Shamwari isina murume/mukadzi

Zvinoita here kushamwaridzana nomunhu asina murume/mukadzi iwe une mhuri? 

Mubvunzo uyu unonetsa kudavira nokuti pane nyaya dzakawanda dziri panyaya zvokuti tingatoswera pano tichibwereketa nezvenyaya iyi tichiwirirana nokupokana pairi nokuti vakawanda vane EXPERIENCE yayo.

Zvinoitika kana maroorana: 
Murume:
Kune varume vanonetseka chose kunyenga vasikana panguva yavanofanigwa kuti vanyenge zvichibva pazera ravo. Asi nyaya yese inochinja kana murume akadai akangozikamwa kuti aroora. Vasikana vaya vaimbomuona somunhu asina kodzero yokuvanyenga vanobva vamuoona somurume anohi murume wemhuri. Kune varume vakawandisa, uye munyika dzakawanda chose vanozokwezvwa nevakadzi vasina varume iri ngari yokuti varoora chete chete. Kwete kuti ange ari murume akakodzera kare, asi kungoti aonekwa kuti anokwanisa kuva saimba.

Kune vakadzi vakawandisa vanoona pasina chakaipa kuhura nomurume wemunhu. Zvokuti kana murume wako ari munhu asina unhu, anokwanisa chose kupedzisira ahura nomusikana/mukadzi ange asingazomudi dai asina kukuroora,

Vakadzi:
Kune varume vakawandisa vanochiva mukadzi weumwe murume, iri ngari yokungoti mukadzi wemunhu. Muchirudzi chedu mukadzi wemunhu anoonekwa sokuti muridzi wake murume wake. Zvino kana umwe murume achimhura murume wako, zvinoonekwa sokuti kuvata newe chiratidzo chakanaka chokuti murume wako haasi munhu akakosha. Zvoreva kuti iwe ukapa mumwe murume mukana wekuvata newe haanonoki. Kwete kuti  iyo nhubu iyi yagara uri munhu akakodzera kuti ade kuvata newe, asi kungoti uri mukadzi wemurume wako.

Kotizve vamwe varume vanoona murume wako ari munhu ari pamusorosoro kuvapfuura, anoda kuzvifadza nokufunga kuti kuva pamusoro kwake kunoitisa kuti ave munhu asisagoni kunatsogutsa mukadzi sezvinodiwa nomukadzi.Saka zviri nani uyu umwe murume aratidze mukadzi kuti kuguta pakuvatana kunoitwa sei.

Iwe ukangomukwezva murume ane fungwa idzi haanonoki kuvata newe.

Saka izvi zvinei neshamwari?
Kana wavamai vemba kana saimba, zama kushamwaridzana nevamwe vakafanana newe. Munhu asina murume anonetsa kuti ave shamwari yako nokuti kazhinji anoshamwaridzana nemi mese muri vaviri, uye anotaura nhamo dzake dzevarume kwamuri mese. Paanenge ari padambudziko rokushaya wekuvata naye, munozviziva mese iwe nomurume wako, kureva kuti paushamwari hwenyu ipapo murume wako neshamwari yako vanoerekana vatoisana. Nyaya yako yange yakangozvinakira yotokanganisika.

Ukatarisa vanhu vanohura nevarume vevanhu kazhinji ishamwari dzemukadzi, zvikuru shamwari dziya dzepedopedo dzinoti kana murume wako akaita ugwere, ndidzo dzinobatsira chose. Tarisa vanhu vemuraini menyu vanohura ufunge kuti chihure chavo chakatanga sei, uchaona kuti kakawanda chakaitika neshamwari dzevakadzi vavo.

Shamwari yako isina murume usafunga kuti haadi varume. Anoda asi ari kutoshaya murume akatsiga zvokuti amuroorewo. Paanokuona iwe nemurume wako, zvinomufungidza kukoniwa kwake, zvoreva kuti wako uyu ari kuratidza kumufarira paushamwari apa, atova CHALLENGE kwaari, muedzo chaiwo wekuti potodiwa kuzvidzora kukuru. Iwe woonekwa somunhu ava mberi asi muri shamwari. Shamwari zhinji kuzovengana kwadzo kunobva pakusava pakafanana pamhuri neufumi.

Iwe neshamwari dzako maonere enyu anowanza akafanana panyaya zhinji. Kana iwe uchiona murume wako ari munhu akanaka, usafunga kuti ndiwe wega. Kunotori nevamwewo vanoti vakamuuona vanoita ruchiva paari. Kungosaya hako mukana wekumuwana ari ega. Zvino shamwari yako hainetseki nokumuwana ari ega. Chinongonetsa kutanga nyaya yokuti vapedzisire vaisana. Uyezve kuisana kwavo ndekwevanhu vanotozivana nechekare zvokuti kana nyaya dzemakondhomu hadzitaugwi pakadaro. Vanongoisana paushamwari hwavo. Iwe hapana chaunoziva kusvika nyaya yatombofamba mberi chose.

Murume wakowo akapiwa fungwa yokuti shamwari yako munhu ari AVAILABLE, kubva panyaya dzamunotaura kana aripo kana kuti asipo, musi waunovhakasha kure, shamwari yako anouya kuzoriritira murume weshamwari yake, sokuti kubika, kusuka ndiro, kuwacha, kutsvaira mumba. Zvoda murume anokwanisa kuona muedzo nokuudzivirira pafungwa. Kana akatadza kuhwisisa kuti shamwari iri kubata mukana, anopakurigwa zvokudya nezvimwe zvakawedzera.

Zvino kana une shamwari ine murume wayo, zviri nani munongokombeya paufumi chete asi pamhuri menge makafanana. Zviri nani. Kana achiuya kumba kwako haana fungwa dzokuti akundwa pamhuri. Anongoona nyaya yokuti chii chamatenga mukaisa mumba. ndidzo nyaya dzenyu. Iwewo chawatenga chiya kazhinji unenge uchida kuti shamwari dzako dzizive dzigokuti wagona.

Vana munobatsirana kuchengeta, vanotamba vese. Varume venyu vanoita nyaya dzemhuri. Kana achiuya kumba kwenyu anouya nomurume wake. Kana ari ega hapana fungwa yokutarisa murume wako.

Varume.
Kana ukaroora ukaita shamwari dzisina vakadzi kumba, ita hako asi hwisisa kuti handizvo. Ishamwari dzako hadzo asi hadzina fungwa dzemhuri. Uchaona kuti mukadzi wako anogarofidha shamwari idzi, uye anokwanisa kutaudzana nadzo panyaya dzakadzika iwe usipo. Varume vasina vakadzi vane nyaya dzakawanda dzavanoda kuti umwe munhu aterere avape mazano.

Vanokwanisa kushamwaridzana chose nomukadzi wako zvokuti kana kufonerana nokutumirama iwo ma WhatsApp akadai kuuya awa hazvikoni. Nyaya dzavo dzowanda. Kunemerana sevaramu hakunonoki. Usafunga kuti shamwari yako haisi kuona runako gwemukadzi wako. Kungoshayawo hako mukana. musi waunopokana nomukadzi wako, shamwari yako ndiyo inoudzwa, zvikuru pavakadzi vezera diki ava vasingahwisisi kuti chinohi CONFIDENTIALITY chii.

Zvese zvinoitika hapana chaunoziva kusvika nyaya yatova pasina kunaka. Ukatarisa vanhu vaunoziva uchaona kuti vakawanda vane vakadzi vakavata neshamwari dzavo. Kana uri munyika dzakaita se muDIASPORA, kuvata neshamwari dzevarume/vakadzi chinhu chinoitwa nevakawanda.

Hino ukashamwaridzana nomurume ane mhuriwo, nyaya dzenyu kana kuti dzake nomukadzi wako dzinosiyana. Munotaura nenyaya dzemhuri, dzemota, dzekutenga dzimba, dzekuendesa vana kuzvikoro, etc.

Pamusha
Kune nyaya dzaunongozvitsvakira pamusha wako dzisina kodzero yokuti udziite.
1 Nyaya yokuva neshamwari dzisina kufanirana nemagarire ako.
2 Nyaya dzokuva nevashandi pamusha vasina kodzero nemagarire ako.

Toti Mukomana wegarden. Kana wada mukomana wegarden, tsvaka chikomana chiri pasi pemakore 15. MuZimbabwe mune zvikomana zvakawanda chose zvinotodawo munhu anozvichengeta. Kana usingadi chikomana chidiki enda undotora munhu akura chose ava kumakore  60, ane chiremera chokuti akada hure remuraini, ndiye anonovata kumba kwaro achitya kubviswa chiremera chake. Mukuru akadai haana musi wekuti akabvisa hembhe kuchipisa mukadzi wako anofunga kuti paita rume rine mamasuru apa. bodo. Anongoona sasekuru.

Kana ukadzi musikana webasa, enda unotora munhu akura ava mbuya vanezvizukuru. Kune chirikadzi dzakawandisa dzinoda kurera zvana zvako. Mbuya ava hauwani musi wavanohi vatariswa mazamu nomurume wako. Murume wako anongoona sambuya. Hakuna imwe fungwa yaanoita kuzhe kwekuti achitogwara fungwa.

Kana mafunga munhu wemumba newegarden, tsvakai munhu ane mhuri yake anouya okagarapo nemukadzi wake vese vachiita mabasa.

muupenyu hwako iva nevanhu vakakodzera nemagarire ako kuti usazvitsvakira madambudziko awange usina.

MaEXAMPLE tinawo chose asi kungoti iwe wega ukatarisa kuvanhu vaunoziva uchaona kuti kune vakawanda vakavata veshamwari dzevarume/vakadzi vavo, iri ngari yokuti iye murume/mukadzi ashamwaridzana nemunhu asiriye.

Ukabvunza murume/mukadzi avata neshamwari yemukadzi/murume, unohwa achiti zvakangoitika, kuita sokuti haana kusarudza kuzviita. Nyaya ndeyokuti ange ane ruchiva pashamwari iyi kwenguva refu kusvika shamwari iya yaziva kuti pane mukana mukuru saka regai nditore mukana ndinakigwewo pari kunakigwa shamwari yangu. Maitire edu akafanana.

Tarisa shamwari dzako, hama dzako, vemuraini menyu, vekubasa kwenyu, uzvionere vanhu vakaita damudziko iri.

Hazvirevi kuti kana wawanikwa/wawana, chisiyana neshamwari dzese dzisina varume/vakadzi. bodo handizvo. Shamwari idzi ndidzo dzakubatsira nokukukurudzira kuroorana nomunhu wako. Apa tiri kukutaridza dambudziko raunofanira kugara wakarichengera kuti risaitika. Ziva nyaya dzokutaura neshamwari yemukadzi/murume wako. Hwisisa kuti kana achikuona zvinokwanisika kuti anokuona somhunhu akatsiga zvokukodzera kuva munhu wekuroora kana wekuroogwa naye.  Hwisisa kuva munhu akatsigawo zvechokwadi iwe.


Udzai vamwe. !!!!!! 

Mibvunzo neMhinduro 9

Pamibvunzo apa kana yasvika 50 tinomirira ipapo totanga rimwe gurupu. Gurupu 8 yakazara saka tava kutanga rino. Zamai kusabvunza zvakambobvunzwa ku Gurupu 8, 7, 6, 5, 4, 3, 2, 1. Tanga watarisa kuti mubvunzo wako uripo pa ne mamwe magurupu here?  Vanoda kuwedzera wedzerai asi tanga nokutaura kuti uri kuwedzera pamubvunzo upi.
Ndatenda

1	Ndakavata nemusina ari kumwedzi. Vamwe vanoti zvinoita ndasazozvarisa. Ndoita sei?	Chakangoipa pakuvatana mukadzi ari kumwedzi kungoti hazvitaridzi utsanana uye kuti parmaitire edu hazvibvumindzwi. Asi kana mese magara musina chigwere, azvina chigwere chazvinokonzera. Kungosemesa chete uye kusvibisa mubhedha. Kuzvara hakuna kana basa nazvo nokuti hapana chigwere. Usashupika hapana nyaya apa. Asi kungoti hazvina unhu.
2	Pane mushonga wechivanhu here ungandibatsira kubata mimba nokukasira?	Mushonga wekubata mimba kuiswa musingashandisi Kondomu kana mapiritsi ekudzivirira mimba. Verenga pakahi "Kana wada mimba." uhwisise kuti chii chinonosa mimba. Kukoresa ana kuondesa kana kuti wakamboita zvegwere zvechihure kana kuti murume asingazvari nengari yeurume heakaremara kana kuti husina kukora. Mishonga yechivanhu iriko asi unokwanisa kuwedzera dambudziko rako. Zviri nani kutanga waenda kundoongorogwa kuti uzive dambudziko. moenda mese nomurume andoonekwa huti urume hwake hwakakwana here kukuitisa mimba. DIET yako yakakwana here.
3	Zvinoita here kuti mukadzi mutema akwanise kuzvara mwana murungu?	Zvinoita chose. Kune vatema vakatozvara vana varungu, koitawo varungu vakazvara vana vatema.  Kuva murungu kana mutema ruvara gweganda chete. 1 https://www.youtube.com/watch?v=xhkYTkzjQVs 2 https://www.youtube.com/watch?v=WpblcdxKc28 3 http://www.dailymail.co.uk/femail/article-1093674/The-tragic-story-white-girl-born-black-tore-family-apart.html
4	Kubva last week ndine tumapundu panhengo yangu. Ndoita sei	Kana wangoita chimwe chinhu chawanga usina, chokutanga enda ku CLINIC undotariswa uudzwe kuti chii. Kana wakavata nomunu musina kondhomu, zvoreva kuti une chigwere chechihure. Munofanira kuenda mese kundotariswa moraphwa. Musavatana kana kuvatana noumwe munhu kusvika chigwere chapera.  Zvadaro dzidzai kushandisa makondomu. Kana ukagaroita zvigwere zvechihure unokwanisa kuzotadza kuzvara/kuzvarisa.
5	Bhinzi inofanira kureba zvakadii?	Rega bhinzi irebe payadira. Unei nayo? Hakuna murairo wekuti bhinzi ngairebe kusvika apa kana apo. Siya zvakadaro chete. Vakawanda bhinzi inobva pa hafu ye CENTIMETRE kusvika pa 5 CENTIMETRES as diki ndidzo dzakawanda. Nakigwa nebhinzi yako chete kwete kuzvinetsa kuti yakareba zvakadii.
6	Mukadzi wangu ane nhumbu. 5 months saka ndagarisa ndisina sex.  Ndingaita sei. Kuhura ndange ndisingadi.	Mubvunzo wako hauna kana musoro. Mukadzi wako akaendepi nemimba yake? Kana aripo, chinokukonesai kuita sex yenyu chiiko? Kana mukadzi ane mimba ndipo paanotofanira kuwedzera kuiswa kuti agoshaya dambudziko pakuzvara mwana. Urume hunobatsira pakukura kwemimba uye pakuzozvara. Mukadzi kana zvichikwanisika ngaavate nomurume kusvika zvisakwanisiki. Vamwe vanotovatana kusvika kwasara mazuva mashomanana kuti mukadzi azvare. Enda undovata nomukadzi wako wakasununguka. Uchatoona kuti iye anofarawo nazvo.
7	Ndingafuhwira mukadzi wangu sei?	Kufuhwira mukadzi hakunetsi zvachose. 1 Terera zvaanotaura, kana usingahwisisi bvunza mibvunzo kusvika wahwisisa zvaari kutaura. Wahwisisa chiita zvaanoda kana zvichivaka musha. Kana zvisingavaki muudze kuti hazvivaki womuudza zvinovaka zvauchaita. 2 Usapopotera kana kurova mukadzi. Kana akanganisa, gara naye pasi umutsanangurire kuti chii chausingabvumirani nacho pazviito zvake. 3 Kana akabika zvakanaka, ukadya, ukaguta, tenda nezvawadya. Ratidzawo kuti zvinofadza kuva nomukadzi mumba. 4 Harogumbatira mukadzi wako (hugs) pese pawawanira mukana. Garotarisa mukadzi mumaziso womuongorora kumeso womuudza runako gwake wonyemwerera pakumuona achinyemwerera. Womuudza kuti unofara chose kuti mukadzi wako. 5 Pakunovata tora nguva uchimubatabata muviri wake wese uchimuongorora pesepese uchiratidza kuti iwe wakagona kusarudza pawakasarudza mkadzi uyu. Itai nguva musina kupfeka uchiyevedzwa nomuviri wemukadzi wako iyewo achiziva kuti ari kukuyevedza. 6 Pakuvatana tora nguva refu uri mukati memukadzi wako, inopfuura maminitsi manomwe (7) achihwawo pane moyo. Mapedza, kwevera mukadzi wako pedo womugumbatira wodembademba nyaya yokumuda uye kuti anokunakira zviri pamusoro. 7 Kana paunokwanisa kumubatsira mabasa ake emumba, batsira. 8 Kana asingahwi zvakanaka, miramira uchitaridza kusagadzikana nokugwara kwake. Wopotawo uchimuitira tii uchimubvunza kuti ari kuhwa sei. Ndiwo mufuhwira unoshanda zviri pamusorosoro uyu. Iya imwe mifuhwira inotengwa kuvanhu vemidzi, kungotambisawo mari. Hazvishandi.
8	Kana uchida mwana mukomana uno**irwa sei?	Kwete kuti SEI asi kuti nguva ipi pamwedzi. Munhukadzi wegawega anokwanisa kuita mimba pamazuva anozikamwa epamwedzi. Pamazuva awa pane nguva yokuti ukapiwa urime unowedzera CHANCE yokuita mwanakomana kozotiwo awo asara anowedzera yokuita musikana. Nyaya iripo ndeyokuti paunopiwa urume paya, urume hunoitisa mukomana hunokwanisa kudhidha nesipidhi iri pamusoro kupfuura hunoitisa musikana, asi hunokasirawo kuneta nokufa zvokuita kana mazuva maviri huchitsvaka zai. hwevasikana hunonogara kusvika mazuva mana huri upenyu. Izvi zvoreva kuti kana uchida mukomana pamazuva ekukandira zai, mirira wozopiwa urume zai radzira rava pedo kuitira kuti urumu hwechikomana hukasire kuriwana. Kana uchida musikana piwa urume mazuva okutanga zai richiri kure nokuti hwechikadzi hunoramba huchitsvaka hwechikomana hwatofa. Asi hwisisa kuti panguva yemazuva ekukwanisa kubata mimba apa unowedzera zemo chose chose zvokuti kuti urege kuiswa zvinokunetsa saka kutoronga yokuvhakasha kuti upatsane nomurume pamazuva ausingadi kuiswa. Hwisisazve kuti maitire awawa anohi anoshanda asi haasi 100%.
9	Kugezwa chibereko  kunoitwa sei?	Kugeza chibereko inotori OPERATION inoitwa kuhosipitari inohi DNC. Hazviiti kuti ungoenda wega woti ndoda kugezwa chibereko. Zvinoitwa kana pane chaitika dhokotera okuudza kuti unofanira kugezwa chibereko. Zvokuti zvinoitwa sei iwe haufaniri kuzvinetsa nazvo. Kana wahi enda undogezwa, rega vanoita vaite.
10	Inhu yemurume iri normal inoita macentimetre mangani	Kureba kana yakatsamwa inoita masendimita ari pakati pe 12 ne 15 kukora tichipima kutetendedza zvakaita sekusunga bhandhe inoita masendimita ari pakati pe 10 ne 14. Asi kune vamwe vane pfupi hobvu koita vamwe vane refu nhete refu hobvu, pfupi nhete. Hazvinei kuti saizi yakadii.
11	Kudyiswa. Chii chingaitisa kuti mukadzi adyise murume?	Munyika yedu, kune vakadzi vakawandisa vanotsvaka kudyisa varume vavo. Ingari yokuti varume hamudi kutaridza vakadzi venyu rudo. Mukadzi akahwa sokuti murume wake haasi kumuda zvomoyo wese, anotsvaka kudyisa murume. Ndiwo maitire aaanoudzwa nevakadzi vakuru vemuraini. Kudyiswa ndizvo hazvo asi tese tinoziva kuti mhomho yevarume vemuraini vanohura, zvikuru nehure rimwe chete kana maviri muraini imomo, kureva kuti vese vakadyiswa mishonga yacho haishandi chinhu. Mishonga yacho yakawanda uye inodhura. Vanotora chidhambakura, chifurira, kana gwaivhi. Vanomesa chimhuka ichocho, vokuya choita upfu. Zvadaro vovhenganisa nemushonga wemidzi wavapiwa kun'anga, vobika pamwe chete nechijira chapukutisa kuzasi kwemukadzi. Anoisa mushonga uya mubhotoro. Zvadaro mukadzi wako anopota achiisa mushanga uye muzvokudya zvako kuri kutamburira rudo kubva kumurume wake. Munhu anohi murume wemunhu anofanira kungoda mukadzi wake pasina zvokutotsvakigwa mushonga.
12	Kana mukomana achibata mazamu emusikana anonzwei?	Zvinobva nokuti mukomna wacho ndiani uye ari kubatirei mazamu emusikana, uyezve kuti ari kuabata sei, uye kuti chii chavanotaurirana paanobata mazamu emusikana. Izvi zvinoreva kuti vasikana vanohwa zvakasiyana siyana pakubatwa mazamu asi kana muchidanana musikana akakutaridza kuti ari kuda kubatwa mazamu anokwanisa kunakidzwa nazvi zvichibva nemabatire ako.
13	Kuti ndinakirwe nekuiswa ndingaita sei?	Tangai nokutamba mese muchiatana nokupurudzirana nokukisana nokusvetana, nokutaura zvinofadza, nokupa murume mazamu kuti amwe nokusveta, nokumudzidzisa kuti unoda matinji  nebhinzi zvikwiziwe sei. rezva chombo chomburume. Sveta minyatso yemurume. Nanzva guvhu rake, purudzira chombo. Tambai muchidaro kusvika wanatsa kunyorova. 1 Iswa nemurume anokuda uye waunoda iwe. 2 Rerusa muviri pakuvatana kwenyu, 3 Usava nezvimwe zvaunofunga kuzhe kwekuiswa 4 Mufungwa mako teverera chombo chomurume uchihwa chichipinda nokuuda. 5 Deredza sipidhi yemurume womupa RHYTHM yakanaka yaunohwa wega kuti inokonzera kuti chombo chikwize mukati zvinonaka 6 Ramba uchitaurira murume zvokuita achitevedzera 7 Kana uchifunga kuti kunatsopinzwa ndiko kunonaka, ita zvokufongorera murume. Kana uchifunga kuti kubatirira murume nokuona kumeso kwake muchiisana ndizvo zvinonaka, vata manhede murume ova pamusoro kana kuti murume manhede iwe pamusoro. 8 hwisisa kuti kuisana ndekwenyu mese saka mese shandisai chiuno iwe kugamuchira chombo murume kukupa chombo. Wega unohwa kuti pano ndaiswa zvinonaka.
14	Ndoda kudya bhinzi yemukadzi asi iye haadi kuti ndidye ndoita sei? Handisi kuda kudya yeumwe mukadzi. Ndoda wangu chete. Chihure No No.	Kune vamwe vakadzi vasingadi kudyiwa bhinzi dzavo iri nyaya yokusangozvidawo kana kuti kutyiswa nazvo. Hapana zvokuita kana mumba menyu umwe ane zvaasingafariri kuitwa kana kuitwa. Iwe unotofanira kuremekedza zvaanoda. Kune zvikonzero zvakawanda chose zvinoita munhu asada chimwe chinhu. Chikuru kumubvunza iye kuti sei asingadi, iye okutsanangurira ega. Zvadaro ukahwisisa chizviremekedza. Vamwe vanhu verudzi gwedu havabvumi kuti kuzasi kunogezeka saka vanoona sokuti hakuna kunaka. Pamwe anotya kutariswa zasi nomurume wake, pamwe anoona sokuti chiitwa chinoitwa nevanhu vemishonga. Iwe hazvigoni kuti uti ungaitiswa chihure nokuti mukadzi wako haadi kudyiwa bhinzi. Ah bodo hakuna zvakadaro. Kuisana mumba ndekwerudo kwete kudzvanyirirana kuti 2Vhura ndidye kana usingadi kuti ndukuhurire" Bodozve, Vakadzi vakawanda vantodawo kufadza varume vavo uye vanoita zvakawanda zvavasingadi kuta asi kuri kuti murume afare. Saka imi varume chiregari zvokungoti pese pese mounza nyaya yechihure. Ko iyewo akazotanga kuti ukasadai ndokuhurira, mungavaka musha sei?
15	kurapira nhova nesikarudzi kunoitwa sei uye nemishonga ipi, ndinoiwanepi?	Kana wazvara mwana sikarudzi inoita nguva kuti idzokere payange iri usati wazvara. Zvinoita Vhiki nhanhatu (6 weeks). Panguva iyi momborega kuisana. Kozoti wabva kwachirema kundotariswa ukaudzwa kuti zvese zvakanaka, Ndipo pomotanga henyu kuisana asi shandisai kondhomu nokuti unokwanisa kuita imwe mimba. Hapana mushonga unodiwapo, asi kana wakachekwa ukasonwa, unokwanisa kupiwa maANTIBIOTIC ekudzivirira utachiona sezve pari pedo nekunobuda svina. Saka terera rairidzo yevarapi. Takataura kare nenyaya yenhova yomwana kuti hachisi chigwere saka hapadiwi mushonga. Chinodiwa kugarotarisa nhova yomwana. Kana ichitambatamba zvoreva kuti mwana ane nyota, mwisa mwana mukaka kana mvura. Verenga apa. http://maichibwe.blogspot.co.uk/2016/08/zvinoitwa-panhova-yemwana.html
16	Tange tichitamba nokukisana nomukomana wangu. Ndaona mb**o yake kukura kwayo. Hazviiti kuti tikaroorana akwanise kuvata neni. Ndomuramba here? Asi ndomuda dai pasina dambudziko iri.	Varume chombo chinokura kuva pakati pe 10 cm ne 18 cm. Mhomho yese iri pakati pe 14 ne 16 nokukora 14cm. Hakuna munhukadzi akambohi chombo chatadza kukwana. Mukadzi wese anotatamuka zvokuti chero chikuru sei chinopinda zvakanaka chose vese vachitonakigwa nazvo. Asi unofanira kungohwisisa kuti motanga matamba sezvamange muchiita kusvika iwe wanyorova zvakakwana. Uyezve pakupinza kana uchifunga kuti chomo chikuru ndiwe unochibata wochipinza zvishoma nezvishoma. Chapinda mombomira makadaro uchidzidza kufemereka une chombo mukati. Wega unotohwa nyama dzako dzichizvimirira nokudavira kuti une chomo mukati. Zvadaro ndiwe unotanga kufamasa chiuno kuti murume agoziva kuti wava kuda kuswa. Zviri nani kana iwe uri pamusoro pemurume.
17	chii chinokonzera kuita weti kazhinji uye iri shoma	Kuita weti kakawanda pazuva zvinoreva kuti wava ne chigwere che 1 DIABETES 2 Cystitis 3 Prostate 4 Infection Kana zvimwe zvigwere zvakatowanda zvinopfuura 16 zvinokwanisa kukinzera nyaya iyi saka kasira kundoonekwa nevarapi uudzwe zvokuita.
18	Kupfeka tsangamidzi kuzasi kwakanakei?  Kuisa Ginger muchituu.  Most foolish thing	Izvi zvinoitwa nemunhu anohi GINO, asingahwisisi zvaari kuita. Hakuna chinofanira kuitwa zasi uko. Zvikuru kwemunhukadzi. Usaisa chinhu chisiri TAMPON kana chombo chomurume mukati mako usina kuhwisisa kuti chinotanga chagezwa sei. Zvinhu zviese zvhinokwanisa kusiya RESUDUE mukati usatomofa wakazviisamo. Vanhu musaudzana nhema. Unozviitisa mamwe ma INFECTION asina kufanira. Kana une chigwere chauri kuzama kurapa enda kwamurapi upiwe mushonga urapiwe, kwete kuudzwa nhema nepenzi emuraini.
19	Kugutsa murume pabonde kunoitwa sei?	Kugutsa murume kunobva pakudzidza kutaudzana muchiisana. Dzidzai kuhwisisana nokuudzana zvinokunakirai. Kutererana nokuita zvarebvwa noumwe. Murume haanetsi kugutsa nokuti varume vakawanda vanongoda mukadzi anohwisisa kuti kuisana ndekwevanhu vaviri kwete kuno kwindi sewafa murume achizama kuti muisane Ratidza kuti uri mupenyu. Shadisa chiuno, batirira murume, chemerera, wana mukna wekuti murume anatse kuva pedo newe. Kwira murume Wirirana nechombo chemurume. Farira kuisana nomurume wako. Usakundwa nemahure. Une nguva yokupurakitiza kupfuura yemahure.
20	Chii chingakonzera kurwadza nekubuda mvura mumazamu usina nhumbu?	Vanhu jairai kuti ukahwa kugwadza panhengo yemuviri pausingasihwi kugwadza, wokasira kundotariswa woudzwa chilonzero. Pano tinokwanisa kukuudza zvikonzero zvakawanda kana zviripo asi kuti tizoti chako chaicho ndechipi zvonetsa. Saka kasira kundoonekwa. Kubuda mvura kana mukaka chaiwo usina mimba zvinokwanisika kune vakawanda zvichikonzegwa nezvinhu vakanaka zvinoti : 1 Kuwanza nokufarira kuiswa nomurume wako 2 Kugaromwiwa mazamu nomurume wako une zemo 3 Ku garozvibatabata mazamu iwe muridzi. 4 Kuva nemimba usingazivi kuti unayo. Kuitazve zvimwe zvakaipa zvinokonzera nyaya iyi sokuti une chigwere chinohi MASTITIS. Kotizve kana ukabatabata mazamu ukahwa muchiita semune mapundu kana kuomarara, kasira kundoonekwa. Pamwe inongori INFECTION as kasira kundoonekwa
21	Nzira dzoku**irana nadzo kuti mukadzi afare ndedzopi?	Kuti munhukadze agare ane mufaro pamurume wake murume anofanira kutaridza rudo pese pese kumukadzi wake. Kuzoti kuvata naye zvakanaka ngazvibve parudo zvoenda pakuvatana kwete kufunga uti kungovatana kwega pasina rudo kungafadza mukadzi. Mukadzi wako harisi hure rako raunopa mari kuti ribvise bhurugwa. Mukadzi wako anofanira kuva shamwari yako yepamoyo. Kana monovatana usafunga kuti anodei kuti afare, mubvunze kuti anoda kuiswa sei iye akuudze zvinomufadza. Unofungira munhu aripo zvaita seiko. Rega iye akuudze zvaari kuda. Mukadzi ndiye anofanira kuva Manager wezvemumba. Rega aite basa rake. Iwe zvako ndezvokugarden uko nokumunda.
22	Kunzwa weti ndichisvir** kuri nNormal here?	Kune vanhukadzi vakawanda vanohi vanoweta pakuiswa. Ari haisi weti inobuda. Umvura usina munhuhwi. Kana ukahwa uchida kuweta pamunenge muchiita usazvishinya kuti usaweta. Rerusa muviri uudze murume aramba achiita Ukaweta saizvozvo unohwa kunakigwa kuri pamusorosoro kwekanguva kanoita kota ye miniti asi hauzvikangamwi. Murume wako achazvifarirawo asi unofanira kumutsanangurira kuti haisi weti uye kuti ndiye azvikonzera nokunaka kwake.
23	Murume wangu haatauri kana tichiita basa pamubhedha. Anongoita akanyarara, opedza ovata, pasina zvaataura kunge pasina chaitika. Handizivi kuti anonzwa sei pazviri. Tave nemwedzi miviri taroorana.  Ndoita sei?	Varume vakawanda vanokomurena chose chose kuti vakadzi vavo havafakanyiki pakuiswa uye havatauri. Ukuwo vakadzi vakawanda chose vanokomburena kuti varume vavo havatauri pabasa. Iyi inyaya inoda kuhwisiswa chose kut pakuvatana zviri nani kutaudzana nokutererana kuti umwe noumwe ari kuhwa sei kuti mese muzive zvokuwedzera nezvokuderedza. Kungoti zii, zvoita sokuti hamuzivani. Kana mabvumirana kuti nyaya ndeiyi, motangawo nokuwedzerana zemo pakubatana batana nokupurudzirana nokunanzvana nokumwanana munyatso kusvika iwe muridzi wemurume wanatsonyorova ukuwo uchibata chombo chake uchihwa kuti chava nesima rakafanira. Iwe taudza murume. Bvunza mivunzo kuti anoda kuisana sei nhasi. Muudze apinze chigumwe mukati mako ahwe kuti manyorova here akuudze. Pamunenge muri pabasa bvunza kuti zviri kunaka here akupindure. Ugomuudza kuti unofarira kuudzwa kana zvichinaka. Mapedza muudze kuti wahwa sei pazviri ugomubvunzawo kuti ko iye ahwa sei. Kutaura kwevaviri kunobva pakutanga kutaura kwemunhu umwe chete.
24	Ndingashandisa here mushonga wekumisa chombo?
25	Varoyi zvidoma ne zvikwambo kuharare zviriko here?	Harare yese haina kana muroyi umwe chete. Haina chidhoma, Haina chikwambo. Ndinodaro nokuti zvinhu zvese izvi mupasi rese hakuna. Dai zviriko dai Mugabe akatorohwa nezvidhoma zvemuroyi wacho wekuharare. Kutaura nezvevaroyi kana zvidhoma, kana zvikwambo, dzinongoriwo nyaya dzokuita kana vanhu vaperegwa.
26	Kubata pamuviri uchiyamwisa kwakaipa here?	Vakadzi vakawandisa vanobata mimba mwana mukuru asai arumugwa. Hapana chakasipa pazviri uye hapana chingahi chakaipa. Mimba ndeyemwana ari mudumbu. Uyu mwana mukuru haanei nayo chake kumwa mukaka wezamu zvinova zvisinei nokut une mimba here kana kwete. Kare vanhu vasina ruzivo vaifunga kuti mukaka wamai vane mimba unokwanisa kukanganisa mwana anoumwa. Uku kwaingove kufungawo kwavanhu dzidzo isati yanatsobuda pachena. Hakuna chakaipa chingaitika kumwana ari mudumbu kana kuti uyu ari kumwa mukaka. Chiripo ndechokuti mai vevana vanofanigwa kuhwisisa kuti muviri unoda zvaokudya zvakakwana kuti ukwanise kuita mabasa maviri awa kuti uku uri kuumba mwana uku uri kugadzira mukaka weumwe mwana saka kana mwana ati kurei rumura mwana. Asi kana achiri mudiki imoramba uchimwisa mwana. Munhukadzi akazvara, anokwanisa kuita imwe mimba kusina kupera mwedzi miviri kana murume wake iri nhuu asingadi kumirira 6WEEKS zvinokurudzigwa. Kana akamirira anokwanisazve kungobata mimba ipapo.
27	Kunhuwa mukanwa kunopedzwa nei	Kana uchiziva kuti uri kunhuwa mumuromo zvoreva kuti une mazino akaora saka enda kwaDENTIST. Kana usina mazino akaona unenge une ma Bacteria anokonzera kunhuwa. Imbosiyana ne TOOTHPASTE uende kusupermarkets utenge BAKING POWDER woisa pa TOOTHBRUSH wokwesha mazino nayo yakawanda. Wokwesha zvese nemazino ekumashure, ekumusoro, ese zvawo. Woita mazuva matatu uchidaro katatu pazuva. Zvadaro wodzokera kuTOOTHPASTE. Kukapera mwedzi womboitazve zve Baking Powder.  Isaishandisa nguva refu nokuti inodya mazino. Asi inouraya maBACTERIA uye inobvisa zvimwe zvimatombo zvinohi PLAQUE zvinogara maBACTERIA acho.
28	Unonzwa kudii kana nhumbu ichibata	Mimba haiati nguva yaunopiwa urume nomurume wako. Inokwanisa kuzobata kwapera mazuva maviri kana matatu. Mima zhinji dzinobata masikati anotevera iwe wapiwa urume manheru akapera. Hapana chaunohwa panobata mimba. Unotozoziva kwapera mavhiki anopfuura matatu wotanga kuhwa muviri kusiyana. Pamwe hautomozivi kusvika mwedzi nehafu. paunotanga kuda kurutsa.
29	Mushonga unoita kuti mazamu amire	Veduweeka, siyanai nezvemishonga mishonga izvi. Munhu ita zvinokupa utano hwakanaka chete. Kwete kungoti pese pese woita zvemishonga. Verenga pakahi Kusimbisa mazamu http://maichibwe.blogspot.co.uk/2013/01/kusimbisa-mazamu.html
30	Murume anozvarisa ane mabhora akaita sei?	Zvokuti mabhora emurume akaita sei kazhinji hazvina basa. Chine basa ndechokuti murume ane mabhora uye anobudisa urume pakuisana kwenyu. Kuti urume hukwanise kuitisa mimba zvinobva noutano hweurume. Kune varume vanoita urume hwakaremara. Koita mhomho yese yevarume vanoita urume hwakavhengana hwakanaka nehwakaremara. Verenga apo pakahu Kuremara kweurume http://maichibwe.blogspot.co.uk/2015/08/kuremara-kweurume.html
31	Zai remukadzi rinofamba sei?	Munhukadzi wese wese anozvagwa achitori nemazai ake akakwana okuita vana vaanoda kuita asi nyaya iripo ndeyokuti akazvinonokera mazai anopera. Mukadzi anokandira zai kubva kuchikandiro chokuruoshwe kamwe chete pamwedzi miviri, chokurudyi kamwe chete pamwedzi miviri. Zvikandiro zvinochinjana kukandira saka mukadzi achienda kumwedzi kamwe chete pamwedzi. pese paanoenda kumwedzi anoshandisa zai rimwe chete. Kana akabata mimba kumwedzi kunomomira saka anochengeta mazai ake. Kana azvara, kukapera vhiki nhatu muviri unodazve kutanga nyaya yokumwedzi kureva kuti anokwanisa kubata mimba futi. Paanozosvika makore 40 mazai aya aakazvagwa nawo  anenge apera nokuda kwekuenda kumwedzi, zvobva zvagumira ipapo, kumwedzi haachaendi, mazai haachakandiri. Vamwe vanopera mazai vari vaduku. Zvinotangira pamakore 32 zvichibva nokuti wakazvagwa une mazai mangani. Vamwewo vanokandira kusvika kuma 50. Kana apera apera hapana zvokuita.
32	Ukaenda kunoongororwa kuchipatara wowonekwa usina nhumbu asi usingaendi kumwedzi chikonzero chii	Zvinoitisa kuti usaenda kumwedzi zvakawanda as zvimwe zvacho zvinoti 1 Kuva nemumhu mukuru zvokuti BMI yako inpfuura 30. BMI inowanikwa kana watora Uremu hwako (weight) huri muma kg, wodhivhaidha nourefu hwako (HEIGHT) kaviri. Nhambha yaunowana inohi BMI inotaridza kuti wakakoresa here kana kuondesa kana kuti uri nani. Inofanira kuva pakati pe 17 ne 24 Kana iri pasi pe 17 unokwanisa kumira kuenda kumwedzi nokuda kwekuondesa. Kana yapfuura 30 unokwanisa kumira kuenda kumwedzi nokuda kwekukoresa. 2 Kana watanga kumwa mapiritsi ekudzivirira mimba unokwanisa kumboita nguva usingaendi kana kuti uchienda kaviri pamwedzi. 3 Kana uri munhu anoita ma EXERCISE akawandisa 4 Kana wava nemakore anopfuura 35 unokwanisa kunge wapera mazai anova ndiwo anoendesa kumwedzi. 5 Unokwanisazve kunga waita chigwere chezvikandiro zvemazai. Enda undoonekwa kana usina chimwe cheizvi. Kana unacho, zvimwe zvinogadzirika gadzira kana uchida kuenda kumwedzi kwacho. Vamwe havadi.
33	Zvinokwanisa kuitika kana wawanzisa mapiritsi ekudzivirira mimba zvii?	Kuwanzisa mapiritsi emimba kunoitisa ubude ropa muchibereko. Kuhwa kuda kurutsa Kutorutsa chaiko Kutanga kuenda kumwedzi Ndizvo zvingaitika. Usagaroita tsika yokuwanza mapiritsi awa. Zvinokukanganisa muviri wako kana wazoda zvemhuri.
34	Vasina matinji vanorambwa here?	Sokuziva kwangu kusaziva kushandisa chiuno pamurume kunorambisa vakawanda, zvikuru kungoti kwindi sewafa murume achida zvinhu zvake. Hakuna murume ane basa nematinji kana ava murume ava nemakore anopfuura 25. Zvikomana zvemuraini ndizvo zvinotaura nyaya dzematinji kumombe. Murume kana aroora anokasira kuhwisisa kuti kuisana kunonaka zvisinei kuti mukadzi ane chii. matinji makuru, magaro, mazamu, chii zvacho. Chikuru ndechokuti mukadzi anofarira kuisana nomurume wake uye mugere zvakanaka. Pakuisana unofarira kushandisa chiuno nokuita zvinodiwa nomurume wako, kumuvunza zvaanoda, kumuratidza kuti unonakigwa nokuiswa. Haumohwi achikubvunza nezvematinji, Matinji anonakidza mukadzi kwete murume. Totizve hakuna mukadzi asina matinji sokuziva kwangu. Kungosiyana saizi yawo chete. Varumewo vakangosiyana saizi dzezvomo asi vese vanongonaka zvakadaro waniko. Hakun akarambwa achihi ane matinji mapfupi akana kuti chomo chidiki kana chakakurisa.
35	Chibereko chii uye chiri papi?	hibereko chiri mukati memunhukadzi uye mukova wacho uri kuchitubu. Basa rechibereko kuumb mwana kana mukadzi ane mimba. Mwana ndimo maanokurira saka chichihi chibereko. Kana usina mimba chibereko chibereko chako chinenga chakaita se muchero uya unohi PEAR asi chakatarisa pasi chakarereka zvishoma. Mukova wacho unogara wakavharika ne PLUG yemadzihwa kuti zvigwere zvisasvikako. Mukova wacho mudikidiki zvokuti kana penzura haikwani. Asi ndipo panozokura zvokubuda nemwana. Kana ukaita zemo, pameri pese panozvimbirira bhinzi yomira, matinji ese ozvimbirira, chitubu chotsonga kuita chidiki kuitira kushinya chombo kuti murume atunde urume ari mukati. Chitubu chinoreba kuti chombo chikwane chosunda chibereko kuendesa kumusoro kuzvimba kuya kudhonza dzimwe nyama dzomukati kuti chiereko chinangane muromo wacho nenzira yechombo. Murume paanonotunda urume, anohuudisa hwakananga muromo wechibereko uye hune sipidhi inopguura 28km/h. Kana mukadzi akanakigwa kusvika pakuita ORGASM, chibereko chinopomba pomba zvokuita somunhu ari kusvita fodya kana tii. Chichikurudzira urume huya kunanga kumukova wacho. Kana mazuva ako ekumwedzi ari pokuti une zai, unokwanisa kuita mimba. Urume hunogara mukati memukadzi mazuva matatu kana mana zvokuti ukaiswa nhasi unokwanisa kuzobata mimba kwapera mazuva.
36	Chibereko chinogezwa sei.	Chibereko chinogezwa kuchipatara chete. Haukwanisi kuzvigeza chibereko nokuti chiri mukati memuviri.
37	Murume nemukadzi vanosangana kangani pavhiki?	Kusangana kwemurume nemukadzi wake zvinobva nokuti vanoda kusangana kangani. Kana vachangoroorana vanosangana kakawanda. Vamwe vaoita katatu pazuva vamwe kaviri. Kana vazojairana vanokwanisa kamwe chete pazuva ndivo vakawanda verudzi gwedu. Zvinobvawo nokti mune makore mangani uye munoita mabasa api. Kana murume apfuura makore 50 anoderedza kuvata nomukadzi wake. Kana mukadzi apfuura makore 30 anowanzofarira kuwedzera kuvata nomurume. Saka panokwanisa kuita damudziko kana mukasapangwarira.
38	Chii chinokonzera kuti vakadzi vaite ngochani?	Ngochani dziri kwese. Dzechirume ndidzo dzakawanda kupfuura dzechikadzi. Chikonzero hachizikamwi asi kune fungwa yokuti zvinoitiswa nokukanganisa kuumwa mudumbu ramai. Chiereko chinenge chatadza kuhwisisa kuti munhu mukomana here kana musikana chogadzira ari pakati nepakati. Koitazve vamwe vanozvisarudzira kuita ngochani Koita vamwe vanoitiswa ngochani nezviitiko zvinoitika muupenyu hwavo vari vanana. Sokuti musikana mudiki akabatwa chiharo nomunhu mukuru anokwanisa kukura achitya varume. Mukomanawo akabatwa chibharo noumwe murume zvinokwanisa kumukanganisa fungwa. Zvikonzero zvakawanda asi ngochani panyika dzese ishoma pane vasiri ngochani. Kune vanoita zvechingochani asi vachiitazve zvisiri. vanohi BI-SEXUAL. Kudya kwese. Kutsvaka zvikonzero kutambisa nguva. Chikuru kuhwisisa kuti usarorana nomunhu ausingabvumirani naye panyaya iyi.
39	Ndiri kuvata nemukomana ana makore 27. Ini makore 44. Zvine basa here kusiyana makore?	Kuita basa pane zvipiko? Matadza kuisana zvinogutsa here? Dambudziko chairo rabva papi kusvika pakuvunza? Murume ane makore 27 haazi mukomana. Murume anotokwanisa kukuchemeredza pakuisana kwenyu. Haana kusiyana nemurume ane makore 50. asi kungoti iye haakasiri kuneta saka pamwe anotori nani pamudhara mukuru.  Vanhu dzidzai kuisana makasununguka pahana. Chakaipa chihure chete, kwete kuti maroorana moisana. Chakaipa ipapo chingava chii?
40	Mubobobo ichokwadi here?	Murume/mukadzi anongoisana nemunhu wese wese hakusi kuti ane mubobobo asi kuti munhu anongodawo hake kuhura. Hakuna mushonga unoitisa munhu ahure. Kana ukamuwana kasira kundinyorera ndikuwanire ma CUSTOMER anopfuura 200 million vhiki isina kupera. Unokwanisa kufuma kupfuura vana Chiyangwa nana Bill Gates naana TB Joshuwa.
41	Kana uchibuda zvinhu zvinenge masperm problem chii?	MaSPERMS hachisi chinhu chinooneka nemazosi pasina MICROSCOPE. Urume (SEMEN) ndihwo hunooneka. Kana uchibuda discharge muchitubu hapana chakaipa. Chitubu chinozvigeza chega chichibudisa zvachageza zvichinge DISCHARGE inokwanisa kunge yakacheneruka kana kusvibirira hazvina basa. Zvinobva nokuti inguvai yomwedzi. Pavhiki yokukandira zai  DAY 9-16 Discharge inowedzera kuwanda. Chaunofanira kutarisa munhuhwi weDISCHARGE. Kana ichinhuhwa zvisirizvo une INFECTION. Kana isinganhuhwi hapana chakaipa. Vakadzi vakawanda vanonyorovesa mabhurugwa kusvika pakutipfeka LINER muhurugwa kuti DISCHARGE isamushusha ari kubasa. Kana uchigarohwa zemo mumuviri DISCHARGE inowedzera nokuti ukaita zemo unonyorova zasi wakamirira kuiswa nomurume. Kana uri murume uchibuda DISCHARGE inenge urume, zvoreva kuti une Siki. Kasira kundorapwa nokuti siki hadzidi kunonokegwa. Pakuzobuda DISCHARGE zvotoreva kuti wakatononoka. Ukatarisa kuti wakavata nemukadzi riini patori nemazuva.  Dzidza kushandisa kondhomu nomukadzi asiri wako. Usavata noumwe munhu kusvika warapwa ukahi wapora.
42	Kugadzira nzira yemwana	Ko mwana anogadzirigwa nzira kuti aendepiko? Haa  kutama hangu. Mwana hapana nzira yamunozvinetsa muchigadzira. Nzira inozvigadzira yega kana nguva yakwana yokuzvara. Muviri wemunhukadzi newemhuka dzese dzechikadzi unoziva kuti nguva yokuzvara yakwana wogadzira nzira yokuti mwana abude nayo. Hapana chaunofanira kuita. Zvinoitika zvega.
43	Kuvatana nomukadzi wemunhu kwakaipei.	Kana murume wake akavata naye anomusiira urume mukati. Hunogara mazuva anopfuura mana huri upenyu mukati make. Iwewo wozosvikapo wopinzawo chombo chako ipapo chidhidha muurume hwemuridzi wemukadzi. Kureva kuti iwe njere chaidzo hauna. Chiremera hauna. Wangova munhu pakutarisa asi wakafanana nemhuka. Ndiko kuipa kwazvo tisati tatanga kuttaura nezvesiki yamuchaita mese mhuri yako neyemukadzi iyeye. Handioni sokuti unenge une njere.  Chaunodira urume hweumwe murume iwe usiri ngochani chii?
44	Nhumbu inobata here uchangobva kumwedzi	Inobata kubva pa DAY 9 kusvika pa Day 17 tichitanga kuverenga kuva pazuva tokutanga kuenda kumwedzi. Mima hainetsi kubata kune vanhu vakawanda. Kungoti zhinji dzinobva dzega neinohi SPONTANEOUS ABORTION zvinova zvinoitiswa nokuti chibereko chikaziva kuti chakanganisa kuumba mwana chinoramwa basa mwana wotobuda. Asi zvinoitika pamwedzi wekutanga zvokuti hautomozivi kuti wange wamboita mimba.
45	Kuiswa nemwana wemurume kwakaipei	Kare zvaibvumidzwa kuti ukanowanikwa pabarika vahosi vava munhu mukuru ane vana vakura iwe uchiri musikana wechidiki, murume akazofa waigagwa nhaka nemwana wemurume. Zvikuru kana ari mukuru pauri kana kuti muri vezera rimwe. Mazuvano hazvichabvumidzwi asi kuvatana nomwana wemurume zvinoitika chose, zvikuru kana murume akura asisagoni basa asi ane vana vakura. Mainini vebarika havasi mai. Unongohi mukadzi wababa kana kuonekwa sehure rababa. Asi zvinosemesa kuhi unovata nomunhu uku ugovatazve nemwana wake.
46	Chikapa chengwena chinoitwa sei	Chengwena motonoongorora ngwena dzichiita. Pano tongoziva chevanhu chete. Chinoitwa chero maitire amada imi vaviri pakuvatana kwenyu. Ukatanga kuita PRESCRIPTION yechikapa zvoreva kuti kuisana hakuchanakidzi nokuti mava kuita maitire asiri enyu. Munhu zivana nomurume wako uye kuti anofarira chii iwewo kuti unonakigwa nei pakuiswa. Zvadaro chijairiranai pachenyu mopanana zvinogutsa. Kana murume asipo fanofunga kuti uchamuitirei kana auya. Chikapa kuona kuti pakuiswa unoratidza kuda kuiswa, unoshandisa chiuno kugamuchira chomo chomurume wako, unobatirirawo nokuona kuti murume ahwisisa kuti uri kunakigwa nezvamuri kuita.
47	Kuisa Vicks pa chombo chomurume before sex zvinoshanda here?	Zvinobva nokuti unoda kuti zvishande chii. Hwisisa kuti Vicks ndeyegosoro. Kana ukaiisa kuzasi unokwanisa kusvuuka pamunokoirana. Asi vamwe vanoti kana murume akaikzora pachombo chake chese akakwizakwiza kuti inatsekupinda muganda, akazoti kwapera kuda hafu ye awa, okwizazve imwe VICKS, pedzezvo ondogeza chombo nemvura inodziya, mobva mandoisa, zvinobatsira kunonotsa murume kukudiridzira urume kureva kuti uchawedzera kunakigwa. Tese tinoziva kuti chombo hachiiti gosoro.  Hwisisa kuti kune vanhu vane ALERGY ye Vicks.
48	Murume wangu ndinofarira kusv**wa naye chose asi akangotunda hakuperi one minute asina kubatwa nehope. Chirwere here kana kuti ndozvinoita varume vese.?	Kufarira kwako zvoreva kuti murume anoshanda zvinesimba uye zvinoita apere simba. Kana iwe waguta chaachagarira akasvinura chiiko. Rega avate hope dzakanaka. kana zvichikudya moyo uchida kutaura naye mutaudza kwachena. Usiku ukapepuka ukaisa ruoko pachombo chake abvete chinomira futi zvokuti unokwanisa kutomumutsa moita futi, kana kumirira mangwanani. Varume vakawanda vanohi vanoita hope nokukasira kana vabuda urume. Hapana chakaipa. Varaidza murume wako kuti kana achiita hope iwe uve chinhu chokupedzisira chaanoziva.
49	Pane mushonga wekuti murume wangu awedzere kundida here?	Uripo chose uye unoshanda kune varume vakawandisa. Unohi "Mukadzi ane rudo kumurume wake" Kana ukataridza kuwanza rudo kumurume uchaona iyewo otaridza kukuda chose. Ita nyaya nomurume wako usingaiti nharo naye. Ita nyaya dzinofadza uye dzinosetsa murume agare ane mufaro mumba. Zvipe kumurume wako aite sharaude newe. Kwete kumirira kuti iye akumbire ichi neichi, bodo. Kana akaneta ukaziva kuti akaneta muisire mvura yokugeza ugopinda naye mubvavhu womugezesa semwana. Pakunovata, mirira murume wako kana kumukwezva kuti muchienda kunovata, kwete kuti uyu nguva yake uyu yake. Chero mumba mune mari chero musina taridza rudo. Usafoya murume wako. Ndiwo mushonga wakuti akudewo saizvozvo.
50	Kurota uchiona honye zvinorevei?	Kurota kunoitiswa nokuti fungwa hadziiti hope. Fungwa dzikamira kuitika unofa. Kurota zvoreva kuti waifunga honye uri kuhope. Pane chakaitisa kuti ufunge honye chinokwanisa kunge chaikufungisa honye dai wange usiri kuhope. Kurota kazhinji kunoitika mazuva ese asi kungoti tinokangamwa zvatarota nokuti hazvityisi. Honye dzinotyisa ndoosaka usina kukangamwa. Asi kuti zvinorevei kazhinj hapana zvazvinoreva asi kungoti ndizvo zvawakafunga uvete.

Kuchemerera ndekwevakadzi chete here?

Pakuvatana zvinozikamwa kuti mukadzi ane murume anohwisisa muviri wemukadzi wake anonakigwa kashanu kupfuura kunakigwa kwemurume. Izvi zvinobva pakutarisa maNERVES ari pabhinzi yemukadzi tichimaenzanisa neari pamusoro wechombo chomurume. Zvinoonekwa kuti bhinzi iri mberi chose.

Kutizve mudzi webhinzi unopatsana woti hafu uku hafu uku kumativi echitubu zvokuti chombo chiri mukati make chichikwiza mativi awa, maNERVES aya anodavira kuno kubhinzi. Kana mukadzi akazowanazve mukana wekuti uku ane chombo mukati, uku ari kukwizirigwa bhinzi, zvinonaka chose chose.

Zvinofungigwa kuti kunaka uku kunowanda zvokudzungaidza fungwa kusvika mukadzi atanga kuchemerera, kureva kuti kuchemerera iratidzo yokunakigwa nekuvatana nomurume. Kotizve kana murume akahwisisa bhinzi akada kushamwaridzana nayo, Mukadzi wake anongogara ari munhu anochemerera iri nyaya yokudzungaidzwa fungwa nemanakire azvinoita.

Kana murume achikoira mukadzi, Zvikuru kana murume apinza chombo zvisina kudzika, sokuti hafu yechombo murume oshanda nehafu chete achishanda asi achipota achinyudza chombo chese zvinova zvinoitisa PANIC yekunakigwa nechombo. wega unongoerekana wotochemerera pasina zvokuti wazvifunga. Kotizve kuisana nemutovo unonaka, sokukwira murume makatarisana kana kufongora murume opinda achibva shure. Zvese zvinokonzera kugofiwa panhu panonaka. Kunyarara hazvigoni.

Saka apa tiri kubvunza kuti imi varume, pane paunombonakigwawo here kusvika pakuchemerera mukadzi wako, zvisiri zvokutofunga kuti "Rega ndimbochemerera." asi kungoerekana zvatoitika kubva pakunakigwa kuti pamusorosoro?


Tiudzeiwo kuti munohwa sei.

Kukudza bhinzi.

Bhinzi kana imire muridzi ane zemo, inokwanisa kureba kubva pa 5mm kusvika pa 5cm zvichibva nokusiyana kwevanhukadzi. Kunakigwa kwava hakunei nokukura kwebhinzi saka hapana chakaipa pasaizi yebhinzi. Asi kungoti kune vamwe vane bhinzi dikidiki vanoona sokuti zviri nani kuva nebhinzi yakati kurei.

Tisati taenda mberi nenyaya iyi hwisisa kuti kune varume vanotyiswa nebhinzi zvokutoitiswa buka nayo kana yakakurisa. Koitazve vamwe vakadzi vane bhinzi huru chose kuti uku yakareba uku yakakora zvokutoti chero asina zemo inoonekera.

Koitazve varume vanoda bhinzi hombe. Iwe zivana nomurume wako nezvaanoda. kugaroisana mumba chinhu chakanaka. Mukadzi ndiye MANAGER wekuisana saka ndiye anorongera murume zvokuita. Ukasvoda murume wako ndiwe unoita dambudziko. Wana mukana wekuitisa murume wako zemo pese pese. Ukatanga nyaya yebhinzi akangoijoinira chete kana kubvunza mubvunzo, hazvichaiti kuti asamira chombo. Watowana mukana wekuiswa.


Bhinzi inonaka kutambwa nayo nomurume uye kutamba nayo wega iwe muridzi. Asi kukura kwayo hakuna basa. Chine basa kungoziva pairi chete uye kuziva makwizire aunofarira iwe. Zvadaro chidzidzisa murume maitigwe azvo iyewo achikudzidzsa mabatigwe echombo chake nemaoko muchikwizana musina kupfeka.

Kune vanoti ivo bhinzi yakati kurei iri nani kana une murume anohwisisa nyaya yokumwa bhinzi semunyatso kana kuikwiza norurimi. Kukwizwa bhinzi norurimi gunodziya kunonaka chose chose uye kunobatsira kukasira kutunda kwemukadzi. Bhinzi ir kumusoro kwechitubu saka hakueredzi sezvinoita mukati mechitubu. Kune varume vakawanda vanogaronyora vachihunza kuti zvekunanzva bhinzi zvineutano here? Chokwadi ndechokuti kana mese musingahuri uye mese musina zvigwere, kunanzva bhinzi kunonakira mukadzi wako chose kupfuura kupinzwa chombo saka ukatanga wambomusveta bhinzi ukazipedzisa nokupinza chombo unoita munhu anodiwa chose nomukadzi wako.

Iyewo akakusveta chombo akazopedzesa nokukuti pinza uchanakigwawo chose asi zvinohi bhinzi yomukadzi ine ma NERVES akawanda chose kupfuura ari pamusoro wechombo chomurume. Saka mukadzi anokwanisa kunakigwa kukupfuura, kana uchihwisisa kuti maitire anomunakura ndeapi.

Kukudza bhinzi kunokwanisika kana ukashandisa pombi dzokukurudzira ropa kuti riuye pabhinzi kwenguva refu. Pane zvipombi zvinoshandiswa kupomba bhinzi kusvika yazvimba iri mukati mepombi yacho. Womboisiya yakadaro kwenguva wozobvisa. Wopotazve uchiita nguva nenguva. Uchaona bhinzi yako yoti ukaita zemo inoti kurei kupfuura zvayange iri.

Pombi dzacho dzine mazera akati siyane asi dzinoshandiswazve kukudza minyatso. Varume vanofarira mazamu ane minyatso mirefu. Kana zviya muchiisana murume ari pamusoro ukamukweva musoro womupa munyatso unozvionera wega kuti anofarira kumwa zamu serusvava uye zvinokuitisawo zemo iwe. Minyatsi inomira kuti twii kana murume achitamba nayo.

Zvipombi zvacho zvinokurudzira ropa kuuya kumunyayso kuti umire. Ukajaidza munyatso kumira kwenguva refu inozoita sokuti yareba asi zvinohi inongoti korei zvokuwedzera kuonekera. Zvinohi varume vashomanana vasinganatsofarira minyatso murefu kana mikuru.

Ko varumewo? 
Patakatanga kutaura nezvipombi izvi.  Zvakaonekwa kuti zvinouya zvakatonyogwa kuti UNISEZ, kureva kuti vese varume nevakadzi vanokwanisa kuzvishandisa paminyatso, zvichitoonekwa kuti inowedzera kukura.

Saka mubvunzo wobva ipapo ndewekuti ko sei chombo chisingakudzwi nepombi yakadai. Pombi dzechombo dziriko chose uye dzinoshandiswa nevarume vakawandisa. Asi zvinohi dzinongoshanda kuvhura tsinga dzinomisa chombo kuti dziwedzere ropa rinomisa chombo, chobva chagwinya pakumira. Zvinohizve chombo chinokwanisa kuti wedzerei kukora asi kureba hachiwedzeri kureba, zvisinei kuti washandisa pombi kwenguva yakadii.

Tese tinoziva kuti pachombo kukora kuri nani chose pakureba kana tichitarisa kunakigwa kwekukwiziwa mukati nechombo pakuiswa nomurume. Vakadzi vakawanda vanonetseka pakushinnya chombo asi vasinganetseki pakuti chapinnda zvakadii. Vakadzi vakawanda chose havatombohwi kudzika kwekupinda kwechombo pakuiswa, asi vanohwa chichikwiza madziro ekuno kumukova. Zvinoreva kuti murume ane chombo chikobvu anohwikwa kupfuura ane chitete chirefu.

Saka pombi idzi dzinokwanisa kuti murume akadzishandisa nguva refu chombo chinowedzera ropa rinosvika kwachiri, chowedzera kumira uye kukora mese monakigwa nazvo.

Koitazve kuti kugarobatabata chombo uchichipomba kudaro kunochijaidza kubatwabatwa zvokuti murume anokwanisa kuzononoka kutunda zvinova zvinonaka kumukadzi.

Saka apa tiri kuti kune mukana wekuwana zvekutambisa pakuita nyaya muchiseka henyu musina kupfeka muchirezvana. Kana mukatengerana zvipombi izvi munokwanisa kutombopombana makadaro muchifara. Chero zvikakuitirai, chero zvikatadza, munenge madzidza kuongororana pamberi uye munenge mamboita mwedzi wese muchiwedzera kuisana. Hapana chingahi chakaipa ipapo.

Yambiro
Kana ukapomba bhinzi zvakapfuuridza usina kujaira, inokwanisa kuzvimba uye kuramba yakazvima wabvisa pombi. Unokwanisa kugwadziwa zvokutozotadza kuiswa musi iwoyo, pamberi pachigwadza.

Udzai Vamwe!!!

Nyaya Ye INSURANCE parudo.

Mazuvano kune vanhu vakawanda chose vanoshandisa vara rokuti INSURANCE kureva kuti iye munhu abva zera ane mukomana/musikana waari kudanana naye uye waari kuda kuroorana naye, asi haana vimbo yokuti musikana/mukomana wacho anomuda zvakafanana uye achada kuroorana naye zveshuwa.

Saka anotsvaka umwezve wekudanana naye anohi ndewe INSURANCE kuti kana nyaya ikakanganisika uko ndobva ndakasira kungozoroorana nouyu pasina zvokuita rimwe gore ndichitsvaka wekudanana naye. Kune vasikana vakawandisa vanoshandisa INSURANCE parudo. Varumewo vava kuzvitevedzera.

Nyaya dzakadai dzinobuda kana paita mimba woona musikana opomera uyu naponapo wopomera uyu. Zvoreva kuti vese varume vange vachipakurigwapo. Asi chero pasina zvokuvatana kune vasikana vanoita INSURANCE nokuda kwemaitire evarume pakuramba vasikana kwapera nguva refu vachidanana.

Saka pano toda kumbotarisa kuti INSURANCE inyaya yakana here kuva nayo kana kuti pane chingahi chakaipa here?

Kusiya vana vadikidiki pamurume warambwa

Kune vakadzi vava netsika yokusiya zvanana pamurume kana varambwa. Kwahi iwe ndiwe unoshanda une mari. Ini ndikaenda nevana ndinonovapei? Zvadaro mai vaya vanoenda kwavanoenda murume haachakwanisi kuenda kubasa nokuda kwekurera vana.

-------------------------------------------------------------------------------------------------------------

Kurambana kwevakaroorana kunokwira chose kana vagara makore anoita manomwe kusvika pagumi. Vazhinji vanorambana ndipo pavanorambana ipapo panguva iyi. Hazvina kunyatsobuda kuti chikonzero chacho chii asi zvinoonekwa sokuti  ndiyo nguva yavanenge vane vana vadiki vaviri kana vatatu.

Kana mhuri ine vana vechidiki vakadai, baba namai mumba vanoita mabasa akawanda kuti variritire mhuri yavo. Zvikuru mai vemba vanoswera nevana, voita manheru navo futi. Kuneta uku kunoita kuti vashaye nguva yakanaka nomurume wavo. Zvikashaya anobatsira kugadzirisa, uyewo murume akava munhu asinganatsi kuona zviri kuitik mumba make, zvinokwanisika kuti kurezvana kwamasiita kare kuya kunopera musingaoni kuti kwapera.

Kuzoti pepu moona umwe ava uko umwe uku, hamuchataudzani , mofunga kuti rudo hapachina, Kazhinji murume anotanga chihure. Varume akangofunga kuti mukadzi haasi kuvhura makumbo zvakakwana, hoyo onanga kumahure emuraini. Nyaya yenyu yemhuri yese yatokanganisika uye haichagadziriki.

Ukuwo mukadzi akangofunga kuti murume ari kuhura, otoona sokuti asaririra. Kune vakadzi vanofunga kuti kuhura kana murume ahura kunogadzirisa nyaya dzemumba. Zvinohi tafanana saka hapachina anokwanisa kupopotera umwe. Kwahi iwe wakanakigwa nehure iniwo ndikanakigwa nechikomba saka ini ndikakuregerera iwe unofanira kundiregererawo. Hazvifambi saizvozvo. Muhume uya anohura anobva atoona sokuti awana mukana wekuramba mukadzi kuti adanane nehure zviri pachena. Zvikuru kana hure risina vana richingoti chero parahi bvisa bhurugwa robvisa.

Kana mazorambana, munorambana zvine hasha chose mukati nokuti umwe noumwe anenge asingadi kuregerera umwe kuti nyaya ipera mutange kudananazve. Zvadaro imi munganakigwa henyu nokuhura kwenyu asi vana ndivo vane dambudziko guro rokuti upenyu hwavo hwatosiyana.

Ndipo pane nyaya yedu iyi yokuti mukadzi arambwa anobva oenda kumusha kwake osiya vana pamurume. Zvinoitigwa kuti awane mukana wekuhura zvakanana , kana kuti ashaise murume mukana wekuhura, kana kuti kuti atadzise murume kuenda kubasa zvisinei kuti iye haasi kushanda. Kana achishanda murume asingashandi, chinhu chakanaka kusiya vana nomurume kuitira kuti ape murume mari yokurera vana nayo.

Asi varume verudzi gwedu kurera vana pasina mukadzi havadi. Kugona vanogona havo asi vazhinji vavo havadi. Saka unozoona kuti maitire avo haana kodzero kuvana.

Totanga nomuadzi anosiya vana pamba kuti munhu akaita sei. Maitire evanhu verudzi gwedu ndeekuti mukadzi ndiye anorera vana. Hazvinei kuti anoshanda here kana kuti haashandi. Kana arambwa anobvapo nevana vake oenda kwake. Murume kana achida kuona vana ndiye anotevera kwakaenda mukadzi zvisinei kuti ari kumusha kwake here kana kuti kuchikomba chake.

Kusiya vana zvinoratidza munhu asina hanya nevana vake. Mhomho yese inozviona inomhura mai vakadai kuti munhu asina kodzero yokuva mai vevana. Tichitarisa tinoona vakadzi vakawandisa vanogara pamurume asingamudi zvachose asi achigarira vana vake. Ingari yokuti anohwa kushushikana pakuva achisiya vana vake.

Kana uchishanda usina nguva yokurera vana vako murume asipo, savaya vanochinjana kuti murume oshanda masikati, mukadzi oshanda usiku kuti vana vave nomuereki panguva dzese, kana mukarambana mai vevana enda nevana kana kuti murume okusiyai muma oenda hake kuhure rake. Zvadaro tsvaka anobikira vana asi gara nevana vako.

Kana ukabva pamba ukasiya vana, murume akatora hure akaisa mumba, haungazivi zvinoitika kuvana vako. Kana ukabva nevana vako, zvinokwanisika kuti unohura hako asi unohurira kuzhe kwemusha wauri kugara. Vashoma vakadzi vane vana vanounza chikoma mumba mune vana. Varume ndivo vasina hanya nokutiunza hure pane vana.

Saka apa tiri kuti dai zvaikwanisika gara nevana vako kusvika vava vanhu vakura zvokukwanisa kuzviriritira, toti makore 16 zvichikwira. 

Vana havafaniri kushandiswa kudzwanyirirana pakati pemurume nomukadzi. Kana musisadanani, hazvirevi kuti hamuchisina vana. Zvinoreva kuti matofanira kuwedzera kushandira pamwe kurera vana venyu. Ukaramwira murume vana kuti achitadza kuenda kubasa, zvoreva kuti svimari sviya zvaanga achiti svimwe kumba svimwe kuhure hakuchina svichasvika kuvana venyu. 

Kana tatsamwisana isu ngatisawedzera nhamo yevana. 

----------------------------------------------------------

Tongai tihwe vanohwisisa nyaya iyi. Pane vanodawo kupiwa mazano pairi.

Nyaya yokupfugamira murume

Ko nhai vanhu, nyaya yokupfugamira murume monoiwonawo sei? Tokumbirawo kuhwa mafungire evarume vedu. Unoda here kuti mukadzi wako akupfugamire kana kuti haudi. Zvinorevei kwauri kuona mukadzi achipfugama?

Kurudzi gwedu tinopfugamira varume vedu uye murume haadanwi nezita rake. Anodanwa nomutupo wake kana kuti nezita remhuri. Zvikuru kana mune vana nokuti vana murudzi gwedu vanokura vasingatombozivi mazita evabereki vavo. Ini ndakazoziva zit ramai ndapfuura Grade 5. Ndaingoziva kuti zita ravo ndimai.

Mumagarire edu amazuvano zvichiri kuita here kuti tinopfugamira varume vedu kana tiri tega uye kana pane veri kushanya? Zvinoonekwa sei nevanobva kune dzome nyinya. Zvinokudzwa nevanozviona here kana kuti zvinomhurisa? Iyi mibvunzo yatinoda kuzama kupindura as tisati taipindura tiudzeiwo mafungire enyu mese varume nevakadzi mudziba. Kana usina murume kana mukadzi tiudzewo kuti kana wazova naye unofunga kuti zvinofanira kuitwa sei.

Ini kazhinji ndinoona sokuti mafungire emurume wangu akakosha kupfuura angu saka kana akataura zvaanofunga zvikasiyana nezvandinofunga toita zvaanofunga iye. Asiwo iye kazhinji anoda kuti tiite zvandinofunga saka anoramba achibvunza kuti "Ndizvo here?" kana ndikati ndizvo, onyarara. Ndikati handizvo, toramba tichitaura nyaya yacho.

Murume akati Masibanda fongora, hazvinei kuti ndange ndichigunga maitire api, kungofongora pasina mubvunzo zvinoitwa zvoitwa tofadzana takadaro, asi pamwe anobvunza kuti unodei. Ndotaura zvandinoda. Iniwo ndikamutanira kubvunza kuti anodei zvaataura ndizvozvo.

Tongai tihwe vanotonga. Mese varume nevakadzi.

Ivai ne Gore Dzva ra 2017 rakanaka

Tine mufaro kuti tachengetwa mugore ra 2016 tikaripedza tiri vapenyu. Pane hama neshamwari dzakashaika asi tinotenda nenguva yatakaita navo. Kana uri mutendi panyaya yoMusiki wevanhu nemhuka nezvese zviri panyika, ipa chipo chokutenda. Kana usiri mutendi vitende iwe kuti ndiwe wachenjera chose kuti usafa kusvika nguva ino.

Ngatichitendawo nenguva yatinayo tese isu vasara tigohwisisa kuti kuitirana zvakanaka ndicho chinhu chikuru mumhuri uye kuzhe. Tine matambudziko akawanda chose asi kana mumba mune rudo zvizhinji zvimwe zvinoita nani. Rudo chinhu chinoti iwe ukapa vamwe rudo iwewo unowana rudo kubva kune vamwe. Hazvirevi kuti iyeye wawapa rudo ndiye anofanira kukudzisera rudo, bodo, hachisi chikwereti. Rudo gwakanakira pakuti ukaguhafura ukapa umwe munhu hafu yerudo gwako, iwe unongosara une rudo gwakazara. Hazvinei kuti wahafurira vanhu vangani.

Hino mumba kana une murume/mukadzi wedzera kumupa rudo mugore ra2017. Zvibvunze kuti chii chandinorangarira chandakaitira murume/mukadzi wangu mugore ra 2016 chaachiri kurangarirawo iye? Kana pane chaunoziva kuti wakamuitira, chifunga chimwewo chokumuitira mugore ra 2017. Kana pasina chaunorangarira chawakaita, zvoreva guti gore rino unofanira kuita zviviri.

Mudzimba medu umu mukadzi hwisisa kuti irombo rakanaka kuva nomurume waunoti uyu ndiye wako anokufadza, anoita nyaya dzechikuru newe muchiseka, anokumiririra pamhuri yenyu. Anoti ukanonoka kusvika kumba onetseka moyo kuti mukadzi wake aendepi, uye kushuhikana kuti kwakanaka here kwaari kusvika wasvika pamba. Itira murume wako zvakanaka nguva dzese. Hwisisa zvaanoda zvaunogona kumupa. Varume vedu vanofunga kuti ndidzo shasha dzokuriritira mhuri. Ipa murume wako manyawi muraini renyu adade nomukadzi wake.

Panyaya dzomumba hwisisa murume wako aramba ane meso pauri chete. Muviri wako ndewake. Zvipe kumurume wako muviri wako uite wake. Unoona ava kuita nawo zvimwe zvawange usingafungiri kuti anokwanisa kuita. Ngaasununguke kuita zvaanoda uye azive kuti hapana chaanoda chaasingawani.

Varumewo hwisisai vakadzi venyu. Vakadzi tine pamuromo nguva zhinji. Pamwe tinongopopota nyaya chaiyo pasina. Murume swedera pado nomoyo wemukadzi wako. Terera zvinomupopotesa Gadziridza nyaya. Potawo uchitenda basa remukadzi wako pamusha. Anobka, anowacha, anoaina, anokorobha, anokumwisa zamu, anokudziisa muviri, anokugezesa, anoriritira vana, anochengeta BUDGET yemusha zvakanaka. Anokuzvarira vana, Anofarira kukubvisa zemo kuti uvate hope dzakanaka zuva nezuva. Wanawo musi waunoti musi wekumutenda kuti ari kuita zvakanaka mumhuri yenyu.

Gore rino wanaiwo chinhu chamunobvumirana kuwedzera paupenyu hwenyu mumba menyu chamunokwanisa kupurakitiza muripo vaviri chamunokwanisa kuzorangarira kuti makachiita mugore ra 2017.

Upenyu hwatinahwo handi hwekupedza tichipopotedzana kana kupokana. Upenyu ngatizame kuva vavaki vemhuri. Kuva vanhu vanonakigwa noupenyu.

Kune avo vari pakati pamatambudziko sokuti une chimwe chaizvi:
1 Wakashaikigwa nomurume/mukadzi/mwana
2 Wakarambana numurume/mukadzi
3 Wakahurigwa nomurume/mukadzi
4 Wakamitiswa
5 Wakapiwa siki
6 Hamusi kuhwisisana mumba
7 Pane ari kugwara mumhuri
8 Mari ishoma mumba asi hamuzivi kuti modii
9 Munodanana asi hamugari pamwe chete
10 Mukadzi/murume wako ari kukunyima zvinhu mumba
11 Hamuna pokugara pakakodzera
12 Zvokudya zvishoma
13 Vana havagoni muchikoro

Tese umwe noumwe ane chinomudya moyo. Nhamo dzedu dzakasiyana siyana. Kana tikatanga nokuwirirana mumhuri uchaona kuti nhamo dzimwe dzese dzinoita shoma. Kuchema kunoita kushoma kana une wekuchemera anohwisisa zviri kukuchemedza. Kugwadza kwemoyo kunoita kushoma kana une munhu anokuhwisisa chinokugwadzisa moyo.

Nhamo dzakawanda dzomumba tisu tinodzikonzera. Murume/mukadzi anokuudza zvaasingafariri iwe woona sokuti ari kutaura zvisina maturo. Nyaya yange ichifanira kuita awa imwe chete yoramba ichienderera mberi yoita mwedzi mitatu muchitukana wozoona yakurisa zvokuti haichagadziriki. Kana uchiziva pakatangira nyaya yako, enda kumurume/mukadzi wako umuudze kuti zviri nani mugadzirise nyaya dzese dziri kukunetsai kuti muite upenu hwakareruka.

Kukumbira regerero chinhu hakanaka chose. Kana asingadi keterera murumire mwadhi pa WhtsAPP kana ane foni. Kana asina munyorere pabepa azive zviri mufungwa dzako. Kupopota nokutuka handizvo. Hazvivaki musha.

Ngatitore gore ra 2017 tiriite redu. Tibatane nevamwe vedu kugadziridza zvatinogona kugadziridza kuti upenyu hwuite nani. Ngatiregei kuwedzera nhamo. Murume/mukadzi wako ngaave ne KONIFIDHENZI newe kuti uri munhu anokwanisa kumuhwisisa nguva dzese.

Vanoda kuwedzera wedzerai 

Udzai vamwe!!!!!!!

paKISIMISI

Veduwee, Chenjerai mafambire enyu pa Kisimisi. 

Inguva yokuti vanhu vanomwa doro vogwa vokuvadzana. Iwe kana murume wako achimwa doro, mukurudzire kumwira doro kumba neshamwari dzake kwete kuenda kumabhawa.

Musafamba mumigwagwa. Pane zvakawandisa zvinokuvadza mumigwagwa vanhu vakawandisa vanofa gore rimwe nerimwe. Mhuri dzinosara dzinoshungurudzwa chose saka kana zvichikwanisika garai panzvimbo imwe chete.

Mudzimba umu zamaiwo kuwedzera kufadzana pane kutsvaka zvokukutukanisai. Chinhu chisingambonetsi kutanga kutukana noumwe munhu, asi ukagara une moyo muchena wekukangamwira vanhu vemhuri yako unona kuti kutukana kunoita kushoma. Kana ari murume/mukadzi wako, pedzera shunhu pakuvatana naye kwete pakurovana naye.

Kana uri wega paKisimisi, tora nguva yehorodhei iyoyi kutsvaka munhu akakodzera wekudanana naye zvisina zvigwere mukati. Ronga upenyu hwako wakachenjera. Kana uri kuDIASPORA usina shamwari kana hama, fonera vari kumusha uwane wekutaura naye. Kisimisi inguva yemhuri kuva pamwe chete kuti vafare.

Kana une chitenderi, enda kuchechi unoterera zvinoparidzwa. Ndokunge chechi yenyu yakavhugwa. Dziwe dzinenge dzakavhara.

Usadhakwa zvokukangamwakuti uri munhu ane unhu. Nyaya yokuzopepuka mangwanani uri mumubhedha wausingazivi kuti ndewani uye kuti chii chaitika usiku hwese handizvo. Munu nakigwa noupenya wakachenjera.

Kana ukajoinira zvavanhu vanobhema mbanje, whisisa kuti unokwanisa kusungwa ugopedza nguva mujeri, zvikuru kana uri kunyika dzisingadi zvevanhu vanobhema manje.

Ngatiite Kisimisi yakananatese. Ndatenda.

Kunyimana Mumba

Zvikonzero zvokunyimana zvakawanda asi zvese hazvo zvinobva pakusahwisisa nyaya yokuroorana nokugarisana. Kana ukaona munhu achigarokunyima mumba ziva kuti haana hanya newe. Usatombofunga kuti pane chawakanganisa bodo. Iye ndiye ane damudziko.

Hakuna chombo chinotadza kumira chichiti nokuti baba vakatsamwa. Hakuna zvakadaro. Hakuna mukadzi anotadza kunyorova achiti nokuti akatsamwa. Kutsamwa ikoko kunotoita kuti mukaisana, kuisana kwenyu nehasha kunonaka zvokuti, zvikuru kumukadzi. (i EXPERIENCE ka iyi) Mukatukana, mukaita hasha chose, pakunovata mukawana mukana wekuisana, unoshuva kuti dai murume wangu achigara akatsamwa shuwa. Unooneswa ndondo.


Chiri nani ndechipi kushaya zvachose kana kuwana zvishomanana? 

Mubvunzo uri pano uri kuti chiiko chiri nani kupiwa zvishomanana kana kusatombopiwa zvachose mumba. Pakuona kwangu inyaya inonetsa kutsanangura nokuti mhinduro yayo yakatosiyana zvichibva nokuti uri murume here kana kuti mukadzi.

Hwisisai kuti hapana chimwe chinhu chinokasira kupokanisa vanhu mumba senyaya yokunyimana kana kusapanana zvakakwana. 

Vakadzi vakawanda vane varume vasingavagutsi pakurhojana, iri ngari yokuti murume haatombonatsi kuhwisisa kuti chinogutsa mukadzi chii. Zvoreva kuti mukadzi anongobvuma kuiswa nokuda kwekuti anongoda kuti murume asamushusha pazviri asi iye mukadzi chake panyaya iyi hapana. Anokwanisa kupedza makore akawanda asina kunakigwa nomurume wake.

Kunozoti umwe musi fungwa dzabva pakungogarogutsa murume, Anotanga mukana wekubva panyaya yokuiswa. Kuti audze murume kuti zvokuiswa haachadi , zvinomunetsa nokuti anenge azviparira mhosva ega, inova inonetsa kubuda pairi. Vakawanda vanongoita nyaya dzokunyepa kuhwa musoro, kuneta, kuporomisa kuti tozoita mangwana, kana kuwana mukana wekusiyanisa nguva yokunovata.

Ukabvuna mukadzi akadai kuti chii chiri nani kuiswa kamwe chete pavhiki kana kusatomboiswa zvachose nomurume wako, anokuudza kuti zviri nani kusatomboiswa, nokuti anoziva kuti hapana chazvinomubatsira, uye murume wake haana hanya nokunakigwa kwake. Hazvirevi kutu achahura kana kuti anoda umwe murume. Anongoona sokuti inyaya yaatadza kugadzirisa.

Varumewo kune vane vakadzi  vasinei  nokuiswa zvokuti murume anokwanisa kudembademba mazuva ese kuti dai abvumidzwa kuvata nomukadzi wake asi mukadzi achiramba zvachose. Kana mukadzi akadai akasatsanangura chikonzero chinohwisiswa nomurume, zvinokwanisika kuti murume anongogara achizama kukumbira mukadzi kuti abvume. Panokwanisika kuti mukadzi anobvuma kamwe chete pavhiki kana kaviri pavhiki kuita seSHOPPING inohi inopedza mari saka hatikwanisi kuita kakawanda.

Ukazobvunza murume akadai kuti chiri nani ndechipi kupiwa kaviri pavhiki kana kunyimwa zvachose, vakawanda vanoti zviri nani kaviri pavhiki. Pawawanira ipapo unombofara nazvo.

Zvikonzero zvinoitisa kuti vaviri mumba vasiyane pakuda kuisana zvakawanda. Zvimwe zvacho zvinobva pakusahwisisana mumba. Zvimwewo zvinobva pakuti umwe haana hanya nokunakigwa kweumwe. Nyaya dzakadai dzinokwanisa kukanganisa mafungire evaviri mumba. Zvishoma zvinhu zvinogwadza kupfuura kuziva kuti munhu waunoda nomoyo wako wese haana hanya nokuvata newe. Varume mhomho yese, zvikuru verudzi gwedu, vanoda mukadzi anomupa FREE ACCESS, kuti chero paadira, zvisinei kuti inguvai kana kuti muripi. Kana akangotaridza kuti ari kuda kukuisa iwe wotomiramira kuti aite zvaari kuda mupedze. Vakadziwo vanoda murume anoratidza kuti anoda chose kumuisa. Zvinotaridza kudiwa nomurume. Vanhukadzi takaumbwa tikapiwa fungwa yokuzvipa kumurume nemhuri. Mufaro wedu unobva pakuratidzwa kudiwa nevarume vedu. Kuiswa ndechimwe chiratidzo chokuti murume anondida. Akanditarisa anoita zemo. Chinhu chinofadza.

Hino murume akangozotanga kushaya zemo mumba zvoita sokuti pane chaipa pamukadzi. Zvisinei kuti zvikonzero zvokushaikwa kwezemo zvakawanda.

Nyaya yedu yabva pakuvunzwa nomurume ane mukadzi mumba kuti iota sei nemaitire emukadzi wake okuti anomurambira nguva dzese zvokusvika pokuti anobvuma kaviri  kana katatu pamwedzi. Murume ari kubvunza kuti zviri nani achirega kukumbira mukadzi here kana kuti oramba achingokumbira asi achiziva kuti anonyimwa nguva zhinji? Murume aiti ava nevhiki mbiri asina kumbokumbira, nengari yokuti  mukadzi wake akamuudza kuti haadi zvokumanikidzwa kuita zvaasingadi. Murume kuti achibvunzurudza kuti saka uri kuti haudi kuiswa here? Mukadzi zii.  Saka kubudirana pachena konetsa kana umwe asingadi zvokutaura.

Murume anoti iye akamboita nguva asingakumbiri, mukadzi akandomurevera kwatete kuti haadi kuvata naye. Zvonetsa kuti  tete vachitonga nyaya zvonetsa nokuti nyakunyima ndiye andoturika nyaya kwatete. Zvonetsa futi kuti murume azodzokera kwatete oti mukadzi ari kumunyima. Mukadzi ndiye akashaya rairo paakauya kukurume kare. Kotizve nyaya dzokuisana mumba menyu dzinonetsa kuti mugare muchidzokera kwatete muchindotongeswa.

Saka chiri nani ndechipi kuregera zvachose nyaya dzokuisana kana kuti iwe nyakunyimwa wongotevedzera zvishomanana izvozvo zvauri kupiwa?  Kana tichida kutaura chokwadi, tinoti hapana chiri nani. Vanhu mumba isanai zvinogutsa mese. Hapana chakaipa kuti mukadzi angovhurira murume kuti amuise zvisinei kuti iye ari kuda here kana kuti haadi. Vakadzi vese vane varume tinoziva kuti pane nguva zhinji dzatinoiswa asi tange tisinei nokuiswa. Hazvina chazvinokuvadza uye hazvigwadzi. Pamwe unotonakigwa wopedzisira wotoda chose kuiswa.  

Varumewo kana mukadzi wako achida iwe usina zemo, rega akutsvakire zemo. Varume hamunetsi sesu. Kungopurudzira chombo nokutaura zvinopa zemo kuti chombo chimire. Kana changomira hapana chakaipa kukwira murume kusvika mapedza. Hazvikuvadzi murume uye zvinokwanisa kutonakira mese.

Asi kana umwe wako ane mweya wekukunyima uyu. Iwe chiona kuti  umire papi, uri kuda here kungopiwa kaviri pamwedzi kana kuti zviri nani kungosapiwa zvachose. Kana wafunga zvokusapiwa, wochirega kukumbira. Wongosiyawo zvakadaro. Uya nyakunyima ndiye oti paadira wokuudza kuti uya tiisane. Iwe chingomrira kuudzwa. Asi ukasawana chokuita panyaya yokubvisa zemo paunenge wakamirira, unokwanisa kushushikana nokunyimwa kwako kusvika wadzokera pakungofoya umwe wako.

Hwisisaizve kuti mukadzi anonyima iri nani pamurume anonyima. Mukadzi anokwanisa kuiswa asina zemo. Murume kana asina zemo hapana kuisana kunoitika. Imi varume chihwisisai kuti kusashuva kuvatana nomukadzi wako kunomushungurudza kusvika paitika chiitiko chisina kunaka. 

Ngatiudzane chokwadi. Kana ukaita tsika yokunyima mukadzi/murume wako hwisisa kuti achazvigamuchira hake asi pachasvika umwe musi waanofunga kukuhurira noumwe murume/mukadzi. Unofanira kuhwisisa kuti imhosva yako iyoyo. Ndiwe wazvisarudzira kuti mukadzi/murume  wako ngaachihura hake. 

Mumba nyaya yokuisana ndeyokutorongerana. Mukadzi rongera murume wako awane wekuisana naye. Murumewo rongera mukadzi wako awane wekuisana naye. Ndizvo zvamakaroorerana. Kurambirana kunokonzera zvakawandisa mumba zvisina kunakira vakaroorana.