutiudzawo.

UDZAI VAMWE!!!

Kusunga/Kusungwa

Nyaya yomukadzi/murume  anohi akasungwa inyaya inoda kuongorogwa zvakanaka kuti vanhu vahwisisane nokuti kune vanhu vanoudza vamwe nhema pazviri. Vanotaura vanoti ivo:

Kune varume vanosunga vakadzi vavo nomushonga wekuti kana umwe murume akada kuvata naye, chombo chake hachipindi mumukadzi chero zvodii.

Koitazve vakadzi vanoti akasunga murume wake, murume akada kuhura chombo hachimiri.

Tichitarisa panyaya iyi tinoona kuti zvokutadza kumira chombo zvinoitika chose kumunhu asingasihuri kana ada kuhura asi achida mukadzi wake. Imwe nyaya inonetsa pakusamira kwechombo ndeyokuti kana murume akaona kuti chombo hachisi kumira asina kumbozviona zvichiitika, anobva atotyiswa nazvo, obva atadza kumira zvachoseZvinonzi akazoonanazve nomukadzi iyeye anonetseka kumira chombo.

Mukadziwo akazama kuvata nomurume wokuhura naye iye asina kumbohura upenyu hwake hwese zvinoitika kuti murume anotadza kupinda zvakanaka. Pamwe vanopedzisira vatadza kuisana zvachose. Pamwe haanyorovi iri nyaya yokutya kuhura.

Kana nyaya dzakadai dzozotaugwa kubhawa kwahi akazama kuvata nomukadzi akasungwa ndokutadza kupinza. Ipapo muridzi wenyaya anenge achitya kusekwa kuti akatadza kupinza chombo saka oda kupa mhosva kumukadzi kuti mukadzi ndiye anga akasungwa.

Hwisisai kuti dai zvaikwanisika kuti unosunga murume/mukadzi wako kuti asambokwanisa kuvata noumwe munhu dai vanotengesa mishonga yacho vari vafumi zvakangofanana navaya vanotengesa madhirezi emuchato ne sutu dzemuchato nokuti pamuchato umwe noumwe paitodiwa mushonga uyu kuti upihwe vanhu vaviri. Unochaja mari chero yawada.

Chimwezve ndechokuti zvigwere zvechihure dai kusina munyika yedu. Waingoti ukafunga kusada kubata chigwere, womhanya wonotenga mushonga wekusunga murume/mukadzi wako. Munyika medu dai mune vanhu vosvika mamiriyoni 20 kupfuura nokuti dai pasina akafa nezvigwere zvechihure.

Masimoro housi dai kusina zvachose. Varume dai vachitsvaka kugutira mudzimba dzavo. Mari inobhadhagwa zvimahure izvi dai ichiendesa vana kuchikoro nyika yese ine vanhu vakadzidza.

Vana vanozvagwa murume atiza dai kusina nokuti murume wacho aisazokwanisa kuvata noumwe mukadzi asiri wake.

Makambani emunyika yedu anopedza mari achitirena vanhu vanoti atirenwa oenda onofa nechigwere kambani iya yotangazve kutirena umwe, dai kusina. Mari yese yokutirena iyi yaizoshandiswa pakuwedzera basa kuti vakawanda vawane mabasa. Kana ukatarisa nyaya yokusunga murume/mukadzi iyi unoona kuti zvinoitika kana vanhu vasungana pamuchato wavo zvinobatsira nyika yese uye mazera ese evanhu.

Zvazvinoreva:

Nyaya iyi ukaitarisa takarerekera kunyaya yemari yenyika nenyaya dzemabasa nokugarisana zvakanaka tinoona kuti vatongi chaivo venyika vaikwanisa kutsvaka vanhu vanotengesa mishonga yakadai vovaudza kuti vawedzere PRODUCTION LINE yemishonga yavo kuti nyika yese ikwane. Taizoonazve EXPORT MARKET yenyika yedu pamishonga iyi yawedzera zvokutokwanisa kutengesera nyika dzese.

Chinoitisa kuti zvinhu zvese izvi zvisavako ndechokuti inhema dzatinoudzana mumabhawa nepamusika. Ukaona munhu anoda kukutengesera mushonga wakadai ziva kuti imbavha. Nhema dzinokasira kufamba kupfuura chokwadi. Ukaonazve wada kutenga mushanga uyu hwisisa kuti uri munhu akapusa chose. Kupusa kwakadai kunoitiswa nokushaya zvokuita nomurume/mukadzi wako ari kukuhurira, zvikuru nokuda kwekuti haasi kuguta mumba. Zviri nani dai wafunga kuti ungagutsa murume/mukadzi wako sei.

Chitubu chomukadzi kana chombo chomurume hachikwanisi kusungwa noumwe munhu kuti chisashanda. Iye muridzi wacho ndiye anozvisunga ne PSYCHOLOGY yake panyaya dzokuhura. Zvese zvinoitika munyika yedu zvinoitika mune dzimwe nyika pasina kana nyaya dzokusungana dzinotaugwa. Nyika dzese dzine vanhu vasingamiri chombo kana kuti vanotadza kupinzwa chombo nomurume iri nyaya yokutya.

Condition inoitisa kuti ungozoti wava pakuda kuhura wotadza kuzviita chinohi SEXUAL Anxiety  

Uchashamisika kuziva kuti murume wako waunofunga kuti akasungwa, aka jairirana nomukadzi waari kuda kuvata naye, anopedzisira avata naye chete kutonakirana zvokuti. Kozotiwo mukadzi wako waunofungira kuti wakasunga, akasafunganya nokuda kuhura anongopedzisira avata nechikomba chake chete, kutochemererana nokubatirirana nokupiwa urume. Apedza otopukuta chombo chechikomba sezvaanongoita kumba. Iwe uri kubhawa uchifunga kuti mukadzi haapinziki chombo noumwe murume. Ndiwe fuza.

CONDITION iyi inorapika zvokuti vakawanda vanorapiwa pazviri nokuti zvese izvi zvinokwanisa kuitika pamukadzi nomurume wake. Saka dai uri mushonga dai zvisingarapiki.

Ukaona munhu anofamba achiudza vanhu kuti nhingi akasungwa ziva kuti nyakutaura ugino zvake anotodawo rubatsiro.

Asi kune vanhu vanoda kuti utye kunyengana nomurume/mukadzi wake uchifunga kuti ane mushonga. Muchirudzi chedu nyaya dzemishonga dziri kwese kana kubika sadza chaiko kunoda mushonga kana muporofita mazuvano nokuti vanhu vava kurarama upenyu huzere nhema. Ukaita NURSE kana DHOKOTERA ukashanda kune imwe nyika gara wakachenjerera kuti ukaona munhu ane CONDITION yakadai ukamuudza kuti akasungwa unodzingwa basa.

Kana une mushonga wekusunga munhu nawo, ndinyorere kukero inoti maichibwe@yahoo.co.uk  tikugadzirire mari yakawanda kupfuura yese iri muZimbabwe. Ma kasitoma akawanda munyika dzese dzepasi.


Verengazve apa:

http://maichibwe.blogspot.co.uk/2012/08/kutadza-kubuda-mumukadzi.html

CHALLENGE!!
Kana une chokwadi kuti unoziva kuti kune mushonga wekusunga murume/mukadzi wako, taurirana nomurume/mukadzi wako munotora mushonga uyu mugotiudza kuti mava nawo. Tinokwanisa kukuwanirai mari inopfuura USD one million pagore rimwe nerimwe kusvika mese mafa. Kana kune munhu anotengesa mushonga wakadai munotouya naye munhu iyeye mese naiye munowana mari yakawanda chose.

Kana iwe uri munhu wacho anotengesa mushonga uyu, zvinoreva kuti unoda mari, OTHERWISE dai usingatengesi. Saka tiri kuti kana uchida kuita Millionnaire gore rino risina kupera, uya titaurirane iwe neumwe noumwe wemhuri yako munge mava ma millionnaire panosvika kisimisi.

Asi uchaona kuti vanotengesera vanhu mishonga yakadai havabudi pachena kutaura nezvazvo nokuti vanoziva kuti mishonga yavo ndeyenhema. Kana iri inoshanda munhu anongovhura SHOP yake ototengesa. Hakuna mutemo unodzivisa munhu kusunga mukadzi/murume wake. Hakunazve mutemo unodzivisa kutengesa TECHNOLOGY yacho. Ikozvino dai Zimbabwe ine HUGE EXPORT MARKET ye technology dzakadai.

Kana uchiziva mushonga wekusunga umwe munhu kasira kutiudza tikubatsire kuita BILLIONNAIRE.
Ukanotenga mushonga uyu nemari inoita USD$1000 tiudze uye utiratidze munhu akakupa mushonga uyu.

Challenge iyi ndeye nguva yese (LONG STANDING) saka chero pawaiwanira ukaigona uya tikubatsire kuita mari.


Udzai Vamwe!!!!
kusunga murume
Kusunga mukadzi
Kunamirana nomukadzi wemunhu
Kurambira mukukadzi wemunhu
Chombo chisingamiri
kusamira kwechombo

Kudanana nomunhu waunoshanda naye

Mazuvano vanhu vakawanda vanodanana nevanhu vanoita mabasa akafanana neavo kana kuti vanoshanda pamwe chete navo. Ngatimboona nyaya iyi mafambire ayo.

Kunyika dzakawanda vanhu vanonyengana pamabasa. Hapana chinoshamisa. Tinotoona kuti vakawanda vanoroorana pamabasa uye vakawanda vanohura nomunhu wavanoshanda naye. Ukaverenga magwaro ekurambana kwevanhu unokasira kuona kuti pane vakawanda vakazvirambisa nomukadzi/murume nokuda kwekuhura nomunhu wavanoshanda naye. Woverengazve matsamba ekukomburena kwavanhu pamusoro pemagarire vo woonazve kuti kune vakadzi nevarume vakawanda vanofunga kuti umwe wavo ari kuhura nomunhu wekubasa kwake.

Ukatererazve mataurire anoita vanhu kubasa kwako uchaona kuti vanonemerana panyaya dzokuvatana nenyaya dzakarerekera ikoko zvinoreva kuti vanhu vakajairana zvokuti vanokwanisa kuudzana nyaya dziri kuitika kumba.

Munhuwese panyika pano anoita shamwari dzamabato akasiyana. Kunoti dzokubasa, dzokutamba nadzo, dzemhuri, dzokuChurch, Dzokumwa nadzo doro, dzokutsvaka nadzo huni, dzokuvhima nadzo, dzokusanganisa nadzo mombe morima pamwe chete. Munhu akachenjera anoziva kuti iyi shamwari inogumira apa iyo yogumira apo.  Panguva yakawanda tinoziva muganhu weshamwari dzedu.

Pamabasa tinoshanda tese kwezuva rese 8-9 hours. Panguva iyi unokwanisa kuziva munhu zvakadzika kuti munhu akaita sei  pamoyo pake. Unokwanisazve kuziva kuti anokuona sei. Kuzoona okunyenga unenge atoona kuti unokwanisa kubvuma kudanana naye. Kana mese musina kuroorana noumwe munhu, hapana chingakunetsai. Munokwanisa kudanana motoudza vamwe vamunoshanda navo kuti mava kudanana ivo votokupai rukudzo pakudanana kwenyu.

Kana umwe wenyu ane waakaroorana naye munokwanisa kudanana pachivande zvinoreva kuti pane ari kuita chihure pakati penyu.  Nyaya dzechihure dzinonetsa kuti nyakuhura haakwanisi kuziva kuchasvika nyaya paanotanga kuhura. Zvinokwanisika kuti uku iwe uri kufunga kuti muri kungohura zvepurezha zvisina kwazvinoenda asi uya wauri kuhura naye otanga achidawo zvepurezha sokuwirirana kwenyu, asi ozosvika pakuita rudo. Zvadaro kuti muchirambana zvonetsa. Munhu ane rudo nomunhu anopenga Havana kunyaya kusiyana pazviito zvavo. Ukaudza munhu anokuda nomoyo wese kuti hauchamudi asi wamboita nguva muchivata mese achifunga kuti ndezverudo, panokwanisika kuita zvinhu zvausina CONTROL pazviri.

Nyaya yemapepa:

Kare kwaimbova nenyaya yokuti ukadanana nomunhu ane mapepa iwe usina ukazoda kumuramba aikwanisa kukuRhipota kumapurisa ezvemapepa kuti ubve wadzingwa munyika udzosegwe kwako.  Izvi hazvishandi muZimbabwe asi kumwe zvinoshanda.

Kukurambanisa newako wekumba:

Mudiwa wako wekubasa anokwanisa kufunga kuti akakurambanisa nowekumba unozoda uye. Anokwanisa kubudisa chihure chenyu pachena iwe wobva waita nhamo mbiri, imwe kumba imwe kubasa. Dzese nhamo idzi dzinokubata zvakasiyana zvichibva nokuti muri kunyika ipi uye SUPPORT yamunowana yakamira sei.

Murume/mukadzi wako anokwanisa kukuisa pakaoma pokuti unoshaya kwekuenda, zvikuru kana usina hama kana shamwari pedo. Upenyu hwako hunokwanisa kuchinja zvakawedzera pasina nguva. Kana uri kunyika dzakaita seUK unokwanisa kubviswa munhuri yako nemapurisa.

Kudzingiswa basa.

Mabasa anonetsa kuwana mazuvano. Ukadanana nomunhu wekubasa kwako zviri zvokungoda kuvata naye, akazoziva kuti haumudi. Anokwanisa kukupomera mhosva dzakawanda zvokuti kushanda naye kunozokunetsa chose. Unokwanisa kuzopedzisira wadzingwa basa iwe naiye muchiziva kuti hapana chakaipa chokubasa chawakanganisa asi kuti wada kumuramba. Kana uri munhu rume hazvinetsi kukudzingisa basa, zvikuru kana uri kunyika dzakaita seUK dzine ma HARRASSMENT RULES pakati pevakadzi nevarume. Kana mukadzi/murume akanoudza vakuru vebasa kuti uri kumunemera kubasa unopiwa warning, akanovaudzazve unodzingwa. Nyaya idzi dzinobva pane zvaunotaura kwaari, zvaunotaurira vamwe pamusoro pake, zvaunonyora pa FACEBOOK, paEMAIL, paTWITTER, paWHATSAPP kwaari kana pamusoro pake.

Hwisisa kuti ukadanana nomunhu kubasa, ukazoda kurambana naye zvisina kubvumirana, pane vanhu kubasa kwenyu vachada kumusapota, kozoitazve vamwe vanoda kukusapota. Pamapoka maviri awa pane richawhinha kana kuruza nyaya yokudzingwa kwako basa. Hino kana pane umwe aimbokudawo ukamutaridza kuti haumudi, toti wakamuudza kuti hauhuri asi iwe wozohura noumwe, wekutanga uya anokwanisa kukufikisa nokuudza vanhu nhema.

Vanhu vaunoshanda navo hadzisi hama dzako. Vanhuwo vari kungodawo basa sewe saka havanei noutano hwemhuri yako.

Kana basa rako riri basa republic sector, ukadzingwa hauzokwanisi kuwanazve rimwe rakadaro, zvikuru kana paita nyaya dzekupomerana pakusabata vamwe vanhu zvakanaka.

Kukusungisa.

Zvinokwanisika kuti kana munhu agumbuka uye aona kuti asvodeswa pamweri peshamwari dzake, toti wanga wamuudza kuti unomuda, iye ndokubvuma kuvata newe achifunga kuti ucharambana nomukadzi/murume wako, mozoti mambohura iwe woona kuti hapana zvaakasiyana newako wekumba woda kumuramba, Anokwanisa kukupomera mhosva dzinosungisa kuti ushaye mufaro sezvaari kuita. Tinoverenga mumapepa nyaya dzakadai. Unoona kuti munhu anokuisa pakaoma, nokuti ukasungwa, unoita CRIMINAL RECORD, uku wodzingwazve basa.

Zita rako rinobuda mumapepa, zvikuru kana uchigara munyika isiri yako vanoona sokuti mabvakure anokanganisa nyaya dzenyika yavo, saka vanobudisa nyaya dzese dzamunoita  kuti muonekwe semusina kukwana. Kana wawahura naye ari munhu wemunyika iyoyo, nyaya inowedzera kukura kuti uya wawahura naye aonekwe sokuti ibenzi rinoda mabvakure. Vashoma vanhu vanofarira mwana wemunyika yavo kuti ahure nevanobva kure. Ukatarisa kana muZimbabwe unoona vanhu vachitsoropodza vanhu vanodanana nevanhu vekuZambia, Malawi, Mozambique, etc, kusvika pakufungira kuti vanovada nokuti vane mishonga. Kufunga kwakadai kunobva pakusatenda kuti munhu akakwana anfada munhu anobva kune imwe nyika.

Mapurisawo ane fungwa dzakadaro saka pavanowana mukana wekukupa mhosva vanokupa. Kuno ku UK vemuno vane kamufungo kekuti vatema havatauri chokwadi. Ukavaudza nomoyo wese kuti hauna kurhepa munhu, havabvumi zvauri kutaura.

Vemapepawo vanowedzeredza panyaya dikidiki kuti iite sehuru vagotengesa mapepa avo. Vanokutevera kukoti kuti vahwe zvaunotaura vagozvinyora neimwe zhira kuti uonekwe kuti hauna kukwana.

Nyaya yokusungiswa ndiyo nyaka huru chose inotyisa.

Zvokuita kana wadanana nomunu pachihure:

Ukaona kuti rudo hauna nomunhu uyu uye kuti wava kuda kurambana naye, zviri nani kuita chimwe chinhu chinoita iye akurambe, kwete kuti iwe utange kumuramba. Kana usina chokwadi pane zvaachaita, mirira akurambe iye, iwe woita sokuti haudi kurambwa. Pakadai dzimwe nyaya hadzizobudi saka zvinoita nani. Iwewo chidzidza chidzidzo chako pazviri.

Kasirazve kuudza mukadzi/murume wako asati audzwa navamwe vokubasa kwenyu. Izvi zvinoitigwa kuti usaiswa pa BLACKMAIL yerudo. Munhu anokwanisa kukudza kuti ukamuramba anoudza mukadzi/murume wako iwe wongotya woramba uchihura naye pakutya kubatwa. Ukamuudza kuti wekumba anoziva kuti wange uchihura, zvinoita nani asi mhosva yave kumba.

Zvokuita kana wahurigwa :

Kana wahurigwa, chokutanga ndechokuti usakasira kuita chinhu pazviri usati wanyatsofunga zvakakodzera zvokuita. Moyo unogwadza chose chose kana waudzwa kuti zvaitika. Tanga wanyatsohwisisa zvese zvaitika usati watanga kutsvaka kuti wotanga papi kugadzisa zvinogadzirika.

Chokutanga ndechokuona kuti kana pane nyaya yemapurisa nemanyuzipaper, usaipindira. Hauna kuhura saka nyaya iyi haisi yako. Kana zvinhu zvichida kuenda PUBLIC, rega ZVIENDE ZVEGA. Iwe imbowana pokuvanda kusvika nyaya yawana pokupotera.

Funga zvokuita. Unoda here murume/mukadzi akuhurira. Nyaya yokumira pamwe chete noumwe wako kazhinji inokanganiswa nenyaya dzemari. Murume/mukadzi kana achitambira mari iwe usingatambiri anokwanisa kukuratidza kuti ukamiusiya hakuna kwaunoenda noupenyu hwako usina mari. Nyaya yemari inonetsa kuivhenganisa nenyaya yerudo. Funga kuti dai pasina mari, pasina zvimwe zvese, tiri kungotarisa nyaya yokuti wahurigwa, unoita sei nazvo.  Wotangira ipapo. Kuvanhu vanoshanda vese vanokwanisa kurarama zvakanaka umwe abva, pane nyaya dzokuti unozvibvunza kuti ukamuregerera zvinofamba sei mberi uko, ukamusiya vinofamba sei mberi uko?

Kana mune vana, unofanirazve kutarisa upenyu hwevana. Varume vakawanda pakangita chihure vanoda kukasira kuudza vanhu nokuzviudza kuti “Hazviiti kuti ndirhojegwe mukadzi wangu noumwe munhu.” Zvokuti pane vana haanei nazvo. Unohwa munhu otoudza hama dzake kuti haana shuwa kuti vana ndevani.

Chimwezve, kasira kundoTESTWA zvigwere zvechihure. Nyaya inowanzoitika kana munhu akatanga kuhura, anoti mazuva aanozvipira kuhura, anowedzera kurhojana noumwe wake kumba. Pamazuva iwawa ndipo paunokwanisa kubata chigwere kokuti uya ari kuhura noumwe wako ari kuwedzerawo kurhojana nowake kumba kwake. Hauzivi kuti akatanga kuhura riini. Kuenda kuTest chinhu chokutanga kuita. Kana une chigwere, zvinoreva kuti vamwe vese vari mugungano renyu rerhoji vanacho.  Wabva kunotestwa ngazvisaita kuti usavata nomumwe wako kusvika mabvumirana kuti nyaya yenyu yapera. 

Pasina zvese izvi.
Kana uchishanda nevanhu vane njere, vasina rusaruraganda, vasinei nevabvakure, vasingadi zvokuhura, iwezve usina kuroorana noumwe munhu usina musikana/mukomana asi uchiona kuti paunoshanda pane vanhu vakakodzera kunyengana navo, hwisisa kuti ukadanana nomunhu wauchaona zuva nezuva kwemakore  akawanda, uchada kuchengetedza kuvimbika kwako nokukudzwa kwako.

Danana nomunhu uyu zvinoratidza nhu hwako ane vanhu vanokuziva. Kana pakadai mukazorambana, uchaona kuti munopiwa SUPPORT yakakodzera mese pabasa. Uchaonazve kuti hamuvenganiswi nokurambana kwenyu. Vese vanoterera nyaya yenyu vanokuhwirai tsitsi vokuudzai kuti dai madzokerana.

Kuona vanhu vane rudo chinhu chinofadza chose zvokuti chero umwe achibva kure ukaona kuti shuwa pane rudo, kazhinji kana uri munhu kwaye mufungwa unosapota zvauri kuona.

Pakudanana kwenyu usakurudzira vanhu kukubvunza nenyaya dzokuti wakaitei nomukomana/musikana  wako madeko. usakurudzira munhu waunodanana naye kuudza vanhu zvamunoitana pauviri hweenyu. Kana ukahwa kuti ari kutaurira vanhu, unofanira kumuudza kuti hauna mufaro nazvo nokuti hazvina unhu saka kana achikuda ngaasataurira vamwe zvakadai. Muite ahwisise kuti vakawanda vanobva pakunyengana vozoenda pakuroorana. Hazviiti kuti vaya vawaimboudza kuti wakafongorera mukomana wako madeko akakurhoja zvinomwisa mvura, vazouya kumuchato wenyu nokuti mufungwa mavo uri munhu asina unhu.

Kurjojerana Promotion pabasa 
Kune vakawanda vanopiwa mabasa nengari yokuvhurira mukuru webasa makumbo kana kubvuma kurhoja mukurukadzi webasa. Mabasa akadai ndiwo hawo uye tinoziva kuti anoitika uye kuti unotopiwa basa racho asi ane nyaya dzakawanda dzinoenderana nazvo. Kana wapiwa basa rakadai, usafunga kuti unokwanisa kurichengeta usingawedzeri pazvinhu zvakuwanisa basa. Kana uri munhu wechidiki mukuru webasa ava munhu mukuru ane mhuri yake anokupa basa kuti gare pedo agovata newe, kana wava nebasa racho unofanira kuwedzera zvakakuwanisa basa. Izvi zvinoreva kuti kana ukaita musikana/mukomana uchanetseka kumuchengeta nokuda kwemukuru webasa.

Kutizve mukuru webasa uya wauri kuvata naye, akaona umwe munhu anoda basa anotangazve kuvata naye zvoreva kuti pamunhu uyu pane vakawanda vari kuvata naye, vese vachifanira kunge vane vasikana/vakomana vavo kuzhe kwebasa. Umwe wavanhu ava akabata chigwere, mese muchachibata.

 Kana usingahwisisi nyaya dzacho dzese usawanokwa padziri.

WEDZERAI VANOWEDZERA

Udzai vamwe!!!!!!
kuiswa pabasa 
kukwirwa pabasa
kuhura nomunhu wekubasa
kuisa mukadzi waunoshanda naye
kuiswa na boss wako